पंतप्रधान कार्यालय
छठ महोत्सवानिमित्त भक्तिगीते पाठविण्याचे पंतप्रधानांचे नागरिकांना आवाहन
Posted On:
24 OCT 2025 10:39AM by PIB Mumbai
देशभरात पवित्र छठ महोत्सवाच्या तयारीला उत्साहाचे स्वरूप आले असताना, पंतप्रधान नरेंद्र मोदी यांनी नागरिकांना श्रद्धा आणि सांस्कृतिक ऐक्याच्या भावनेने छठी आईला अर्पण केलेली भक्तिगीते सामायिक करण्याचे आवाहन केले आहे.
एक्स या समाज माध्यमावरील संदेशात पंतप्रधानांनी छठ महोत्सवाचा निसर्ग आणि संस्कृतीशी असलेला घट्ट संबंध अधोरेखित केला असून, बिहारसह देशभरात सुरू असलेल्या जोरदार तयारीचा उल्लेख केला आहे. मोदी यांनी नागरिकांना छठ महोत्सवाचा उत्साह आणि अध्यात्मिकतेचे दर्शन घडविणारी भक्तिगीते पाठविण्याचे आवाहन केले आहे.
निसर्ग आणि संस्कृतीला समर्पित भव्य सण छठ जवळ येत आहे. बिहारसह देशभरातील भाविक पूर्ण भक्तीने त्याच्या तयारीत गुंतले आहेत. छठी आईला समर्पित गाणी या पवित्र प्रसंगाच्या भव्यतेत आणि दिव्यतेत भर घालतात. छठ पूजेशी संबंधित गाणी माझ्यासोबत सामायिक करण्याची मी तुम्हाला विनंती करतो. पुढील काही दिवसांत मी ती गाणी आपल्या सर्व देशवासीयांसोबत सामायिक करेन.
***
नेहा कुलकर्णी / राज दळेकर / परशुराम कोर
***
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2182047)
अभ्यागत कक्ष : 27
Read this releasein:
English
,
Urdu
,
हिन्दी
,
Bengali
,
Bengali-TR
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam