ٹیکسٹائل کی وزارت کے ترقیاتی کمشنر (ہینڈلوم اور دستکاری) کے دفاتر کی طرف سے 31 اکتوبر-1 نومبر، 2025کو بھونیشور، اڈیشہ میں ہینڈلوم اور دستکاری پر ایک قومی کانفرنس کا انعقاد کیا جائے گا۔ کانفرنس میں ریاستوں/ مرکز کے زیر انتظام علاقوں کے سینئر افسران اور ہینڈلوم اور دستکاری کے شعبوں کے نمائندے یکجا ہوں گے۔

کانفرنس کے دو مقاصد بھارت میں ہاتھ سے بنے شعبے کے مواقع اور چیلنجوں کو سمجھنا اور دوسرا بھارت سرکار کے تحت اس شعبے کے لیے آنے والی نئی اسکیموں پر غور و خوض کرنا ہے۔ نئی اسکیم میں اسکیم کے گورننس ڈھانچے میں خاطر خواہ تبدیلیوں کی تجویز پیش کی گئی ہے، جس میں ریاستوں/ مرکز کے زیر انتظام علاقوں کے ساتھ بہت زیادہ مصروفیت شامل ہوگی۔ گفت و شنید سے ہینڈلوم اور دستکاری کے شعبے کے لیے مستقبل کا روڈ میپ تیار کرنے میں مدد ملے گی۔

حکومت اڈیشہ کے چیف سکریٹری جناب منوج آہوجا افتتاحی اجلاس کے دوران مہمان خصوصی ہوں گے۔ محترمہ انو گرگ، ڈیولپمنٹ کمشنر کم ایڈیشنل چیف سکریٹری، پلاننگ اینڈ کنورجنس، حکومت اڈیشہ افتتاحی اجلاس کی مہمان خصوصی ہوں گی۔

بھارت سرکار کی ٹیکسٹائل کی وزارت کی سکریٹری محترمہ نیلم شامی راؤ ’’ہینڈلوم اور دستکاری کے شعبوں کے لیے نئی اسکیمیں - ایک مثالی تبدیلی‘‘ سیشن کا افتتاح کریں گی اور اس کے دوسرے دن ’’گورننس ڈھانچے میں خاطر خواہ تبدیلیاں‘‘ سیشن سے بھی خطاب کریں گی۔ ڈاکٹر ایم بینا، ڈیولپمنٹ کمشنر (ہینڈلوم)، محترمہ امرت راج، ڈیولپمنٹ کمشنر (دستکاری)، وزارت ٹیکسٹائل، بھارت سرکار اور محترمہ پونم گوہا تپس کمار، کمشنر کم سکریٹری، ہینڈلوم، ٹیکسٹائل اور دستکاری، حکومت اوڈیشہ بھی افتتاحی اجلاس میں شرکت کریں گی۔

کانفرنس کا مقصد اسٹیک ہولڈروں کے درمیان مذاکرات، تعاون اور پالیسی ہم آہنگی کے لیے ایک مشترکہ پلیٹ فارم فراہم کرنا ہے۔ ریاستی عہدیداروں کی فعال شرکت ایک مضبوط گورننس فریم ورک کی تشکیل اور ملک بھر میں کاریگروں اور بنکروں کو فوائد کی موثر فراہمی کو یقینی بنانے میں اہم ثابت ہوگی۔

***

(ش ح – ع ا)

U. No. 512

(Release ID: 2184337) Visitor Counter : 5