متحدہ عرب امارات کی  زمینی افواج کے کمانڈر میجر جنرل یوسف معیوف سعید الحلامی27-28 اکتوبر 2025 تک ہندوستان کے سرکاری دورے پر ہیں۔ ان کےاعلیٰ سطحی دورے کا مقصد دو طرفہ فوجی تعاون کو بڑھانا اور اس کےلئے نئے مواقع تلاش کرنا ہے۔خاص طور پر تربیت اور صلاحیت سازی کے شعبوں میں۔ یہ دورہ دونوں ملکوں کے درمیان دیرینہ دفاعی شراکت داری کو مزید مضبوط اور گہرا کرنے کے لیے جاری کوششوں کی نشاندہی کرتا ہے۔

دورے کے دوران میجر جنرل یوسف معیوف سعید الحلامی کا باضابطہ استقبال کیا گیا اور آپریشن سندور کے بارے میں بریفنگ دی گئی۔ انہیں انفارمیشن سسٹم کے ڈائریکٹر جنرل اور آرمی ڈیزائن بیورو نے ہندوستان کی دفاعی صلاحیتوں اور ہندوستانی فوج کے لئے مصنوعی ذہانت کے روڈ میپ کے بارے میں بھی معلومات فراہم کی۔

28 اکتوبر 2025 کو میجر جنرل یوسف معیوف سعید الحلامی نیشنل وار میموریل پر پھولوں کی چادر چڑھائیں گے اور بعد میں وہ ڈی آر ڈی او کا دورہ کریں گے اور مختلف دیسی ہتھیاروں اور آلات کے بارے میں تفصیلی معلومات حاصل کریں گے۔ وہ ڈاکٹر سمیر وی کامتھ، سکریٹری، محکمہ دفاعی تحقیق اور ترقی اور چیئرمین ڈی آر ڈی او کے ساتھ بھی بات چیت کریں گے۔ کمانڈر باہمی مفادکے امور پر تبادلہ خیال کے لیے ہندوستانی دفاعی صنعت کے نمائندوں سے بھی بات چیت کریں گے۔

متحدہ عرب امارات کی زمینی افواج کے کمانڈر میجر جنرل یوسف معیوف سعید الحلامی کا دورہ بھارت اور متحدہ عرب امارات کے درمیان دفاعی تعاون میں ایک اہم سنگ میل کی حیثیت رکھتا ہے ۔  جوپہلے سے ہی مضبوط دفاعی تعلقات کو مزید مستحکم کرے گا ، جس سے فوجی مشغولیت اور علاقائی سلامتی کے تعاون میں مضبوط ، مستقبل کے لیے تیار شراکت داری کی راہ ہموار ہوگی ۔

*****

( ش ح ۔ م ح۔ اش ق)

U. No. 354