نوجوانوں کے امور اور کھیلوں کی وزارت نے اسپورٹس اتھارٹی آف انڈیا (ایس اے آئی) میں اسسٹنٹ کوچ (لیول-06 ، پے میٹرکس 7 ویں سی پی سی کے مطابق) کے عہدے کے لیے تاریخی بھرتی مہم کو منظوری دے دی ہے ۔  یہ2017 کے بعد پہلی بڑی بھرتی ہے اور ہندوستانی کھیلوں میں اس اہم کیڈر کے لیے کی گئی اب تک کی سب سے بڑی بھرتی کی مشق کی نمائندگی کرتا ہے ۔  اس فیصلے کا اعلان نوجوانوں کے امور اور کھیل اور محنت و روزگار کے مرکزی وزیر ڈاکٹر منسکھ مانڈویہ نے آج میڈیا کے ساتھ بات چیت میں کیا ۔

’’انصاف پسندی ، شفافیت اور میرٹ کو یقینی بنانے کے لیے ، بہترین دستیاب کوچنگ مہارت کی شناخت اور ان کو شامل کرنے کے لیے ایک جامع انتخابی عمل تشکیل دیا جا رہا ہے ۔  یہ اسٹریٹجک بھرتی آنے والے برسوں میں ہندوستان کے کھیلوں کے عزائم کو آگے بڑھانے میں کلیدی کردار ادا کرے گی ۔‘‘

مرکزی وزیر نے مزید کہا کہ یہ پہل ہندوستان کو کھیلوں کا عالمی پاور ہاؤس بنانے اور شفاف ، میرٹ پر مبنی نظام اور ادارہ جاتی صلاحیت سازی کے ذریعے ملک کے کھیلوں کے ماحولیاتی نظام کو مضبوط کرنے کے وزیر اعظم جناب نریندر مودی کے وژن کے مطابق ہے ۔

کھیلوں کے25 سے زیادہ شعبوں میں 320 سے زیادہ آسامیاں براہ راست بھرتی کے ذریعے پر کی جائیں گی ۔  اسسٹنٹ کوچ کیڈر ملک کے کھیلوں کی ترقی کے فریم ورک میں ایک اہم کڑی قائم کرتاہے، جو بنیادی سطح سے لے کر اعلیٰ ترین سطح تک کھیلوں کی صلاحیتوں کی شناخت اور ان کی پرورش کی بنیاد کے طور پر کام کرتا ہے ۔  اس کیڈر کو مضبوط بنانے سے پورے ہندوستان میں کھلاڑیوں کو منظم ، اعلیٰ معیار کی کوچنگ مدد کو یقینی بنایا جائے گا ۔

بھرتی کے عمل کو اولمپک اور ایشین گیمز کے لیے حکومت کی میڈل اسٹریٹجی کے مطابق ڈیزائن کیا جا رہا ہے ، جس میں ایکواٹکس ، سائیکلنگ اور دیگر جیسے تمغے جیتنے کے قوی امکانات والے  کھیلوں پر توجہ دی جا رہی ہے ۔  اس کے ساتھ ہی ایسے کھیلوں پر بھی زور دیا جا رہا ہے جو ملک میں کھیلوں کی وسیع تر ثقافت اور ایک جامع ماحولیاتی نظام کی تشکیل میں معاون ہیں ۔کھیلوں کے کچھ شعبوں میں کوچز کی بھرتی کے لیے خصوصی کوششیں کی جا رہی ہیں جن پر ماضی میں کم توجہ دی گئی ہے ،  ان کی بڑھتی ہوئی اہمیت اور صلاحیت کو  تسلیم کرتے ہوئے  لان ٹینس ، کایاکنگ اور کینوئنگ جیسے کھیلوں پر توجہ مرکوز کی جارہی ہے ۔

صنفی شمولیت کے لیے حکومت کے عزم کے مطابق ، 50 فیصد سے زیادہ آسامیاں خواتین کوچز کے لیے مختص کی جائیں گی ۔  یہ نہ صرف ملک میں خواتین کوچز کی کمی کو دور کرے گا بلکہ سیف اسپورٹس کے ماحول کو بھی مضبوط کرے گا ، جس سے خواتین ایتھلیٹس کے لیے سکون ، اعتماد اور بااختیار بنانے کو یقینی بنایا جا سکے گا جو ملک کے لیے فخر کا باعث بنی ہوئی ہیں۔

یہ پہل ایک مضبوط ، جامع اور کارکردگی پر مبنی کوچنگ ماحولیاتی نظام کی تعمیر کے لیے وزارت کی مسلسل کوششوں کی نشاندہی کرتی ہے ، جو ہندوستان کے عالمی کھیلوں کے پاور ہاؤس کے طور پر ابھرنے کے وژن کے مطابق ہے۔

****

ش ح۔ض ر۔ ش ت

U NO: 1048