প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা ঙসি 8শুবা সেন্ত্রেল পে কম্মিসনগী তর্মস ওফ রিফরেন্স অয়াবা পীখ্রে।

8শুবা সেন্ত্রেল পে কম্মিসন অসি মতম খরগী ওইবা বোদী অমা ওইগনি। কম্মিসন অসিদা চিয়রপর্সন অমা, মেম্বর অমা (পার্ত তাইম) অমসুং মেম্বর-সেক্রেতরী অমা য়াওগনি। মসি শেমখিবগী তাংদগী থা 18গী মনুংদা মখোয়গী রিকমেন্দেসনশিং অদু পীগনি। করিগুম্বা মথৌ তারবদি, রিকমেন্দেসনশিং অদু ফাইনেলাইজ তৌরবা মতুংদা, হিরম অমা হেক্তগী মতাংদা ইন্তেরিম রিপোর্তশিং থাবগী খন্নবা য়াই। কম্মিসননা রিকমেন্দেসনশিং অসি শেম্বা মতমদা মখাদা পীরিবশিং অসি খঙনা চৎকদবনি:

i. লৈবাক অসিদা লৈরিবা শেন্মিৎলোনগী ফিভম অমসুং ফিক্সেল প্রুদেন্সকী মথৌ তাবা;

ii. চাউখৎ-থৌরাংগী চাদিং অমসুং য়াইফ-থৌরাংগী খোঙথাংশিংগীদমক মতিক চাবা রিসোর্সশিং ফংহন্নবা মথৌ তাই;

iii. নন-কন্ত্রিব্যুতরী পেন্সন স্কিমশিংগী অনফন্দেদ কোস্ত;

iv. রিকমেন্দেসনশিংনা রাজ্য সরকারশিংগী শেল-থুমদা পীবা য়াবা শাফু, হায়রিবা রিকমেন্দেসনশিং অসি শেমদোক-শাদোক খরা তৌদুনা অয়াম্বা মতমদা পায়খৎলি; অমসুং

v. সেন্ত্রেল পব্লিক সেক্তর ইন্তরপ্রাইজশিং অমসুং প্রাইবেৎ সেক্তরগী এমপ্লোয়ীশিংদা পীরিবা এমোলুমেন্ত স্ত্রকচর, কান্নবা অমসুং থবক শুবগী ফিভমশিং।

বেকগ্রাউন্দ:

সেন্ত্রেল পে কম্মিসনশিং অসি মতম-মতমগী ওইনা কেন্দ্র সরকারগী এমপ্লোয়ীশিংগী ইমোলুমেন্ত স্ত্রকচর, রিতায়রমেন্ত বেনেফিৎশিং অমসুং অতোপ্পা সর্বিসকী ফিভমশিংগী তোঙান তোঙানবা ইসুশিংদা চংশিন্নবা অমসুং মসিদা মথৌ তাবা অহোংবশিং অদুগী মতাংদা রিকমেন্দেসনশিং তৌনবগীদমক শেম্মী। মহৌশানা, পে কম্মিসনশিংগী রিকমেন্দেসনশিং অসি চহি তরা খুদিংগী গেপ অমা লৈরবা মতুংদা ইমপ্লিমেন্ত তৌই। অসিগুম্বা মওংদা চৎনরক্লবদি, 8শুবা সেন্ত্রেল পে কম্মিসনগী রিকমেন্দেসনশিং অসি মহৌশানা 01.01.2026দগী চৎনবা হৌরগনি।

সরকারনা কেন্দ্র সরকারগী এমপ্লোয়ীশিংগী তোলোপশিং অমসুং অতোপ্পা কান্নবশিংদা হোংদোক্নবা য়েংশিন্নবা অমসুং রিকমেন্দ তৌনবা জনুৱারী, 2025দা 8শুবা সেন্ত্রেল পে কম্মিসন শেমগনি হায়না লাউথোকখি।

***