Da ka jingshitrhem ha kylleng ka ri, la pynkhreh ka rynsan ia ka bynta kaba 9 jong ka Swachhata Hi Seva (SHS) 2025, hapoh ka jingpeit jong ka Swachh Bharat Mission. Kan sdang naduh ka 17 tarik Nailur bad kut ha ka 2 tarik Risaw, ka Gandhi Jayanti, kane ka campaign kaba 15 sngi kan wanrah lang ia ki million ngut ha kylleng ka ri ha ka jingkyntu lang ban trei na ka bynta ki kam swachhata kiba don jingktah bha. La sdang da ka Tnad Housing and Urban Affairs (MoHUA) bad ka Tnad Drinking Water and Sanitation (DDWS), Tnad Jal Shakti, ka SHS 2025 ka wanrah lang ia ki nongshong shnong, ki shnong ki thaw, bad ki jaka treikam ban wanrah ia ka jingkhuid kaba lah ban iohi, da kaba pynleit jingmut ha ki jaka ba la buh thong- ki jaka ba dum, ba jaboh bad ba la iehnoh bein.

Haba ai jingkren ha jingialang shuwa kane ka kam, u Myntri ka tnad Housing and Urban Affairs, u Manohar Lal, u la ban jur halor ka jingpynleit jingmut ha ki Cleanliness Target Unit (CTU) hapoh ka SHS 2025, kumba long ha u snem ba ladep. Ha u snem 2024, palat 8 lak tylli kum kine ki CTU la pynkylla bad wanrah ïa ki jaka paidbah kiba lah ban pyndonkam. U la ong, "Ka jingithuh, jingpynkylla bad pynitynnad ia ki CTU kan jia ha ka rukom kaba stet bad hadien ka samoi jong ka campaign na ka bynta ka jingkhuid kaba lah ban iohi. Ki nongbah ki dang ithuh ia ki CTU - ki jaka ba dum, ki jaka ba la shah iehbein bad ki jaka ba jynjar ban poi, bad ki jaka ba bun ki jaboh kum ki jaka bret niut, ki steshon rel, ki wah, ki jaka kiba jakhlia, ki lynti iaid, bad ki jaka ba bun ki niut ba donkam ia ka jingpynkhuid ha ka por kaba biang. Kine ki jaka ki ktah ïa ka jingkhuid jingsuba, namar ka jingkhuid bad ka jingitynnad ki ïaid ryngkat ryngkat.”

U Myntri sorkar pdeng u Manohar Lal u la pynbna ka jingpdiang ïa ka jaka bret niut Bhalswa ha Delhi na ka bynta ban pynkylla dur bad pynitynnad ïa ka. U la ong, “Ngan leit jngoh ïa ka Bhalswa ha ka 17 tarik u Nailur 2025, ryngkat bad ki nongpynïaid, ban bishar bniah ïa ki jingthmu na ka bynta ban pynduna bad pynkhuid ia ka jaboh jabaiñ. Naduh katei ka sngi, ngin sdang ïa ka jingpynkhuid. Da kaba pyrkhat ïa ka jingduna jaka na ka bynta ban pynkhuid ïa ki jaboh jabaiñ ha katei ka jaka, nga la kyrpad ruh ïa ka DDA ban ïarap ïa ngi ban ioh shuh shuh ia ka jaka.”

U Myntri Sorkar Pdeng u CR Paatil u la ong, “Hapoh ka jingialam jong u Myntri Rangbahduh ka ri u Narendra Modi Ji, ka SHS 2025 hapoh ka phang Swachhotsav ka dei ka jingpyniasoh lang ia ka jingrakhe ryngkat ka jingkitkhlieh. Lyngba ki rishot jong ka jingkylla jong ka CTU, ka SafaiMitra Suraksha, bad ka kam na ka bynta ka ODF Plus bad ka jingpynbna Swachh Sujal Gaon, ki shnong nongkyndong kiba lait na ki jaboh plastik, ka rukom treikam ka dei na ka bynta ka ‘Antyodaya se Sarvodaya’, ha kaba ka jingpynleit jingmut ka long ban don ka burom ha baroh ki jaka, ka koit ka khiah, bad ka jingpynneh pynsah ia man ka shnong bad ka sorbah kiba long ki jingdonkam shwa ban ioh ka Viksit Bharat 2047. Nga kyntu ïa barh ki nongshong shnong ban ïashim bynta shitrhem ha ka shramdaan ha kylleng ka ri ha ka 25 tarik Nailur, ban pyni ia ka jingkut jingmut jong ka India na ka bynta ka lashai kaba kham khuid, kaba koit ba khiah, bad kaba jyrngam. U Myntri Sorkar Pdeng u la pynbna ruh ia ka SafaiMitra Suraksha Fund kaba T.8–10 klur na ka bynta ka Surat kynthup ia ka Navsari na ka bynta ka bha ka miat kynthup ia ka jingkyrshan ha ka pule puthi bad ki ram khlem jingsiew sut na ka bynta ki longiing jong ki.

La tei ia ka Swachhotsav ha 5 tylli ki rishot ba kongsan (i) Ka jingpynkylla ia ki Cleanliness Target Unit (CTU)  - Ka jingpynduh ia ki jaka ba jynjar, ba dum bad ba la iehnoh bein (ii) Ki jaka paidbah kiba khuid - ka jingkhuid jingsuba kyllum bad ki kam swachhata ha kylleng ki jaka paidbah (iii) SafaiMitra Suraksha Shivir - Single-window Seva, Suraksha bad ki Samman camp na ka bynta ban peit ia ka koit ka khiah bad ka bha ka miat jong ki briew ba trei ha ki kam pynkhuid (iv) Ki jinglehkmen kiba khuid - Ki jingrakhe ki bym ktah ia ka mariang bad ki bym pynmih jaboh (v) Ka jingkyrshan ia ka Swachhata - ka jingpynphriang ia ka khubor jong ka Swachhata da kaba pynleit jingmut ha ka Gram Sabha na ka bynta ban pynbna ia ka ODF Plus Model bad ka Swachh Sujal Gaon ha ki jaka nongkyndong jong ka India.

Kum shi bynta jong ka Swachhata Hi Seva 2025, yn pynlong ïa ka shramdaan kaba trei mon sngewbha ha ka ri baroh kawei – “Ek Din, Ek Ghanta, Ek Saath” – ha ka 25 tarik Nailur 2025. Ha ki shnong ki jingpyrshang ha kaba ïadei bad ka jingpynkylla ïa ki CTU ki dang ïaid shakhmat. Ka jingpynleit jingmut kan long halor ki jingpynkhreh shramdaan bad jingpynkhreh ia ki kam ban pynlong da ki nongshong shnong, ki nongialam sain pyrthei, ki Nongkitktien jong ka SBM, ki seng samla, ki seng treimon sngewbha, ki CSO, ki nongmihkhmat jong ki seng ba iatreilang, ki influencer. La ai jingmut ruh ban pynkup burom ia ki nongtrei kiba pynkhuid ha ki shnong ki thaw ban ithuh ia ka jingnoh synniang jong ki sha ka Mission ha ki Shivir.

Kum shi bynta jong ki jingialang pynkhreh, la pynlong ia ka jingialang hapdeng ki Myntri ba donburom, ka MoHUA bad ka DDWS ha ka 3 tarik u Nailur, 2025 ban iakren ia ka SHS, bud sa ka jingialang pynkhreh ha ka 9 tarik u Nailur, 2025 bad baroh ki jylla / UT ba la pyniaid da ki Myntri sorkar pdeng jong ka DDWS bad ka MoHUA, ia ka jingialang jong ki Committee jong ki Secretary la pyniaid da u Cabinet Secretary ha ka 10 tarik u Nailur.  La pynlong ia ka jingialang kaba nyngkong jong ki Coordination Committee ha baroh ki kyrdan (Jylla, District, ki bor shnong, ki Tnad sorkar pdeng bad kiwei kiwei) ha ka 12 tarik u Nailur, bud sa ka jingialang bad baroh ki Central Ministry Nodal Officer bad ki field units, ba la pyniaid da u Secretary, DDWS.

****