بھاتی ریلوے پورے ملک میں 12,000 سے زیادہ خصوصی ٹرینیں چلا کر مسافروں کے لیے ایک ہموار اور آرام دہ تہوار کے سفر کو یقینی بنا رہا ہے۔ تہوار کے موقع پر زیادہ بھیڑ بھاڑ کی انتظام کاری کے لیے، نئی دہلی، آنند وہار ٹرمینل، ادھنا، پونے، ممبئی، بنگلورو اور دیگر جیسے بڑے اسٹیشنوں پر تمام مسافروں کی سہولیات سے آراستہ ہولڈنگ ایریاز قائم کیے گئے ہیں۔ ریلوے کا عملہ مسافروں کی رہنمائی، نظم و نسق برقرار رکھنے اور اس بات کو یقینی بنانے کے لیے چوبیس گھنٹے کام کر رہا ہے کہ ہر کوئی اپنے پیاروں کے ساتھ تہوار منانے کے لیے بحفاظت گھر پہنچ جائے۔ تہوار کے موقع پر بھیڑ بھاڑ کو ختم کرنے کے لیے ملک بھر میں آئندہ تین دنوں میں 900 سے زیادہ خصوصی ٹرینوں کے پھیرے کیے جا رہے ہیں۔

ریلوے اب چھٹ پوجا کی تقریبات کے بعد مسافروں کی محفوظ اور آرام دہ واپسی کے سفر کی تیاری کر رہا ہے۔ تہواری موسم کے بعد اپنے کام کے مقامات پر واپس آنے والے مسافروں کی سہولت کے لیے 28 اکتوبر سے ماہ نومبر تک 6181 خصوصی ٹرینوں کو نوٹیفائی کیا گیا ہے۔

بہار میں تقریباً 30 اسٹیشن تہوار کے موقع پر بھیڑ بھاڑ کے مسئلے سے نمٹنے کے لیے تیاری کر رہے ہیں جن میں ہولڈنگ ایریاز، اضافی ٹکٹ کاؤنٹر، سی سی ٹی وی نگرانی اور مسافروں کے لیے دیگر انتظامات ہیں۔ بڑھتی ہوئی مانگ کو پورا کرنے کے لیے موجودہ خدمات کے ساتھ اضافی سواری ڈبے بھی منسلک کیے جا رہے ہیں۔ بڑے اسٹیشنوں پر سخت موسم سے حفاظت کے لیے ہولڈنگ ایریاز بنائے جا رہے ہیں تاکہ مسافروں کی بڑی آمد کا انتظام کیا جا سکے اور ٹرین کی روانگی سے قبل انتظار کی آسان سہولیات فراہم کی جا سکیں۔ جن اسٹیشنوں پر ہولڈنگ ایریاز قائم کیے جارہے ہیں ان میں بہار میں پٹنہ، دانا پور، راجندر نگر ٹرمینل، سہرسہ، دربھنگہ، مظفر پور، گیا، سمستی پور، براونی وغیرہ اور اتر پردیش میں گورکھپور، بلیہ اور بنارس شامل ہیں۔

کھگڑیا اسٹیشن ہولڈنگ ایریا

اس کے علاوہ اضافی آٹومیٹک ٹکٹ وینڈنگ مشینیں (اے ٹی وی ایم)، مسافر ریزرویشن سسٹم (پی آر ایس) کاؤنٹر، اور موبائل غیر محفوظ ٹکٹنگ (ایم- یوٹی ایس) کی سہولیات مسافروں کے لیے سفر کو زیادہ آسان بنانے کے لیے دستیاب کرائی گئی ہیں۔

سہرسا اسٹیشن ہولڈنگ ایریا

چھٹ پوجا کے موقع پر ہندوستانی ریلوے نے بھی ریلوے اسٹیشنوں پر چھٹ کے بھکتی گیت بجانے شروع کردیئے ہیں۔ اس پہل قدمی کا مقصد مسافروں کو تہوار کے جذبے سے جوڑنا اور ان کے سفر کو مزید خوشگوار بنانا ہے۔ پٹنہ، دانا پور، حاجی پور، بھاگلپور، جمال پور، سون پور، نئی دہلی، غازی آباد، اور آنند وہار ٹرمینل جیسے بڑے اسٹیشنوں پر، یہ بھکتی گیت مسافروں کو گھر اور ثقافت کے جوہر کا تجربہ کرنے کی اجازت دیتے ہیں، ان کے سفر کو عقیدت اور خوشی سے بھر دیتے ہیں۔

ہموار کارروائیوں کو برقرار رکھنے کے لیے، حفاظت اور ضابطے کے لیے ریلوے پروٹیکشن فورس (آر پی ایف) کو مناسب تعداد میں تعینات کیا گیا ہے۔ مسافروں کی مدد کے بوتھ، انفارمیشن کاؤنٹرز، قطار کے انتظام کے نظام اور عوامی اعلان کے نظام کو مضبوط کیا گیا ہے۔ تمام بڑے سٹیشنوں پر صفائی، روشنی اور صفائی کی سہولیات کی کڑی نگرانی کی جا رہی ہے۔ ریلوے بورڈ، زونل اور ڈویژنل سطحوں پر وقف جنگی کمرے آپریشن کی نگرانی اور ہم آہنگی کے لیے چوبیس گھنٹے کام کر رہے ہیں، مسافروں کی کسی بھی ضروریات کے لیے حقیقی وقت کے جوابات کو یقینی بناتے ہیں۔

مظفرپور اسٹیشن ہولڈنگ ایریا

پٹنہ، مظفر پور، دربھنگہ، گیا، سہرسہ وغیرہ جیسے اسٹیشنوں پر مسافروں کی صحت سے متعلق کسی بھی ہنگامی صورتحال سے نمٹنے کے لیے چوبیسوں گھنٹے ساتوں دن میڈیکل بوتھ قائم کیے گئے ہیں۔ ریاستی حکومت کے ساتھ تال میل میں، فائر بریگیڈ، اور ایمبولینس خدمات کو بھی فوری طبی امداد اور حفاظتی انتظام کو یقینی بنانے کے لیے تیار رکھا گیا ہے۔

بھارتی ریلوے ، محتاط منصوبہ بندی، بہتر مسافر خدمات، اور سہولت اور دیکھ بھال پر زور دیتے ہوئے، بغیر کسی رکاوٹ کے سفر کا تجربہ فراہم کرنے کے لیے وقف ہے۔

چھٹ پوجا کے لیے گوہاٹی سے بہار جانے والے ایک مسافر نے اپنے اہل خانہ کے ساتھ خصوصی ٹرینیں چلانے کے لیے ہندوستانی ریلوے کا شکریہ ادا کیا، جس سے مسافروں کو اس اہم تہوار کو اپنے پیاروں کے ساتھ منانے کا موقع حاصل ہوا۔

ہاوڑہ ریلوے اسٹیشن پر مسافروں کی دیکھ بھال کے لیے ہندوستانی ریلوے کی وابستگی کو اجاگر کرتے ہوئے، عملے نے ایک معذور مسافر کی مدد کے لیے اضافی میل کا سفر طے کیا۔ مسافر نے ان کے تعاون کے لئے ہندوستانی ریلوے کا تہہ دل سے شکریہ ادا کیا۔

ایک مسافر نے بادشاہ نگر ریلوے اسٹیشن پر موجود سہولیات کی تعریف کی، ریلوے عملے کی مدد اور ویٹنگ ہال میں جدید سہولیات کی دستیابی کا ذکرکیا۔ اسی طرح، سدھارتھ نگر ریلوے اسٹیشن پر ایک اور مسافر نے اسٹیشن کی صفائی، پینے کے صاف پانی کی دستیابی، اور ویٹنگ ایریا میں آسانی سے قابل رسائی چارجنگ پورٹ سمیت دیگر جدید سہولتوں کی تعریف کی۔

ایس ایم وی ٹی بنگلورو کے ایک مسافر نے جاری خصوصی ٹرینوں کی تعریف کی، یہ نوٹ کرتے ہوئے کہ مسافر دستیاب سہولیات سے لطف اندوز ہو رہے ہیں اور سروس کے لیے ہندوستانی ریلوے کا شکریہ ادا کرتے ہیں۔ اسی طرح، آگرہ ریلوے اسٹیشن پر ایک اور مسافر نے، گوالیار کا سفر کرتے ہوئے، ٹرینوں کی وقت کی پابندی کی تعریف کی اور بغیر کسی رکاوٹ کے سفر کا تجربہ فراہم کرنے پر ہندوستانی ریلوے کا شکریہ ادا کیا۔

بھارتی ریلوے اپنے آفیشل ایکس ہینڈل "ریلوے فیکٹ چیک" کے ذریعے آن لائن گردش کرنے والی فرضی ویڈیوز اور غلط معلومات کو ختم کرنے کے لیے سرگرم عمل ہے۔ حال ہی میں، اس پہل  قدمی نے ایک وائرل دعوے کی وضاحت کی کہ ممبئی سے بہار جانے والی کرما بھومی ایکسپریس سے گر کر دو مسافروں کی موت ہو گئی۔ یہ دعویٰ غلط تھا، کیونکہ واقعہ دراصل ناسک اور اودھا کے درمیان, غیر قانونی طور پر داخل ہونے کی وجہ سے پیش آیا تھا، اور اس میں ملوث افراد ٹرین پر سوار نہیں تھے۔

ہندوستانی ریلوے تمام مسافروں کے لیے محفوظ، قابل اعتماد اور آرام دہ سفر فراہم کرنے کے لیے پرعزم ہے اور اس تہوار کے موسم میں پوری لگن اور نگہداشت کے جذبے کے ساتھ ملک کی خدمت جاری رکھے ہوئے ہے۔

**********

 (ش ح –ا ب ن- ع ر)

U.No:270