ઉપરાષ્ટ્રપતિ શ્રી સી.પી. રાધાકૃષ્ણન પદ સંભાળ્યા પછી 9 નવેમ્બર, 2025 ના રોજ કર્ણાટકની તેમની પ્રથમ મુલાકાત લેશે.

ઉપરાષ્ટ્રપતિ હાસનના શ્રવણબેલાગોલા ખાતે પરમ પૂજ્ય આચાર્ય શ્રી 108 શાંતિ સાગર મહારાજ જીના સ્મૃતિ સમારોહમાં ભાગ લેશે અને આદરણીય જૈન સાધુ અને આધ્યાત્મિક નેતાને શ્રદ્ધાંજલિ આપશે. આ કાર્યક્રમ ચરિત્ર ચક્રવર્તી આચાર્ય શ્રી 108 શાંતિ સાગર મહારાજની 1925 માં શ્રવણબેલાગોલાની પ્રથમ મુલાકાતની શતાબ્દી નિમિત્તે છે.

સ્મૃતિ સમારોહ દરમિયાન, ઉપરાષ્ટ્રપતિ આચાર્ય શ્રી શાંતિ સાગર મહારાજની પ્રતિમાના સ્થાપન સમારોહ અને ચોથી ટેકરીના નામકરણ સમારોહમાં પણ ભાગ લેશે.

બાદમાં, શ્રી સી.પી. રાધાકૃષ્ણન મૈસુરમાં જગદ્ગુરુ શ્રી વીરસિંહાસન મહાસંસ્થાન મઠ, સુત્તુર શ્રી ક્ષેત્ર સાથે જોડાયેલા JSS એકેડેમી ઓફ હાયર એજ્યુકેશન એન્ડ રિસર્ચના 16મા દીક્ષાંત સમારોહમાં હાજરી આપશે અને સ્નાતક વિદ્યાર્થીઓને સંબોધિત કરશે.

ઉપરાષ્ટ્રપતિ કર્ણાટકના સૌથી અગ્રણી મઠ કેન્દ્રોમાંના એક, સુત્તુર મઠના જૂના કેમ્પસની પણ મુલાકાત લેશે. તેઓ મૈસુર નજીક શ્રી ચામુંડેશ્વરી દેવી મંદિર અને માંડ્યાના મેલકોટમાં ચેલુવનનારાયણ સ્વામી મંદિરમાં પ્રાર્થના કરશે.

IJ/BS/GP/JD