کوچین شپ یارڈ لمیٹڈ (سی ایس ایل) کوچی کے ذریعے تعمیر کیے جانے والے آٹھ اینٹی سب میرین وارفیئر شیلو واٹر کرافٹس (اے ایس ڈبلیو ایس ڈبلیو سی) میں سے پہلا ’ماہے‘ 23 اکتوبر 2025 کو ہندوستانی بحریہ کے حوالے کیا گیا تھا ۔

’ماہے‘، جس کا نام مرکز کے زیر انتظام علاقے پڈوچیری کے تاریخی بندرگاہ شہر کے نام پر رکھا گیا ہے ، ہندوستان کے بھرپور سمندری ورثے کی علامت ہے ۔

اس جہاز کو سی ایس ایل نے ملک میں ہی   ڈیزائن اور تعمیر کیا ہے ، جو بحری جہاز سازی میں ہندوستان کی بڑھتی ہوئی خود انحصاری کی عکاسی کرتا ہے ۔ یہ ساحلی پانیوں میں پانی کے اندر نگرانی ، کم شدت والے میری ٹائم آپریشنز (ایل آئی ایم او) اینٹی سب میرین وارفیئر (اے ایس ڈبلیو) آپریشنز کے لیے لیس ہے اور اس میں مائن بچھانے کی جدید صلاحیت ہے ۔ ت تقریباً 78 میٹر لمبائی اور 1,100 ٹن وزنی یہ جہاز، زیرِ آب جنگی صلاحیتوں سے بھرپور ہے۔ اس میں ٹارپیڈوز، کثیرالمقاصد اینٹی سب میرین راکٹس، اور جدید ترین ریڈار و سونار نظام نصب ہیں، جو اسے سمندری دفاع میں غیر معمولی طاقت فراہم کرتے ہیں۔

اے ایس ڈبلیو ایس ڈبلیو سی کی شمولیت سے بھارتی بحریہ کی زیرِ آب جنگی صلاحیت میں نمایاں اضافہ ہوگا، جس کے نتیجے میں ساحلی علاقوں میں سمندری سلامتی اور نگرانی مزید مضبوط ہوگی۔’ماہے‘ کی فراہمی، جس میں 80 فیصد سے زائد دیسی مواد استعمال کیا گیا ہے، ایک اہم سنگِ میل کی حیثیت رکھتی ہے اور یہ حکومتِ ہند کے ’آتم نربھر بھارت‘ (خود انحصار بھارت) کے وژن کی بھرپور عکاسی کرتی ہے۔

*************

  ش ح ۔ ش ت۔ ر ب

U. No.257