ਕੇਂਦਰੀ ਰੇਲਵੇ, ਸੂਚਨਾ ਅਤੇ ਪ੍ਰਸਾਰਣ ਅਤੇ ਇਲੈਕਟ੍ਰੋਨਿਕਸ ਤੇ ਸੂਚਨਾ ਟੈਕਨੋਲੋਜੀ ਮੰਤਰੀ ਸ਼੍ਰੀ ਅਸ਼ਵਨੀ ਵੈਸ਼ਣਵ ਨੇ ਦੇਸ਼ ਭਰ ਦੇ ਵੱਖ-ਵੱਖ ਰੇਲਵੇ ਸਟੇਸ਼ਨਾਂ 'ਤੇ 76 ਯਾਤਰੀ ਆਵਾਸ ਖੇਤਰ (ਹੋਲਡਿੰਗ ਏਰੀਆ) ਵਿਕਸਿਤ ਕਰਨ ਦੀ ਯੋਜਨਾ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਫ਼ੈਸਲਾ ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ 'ਤੇ ਯਾਤਰੀ ਆਵਾਸ ਖੇਤਰ ਦੀ ਸਫ਼ਲਤਾ ਤੋਂ ਬਾਅਦ ਲਿਆ ਗਿਆ ਹੈ।

ਦੇਸ਼ ਭਰ ਵਿੱਚ ਯੋਜਨਾਬੱਧ ਯਾਤਰੀ ਆਵਾਸ ਖੇਤਰਾਂ ਵਿੱਚ ਆਧੁਨਿਕ ਸਹੂਲਤਾਂ ਮੁਹੱਈਆ ਕਰਾਈਆਂ ਜਾਣਗੀਆਂ ਅਤੇ ਇਨ੍ਹਾਂ ਦਾ ਸਥਾਨਕ ਸਥਿਤੀਆਂ ਦੇ ਅਨੁਸਾਰ ਨਿਰਮਾਣ ਕੀਤਾ ਜਾਵੇਗਾ। ਕੇਂਦਰੀ ਮੰਤਰੀ ਨੇ ਨਿਰਦੇਸ਼ ਦਿੱਤਾ ਹੈ ਕਿ ਸਾਰੇ ਯਾਤਰੀ ਆਵਾਸ ਖੇਤਰ 2026 ਦੇ ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਹੀ ਪੂਰੇ ਹੋ ਜਾਣੇ ਚਾਹੀਦੇ ਹਨ।

ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਨੇ ਦੀਵਾਲੀ ਅਤੇ ਛੱਠ ਦੇ ਦੌਰਾਨ ਯਾਤਰੀਆਂ ਦੀ ਬਹੁਤ ਜ਼ਿਆਦਾ ਭੀੜ ਨੂੰ ਆਪਣੇ ਨਵੇਂ ਵਿਕਸਿਤ ਯਾਤਰੀ ਆਵਾਸ ਖੇਤਰ ਦੀ ਮਦਦ ਨਾਲ ਪ੍ਰਬੰਧਨ ਕੀਤਾ। ਇਸ ਨੂੰ ਚਾਰ ਮਹੀਨਿਆਂ ਦੇ ਅੰਦਰ ਤਿਆਰ ਕੀਤਾ ਗਿਆ। ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ 'ਤੇ ਯਾਤਰੀ ਸੁਵਿਧਾ ਕੇਂਦਰ (ਸਥਾਈ ਹੋਲਡਿੰਗ ਏਰੀਆ) ਨੂੰ ਕਿਸੇ ਵੀ ਸਮੇਂ ਲਗਭਗ 7,000 ਯਾਤਰੀਆਂ ਨੂੰ ਸਾਂਭਣ ਲਈ ਡਿਜ਼ਾਇਨ ਕੀਤਾ ਗਿਆ ਹੈ, ਇਸ ਵਿੱਚ ਪ੍ਰੀ-ਬੋਰਡਿੰਗ ਸਹੂਲਤਾਂ ਦਿੱਤੀਆਂ ਗਈਆਂ ਹਨ, ਜਿਸ ਕਰਕੇ ਯਾਤਰੀਆਂ ਦੀ ਗਿਣਤੀ ਵਿੱਚ ਜ਼ਿਕਰਯੋਗ ਵਾਧਾ ਹੋਇਆ ਹੈ। ਯਾਤਰੀਆਂ ਦੀ ਆਵਾਜਾਈ ਨੂੰ ਸੁਚਾਰੂ ਬਣਾਉਣ ਲਈ ਇਸ ਸਹੂਲਤ ਨੂੰ ਰਣਨੀਤਕ ਤੌਰ 'ਤੇ ਤਿੰਨ ਖੇਤਰਾਂ - ਟਿਕਟਿੰਗ, ਪੋਸਟ-ਟਿਕਟਿੰਗ ਅਤੇ ਪ੍ਰੀ-ਟਿਕਟਿੰਗ ਵਿੱਚ ਵੰਡਿਆ ਗਿਆ ਹੈ। ਨਵੀਂ ਦਿੱਲੀ ਸਟੇਸ਼ਨ ਦਾ ਹੋਲਡਿੰਗ ਏਰੀਆ 7,000 ਤੋਂ ਵੱਧ ਯਾਤਰੀਆਂ ਨੂੰ ਸਾਂਭ ਸਕਦਾ ਹੈ ਅਤੇ ਇੱਥੇ ਮਰਦਾਂ ਅਤੇ ਮਹਿਲਾਵਾਂ ਲਈ 150-150 ਪਖਾਨੇ, ਟਿਕਟ ਕਾਊਂਟਰ, ਆਟੋਮੈਟਿਕ ਟਿਕਟ ਵੈਂਡਿੰਗ ਮਸ਼ੀਨਾਂ ਅਤੇ ਮੁਫ਼ਤ ਸ਼ੁੱਧ ਪੀਣ ਵਾਲੇ ਪਾਣੀ ਦੀ ਸਹੂਲਤ ਉਪਲਬਧ ਹੈ।

76 ਸਟੇਸ਼ਨਾਂ ਦੀ ਸੂਚੀ :

**********

ਧਰਮੇਂਦਰ ਤਿਵਾਰੀ/ ਡਾ. ਨਯਨ ਸੋਲੰਕੀ/ ਮਾਨਿਕ ਸ਼ਰਮਾ