Ka Tnad Electronics and Information Technology (MeitY) ka la pynmih ia ka Standard Operating Procedure (SoP) ban pynkhlain ia ki lad ki lynti ban weng bad iada na ki Non-Consensual Intimate Imagery (NCII) ha ki rynsan online.

Kane ka sienjam, kaba la sdang katkum ki jingbthah jong ka Madras High Court (Writ Petition - Civil No.25017/2025, hukum ba la pynmih ha ka 15.07.2025), ka thmu ban ai ïa ki rukom treikam kiba shai bad kiba pynshong nongrim ha ki lanot khnang ban weng noh kloi ïa kum kine ki jingpynmih bad ban pynthikna ïa ka jingpyntreikam kaba paka ïa ka Rule 3(2)(b) jong ka Information Technology (Intermediary Guidelines and Digital Media Ethics Code) Rules, 2021.

Ka jingthmu bad ka kam

Ka SoP ka ai ki jingbatai ba bniah na ka bynta ki lanot, ki nongiarap bad ki kynhun ba pyntreikam ia ka ain ban pynthikna ia ka jingshim ia ki sienjam kiba stet bad kiba ryntih pyrshah ïa ka jingpynphriang online ïa ki NCII — kynthup ïa ki dur ba la pynkylla ba la pyndonkam khlem ka jingmynjur. Ka buh ia ki lad ki lynti na ka bynta ban weng ia ki hapoh 24 kynta naduh ba la ai jingtip.

Ki bynta ba kongsan jong ka Standard Operating Procedure (SoP)

1. Ki lad ia ki lanot ban ai jingtip ba bun jait

• Ki One Stop Centre (OSC): Ki lanot ki lah ban leit sha ka OSC kaba jan tam ban ioh jingiarap, kynthup ia ka jingiarap ha kaba ai jingtip lyngba ka National Cybercrime Reporting Portal (NCRP), ka jingkyrshan ha kaba iadei bad ka ain, bad ka jingiasyllok.
• Kito kiba peit ia kane ka kam: Ki lanot ki lah ban pyntip shaphang ki jingdonkam lyngba ki lad pyntip ha ka app, ki ophisar jong ki nongpynïaid ba ïadei bad kane ka kam.
• National Cybercrime Reporting Portal (NCRP): Ka plié lad ia ki briew ba kin ai jingtip shaphang ki jingjia lyngba ki lad online da kaba phone ha u 1930.
• Ki kynhun ba pyntreikam ia ka ain: Lah ban ai jingujor ruh ha ki thanat ban ioh ia ki sienjam ba mardor.

2. Ka por ba la buh ia kito kiba peit ia kane ka kam

• Baroh kito kiba peit ia kane ka kam ki hap ban weng ne pynsangeh ia ka lad ban iohi ia kine ki dur hapoh 24 kynta naduh ba la ioh ia ka jingujor
• Ki Significant Social Media Intermediarie (SSMI) ki hap ban pyndonkam ia ki teknoloji hash-matching bad crawler ban iada na ka jingmih biang jong kine ki dur ne ki dur ba iahap bad ki.
• Kito kiba peit ia kane ka kam ki hap ruh ban ai jingtip shaphang ki sienjam ba ki la shim bad pynthikna ka jingiatreilang bad ki rynsan Sorkar kum ka Sahyog hapoh ka MHA - I4C (Indian Cybercrime Coordination Centre, ka tnad Kam Pohiing).

3. Ka jingiatreilang hapdeng ki kynhun

• Ka Indian Cybercrime Coordination Centre, hapoh ka tnad Kam Pohiing ka long ka jaka pdeng na ka bynta ki jingujor NCII bad ka pyniaid ia ka NCII hash bank kaba shngain.
• Ka tnad Telecommunications: Ka iatrei lang bad ki Internet Service Provider ban block ia ki URL.
• MeitY: Ka peit ia ka jingbud ryntih bad ka iatrei lang bad kito kiba don bynta ha kane ka kam bad ruh kiwei kiwei ki bynta jong ka Sorkar kiba don bynta ha kane ka kam.

Ka jingpynkupbor ia ki lanot bad ka jingpynkhlain ia ka jingshngain ha ki kam digital

Kane ka SoP ka dei ka sienjam kaba heh ban pynkupbor ïa ki briew, khamtam ïa ki kynthei, ban ïoh biang ïa ka bor ha ka kam digital jong ki bad ban pynthikna ïa ka jinglong jingman online kaba shngain. Ka pynskhem ruh ïa ka jingkut jingmut jong ka sorkar ban ïada ïa ka jinglong kyrpang, ka burom bad ka jingshngaiñ ha ka kam cyber.

Lah ban ioh ia ka Standard Operating Procedure ban tehlakam ia ki Non-Consensual Intimate Imagery (NCII) ha:

https://www.meity.gov.in/static/uploads/2025/11/a2c9500ef5f8b62a43bfc68747de592d.pdf

***

(Release ID: 2188970) Visitor Counter : 7