• ଆଚରଣଗତ, ଲଜିଷ୍ଟିକ୍ ଏବଂ ସଚେତନତା-ସମ୍ବନ୍ଧୀୟ ପ୍ରତିବନ୍ଧକଗୁଡ଼ିକୁ ଦୂର କରିବା ପାଇଁ ବିହେବିୟରାଲ ଇନସାଇଟ୍‌ ଲିମିଟେଡ୍ ସହିତ ସହଭାଗୀତା କଲା ୟୁଆଇଡିଏଆଇ
• ଏମବିୟୁକୁ ପ୍ରୋତ୍ସାହିତ କରିବା ପାଇଁ ଆଚରଣଗତ ହସ୍ତକ୍ଷେପ ଡିଜାଇନ୍ ଏବଂ କାର୍ଯ୍ୟକାରୀ କରାଯିବ

ପିଲାମାନଙ୍କ ପାଇଁ ଆଧାରରେ ବାଧ୍ୟତାମୂଳକ ବାୟୋମେଟ୍ରିକ୍ ସଂଶୋଧନ (ଏମବିୟୁ) ଲାଗି ସମସ୍ତ ଶୁଳ୍କ ଛାଡ଼ କରିବା ପରେ ଭାରତୀୟ ଅନନ୍ୟ ପରିଚୟ କର୍ତ୍ତୃପକ୍ଷ (ୟୁଆଇଡିଏଆଇ) ଏମବିୟୁ ଗ୍ରହଣକୁ ବୃଦ୍ଧି କରିବା ପାଇଁ ଆଚରଣଗତ ଅନ୍ତର୍ଦୃଷ୍ଟି ବ୍ୟବହାର କରିବ।
ଛୋଟ ପିଲା ଏବଂ ଯୁବପିଢ଼ିଙ୍କୁ ସେମାନଙ୍କର ଆଧାରରେ ବାୟୋମେଟ୍ରିକ୍ ସମୟାନୁସାରେ ସଂଶୋଧନ ମାଧ୍ୟମରେ ଗୁରୁତ୍ୱପୂର୍ଣ୍ଣ ସେବାଗୁଡ଼ିକ ପାଇବାରେ ସାହାଯ୍ୟ କରିବା ପାଇଁ ୟୁଆଇଡିଏଆଇ ଗବେଷଣା ପରାମର୍ଶଦାତା ବିହେବିୟରାଲ ଇନସାଇଟ୍‌ ଲିମିଟେଡ୍ (ବିଆଇଟି) ସହିତ ବୁଝାମଣାପତ୍ର ସ୍ୱାକ୍ଷର କରିଛି।
5 ବର୍ଷ ଏବଂ 15 ବର୍ଷ ବୟସର ପିଲାମାନଙ୍କ ପାଇଁ ଆଧାରରେ ଏମବିୟୁ ବୃଦ୍ଧି କରିବା ଏବଂ ସମୟାନୁସାରେ ସଂଶୋଧନ ଲାଗି ଆଚରଣଗତ, ଲଜିଷ୍ଟିକ୍ ଏବଂ ସଚେତନତା-ସମ୍ବନ୍ଧୀୟ ପ୍ରତିବନ୍ଧକଗୁଡ଼ିକୁ ଦୂର କରିବା ଏହି ବୁଝାମଣାପତ୍ରର ଲକ୍ଷ୍ୟ। ଏହା ଆଧାର ସହିତ ଜଡିତ ସେବା ଏବଂ ଲାଭଗୁଡ଼ିକୁ ସୁଗମ ଉପଲବ୍ଧତାକୁ ସକ୍ଷମ କରିବ।
ଆଧାର ଏମବିୟୁଗୁଡ଼ିକୁ ଉତ୍ସାହିତ କରିବା ପାଇଁ ଉପଯୁକ୍ତ ଆଚରଣଗତ ହସ୍ତକ୍ଷେପ ଡିଜାଇନ୍, ପରୀକ୍ଷଣ ଏବଂ କାର୍ଯ୍ୟକାରୀ କରାଯିବ।
ୟୁଆଇଡିଏଆଇର ସିଇଓ ଭୁବନେଶ କୁମାର ଏବଂ ବରିଷ୍ଠ ସଦସ୍ୟଙ୍କ ଉପସ୍ଥିତିରେ ଏହି ବୁଝାମଣାପତ୍ରରେ ୟୁଆଇଡିଏଆଇର ଉପମହାନିର୍ଦ୍ଦେଶକ ତନୁଶ୍ରୀ ଦେବବର୍ମା ଏବଂ ବିଆଇଟିର ଗୋଷ୍ଠୀ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରବି ଗୁରୁମୂର୍ତ୍ତି ସ୍ୱାକ୍ଷର କରିଥିଲେ।
ଭୁବନେଶ କୁମାର କହିଛନ୍ତି, ‘‘ଯେତେବେଳେ ପ୍ରଯୁକ୍ତିବିଦ୍ୟା ମାନବ ଆଚରଣ ସହିତ ସମନ୍ୱିତ ହୁଏ, ଡିଜିଟାଲ୍ ପରିଚୟ ସମ୍ପୂର୍ଣ୍ଣ ବୈଷୟିକ ପ୍ରକ୍ରିୟାରେ ଅଧିକ ସୁଗମ, ବିଶ୍ୱସନୀୟ ଏବଂ ସଶକ୍ତୀକରଣ ଅଭିଜ୍ଞତାରେ ପରିଣତ ହୁଏ। ଏହି ବୁଝାମଣାପତ୍ର ମାଧ୍ୟମରେ, ଆମେ ଏହି ପ୍ରଭାବ ହାସଲ କରିବାକୁ ଆଶା କରୁଛୁ।’’
ବିଆଇଟିର ସିଇଓ ରାଚେଲ୍ କୋୟଲ୍ କହିଛନ୍ତି, ମାନବ ଆଚରଣର ଏକ ନୂତନ ପ୍ରମାଣ-ଆଧାରିତ ବୁଝାମଣା ଆଧାରର ଅପଡେଟ୍ ବୃଦ୍ଧି କରିପାରିବ ଏବଂ ଆଧାର ନମ୍ବର ଧାରକମାନଙ୍କୁ ଗୁରୁତ୍ୱପୂର୍ଣ୍ଣ ସାର୍ବଜନୀନ ସେବା ପାଇବାରେ ସାହାଯ୍ୟ କରିପାରିବ।
ଆଧାରରେ ପଞ୍ଜିକରଣ ହେବା ପରେ, ଜଣେ ପିଲାକୁ 5 ବର୍ଷ ବୟସ ହେବା ପରେ ଏବଂ ତା'ପରେ ପୁଣି 15 ବର୍ଷ ବୟସ ହେବା ପରେ ବାୟୋମେଟ୍ରିକ୍ (ଆଙ୍ଗୁଠି ଚିହ୍ନ, ଆଇରିସ୍ ଏବଂ ଫଟୋ) ସଂଶୋଧନ କରିବାକୁ ପଡିବ। ୟୁଆଇଡିଏଆଇ ସମାଜରେ ଏମବିୟୁର ଗ୍ରହଣୀୟତାରେ ସୁଧାର କରିବା ପାଇଁ ନିରନ୍ତର ପ୍ରୟାସ କରିଆସୁଛି। ଏକ ଲୋକାଭିମୁଖୀ ପଦକ୍ଷେପ ସ୍ୱରୂପ, ୟୁଆଇଡିଏଆଇ 7-15 ବୟସ ବର୍ଗ ପାଇଁ ଏମବିୟୁ ପାଇଁ ସମସ୍ତ ଶୁଳ୍କ ଛାଡ଼ କରିଛି, ଯାହା ଦ୍ୱାରା ପ୍ରାୟ 6 କୋଟି ପିଲା ଉପକୃତ ହେବେ ବୋଲି ଆଶା କରାଯାଉଛି। ଉକ୍ତ ବୟସ ବର୍ଗ ପାଇଁ ଏମବିୟୁ ଶୁଳ୍କ ଛାଡ଼ 1 ଅକ୍ଟୋବର 2025 ରୁ ଆରମ୍ଭ ହୋଇସାରିଛି ଏବଂ ଏହା ଗୋଟିଏ ବର୍ଷ ପାଇଁ ବଳବତ୍ତର ରହିବ।
******
PS