حیاتیاتی تنوع کے فوائد اور پائیدار  تحفظ  کےاستعمال کے منصفانہ اور مساوی اشتراک کے اپنے عزم کے مضبوط مظاہرے میں نیشنل بایو ڈائیورسٹی اتھارٹی ( این بی اے) نے مہاراشٹر اور اتر پردیش کی مقامی کمیونٹیز کو تجارتی استعمال کے فوائد کے لئے  1.36 کروڑ روپے جاری کیے ہیں ۔

یہ اہم مالی  امداد  مہاراشٹر اور اتر پردیش کے ریاستی بایو ڈائیورسٹی بورڈز کے ذریعے تین بایو ڈائیورسٹی مینجمنٹ کمیٹیوں  مہاراشٹر کے ستارا ضلع کے پلٹن تعلقہ کے سکھر واڑی گاؤں،  پونے کے حویلی تعلقہ کے کنجیرواڑی گاؤں، اور اترپردیش کے  ضلع ایٹہ کے کاس گنج علاقہ کو دی جائے گی ۔ ان علاقوں میں ہر ایک بایو ڈائیورسٹی مینجمنٹ کمیٹی (بی ایم سی )کو کو 45.50 لاکھ روپے کی رقم ملے گی۔ یہ اقدام مساوات، پائیداری اور تحفظ کے اصولوں کے لیے حکومت کی غیر متزلزل عزم کو واضح کرتا ہے۔

جاری کی گئی رقم ایک ٹھوس رسائی اور بینیفٹ شیئرنگ (اے بی ایس) کی ادائیگی کی نمائندگی کرتی ہے جب ایک تجارتی ادارے نے ‘Fructo-oligosaccharides ’کی مصنوعات تیار کرنے کے لیے مٹی اور صنعتی فضلے کے نمونوں سے مائیکروجنزموں تک رسائی حاصل کی۔ یہ فنڈز حیاتیاتی تنوع ایکٹ - 2002 کے سیکشن 44 اور متعلقہ ریاستی حیاتیاتی تنوع کے  ضابطوں  کے تحت بیان کردہ سرگرمیوں کے لیے مقرر کیے گئے ہیں۔

یہ مالیاتی حکمت عملی ان مقامی کمیونٹیز کو پہچاننے اور انعام دینے میں این بی اے کے فعال کردار کو نمایاں کرتی ہے جو ہندوستان کے بھرپور حیاتیاتی ورثے کے لازمی محافظ کے طور پر کھڑے ہیں۔ جمع شدہ فوائد کو مقامی سطح پر واپس دھکیل کر این بی اے ایک جامع طرز حکمرانی کے فریم ورک کے لیے ہندوستان کے ماڈل کو مضبوط کرتا ہے جہاں تحفظ اور کمیونٹی کی خوشحالی ایک ساتھ آگے بڑھتی ہے۔ یہ ہندوستان کے تازہ ترین این بی ایس اے پی 2024-2030 کے قومی حیاتیاتی ٹارگٹ – 13 کو بھی پورا کرتا ہے، جو کہ کنمنگ مونٹریال گلوبل بایو ڈائیورسٹی فریم ورک کے مطابق ہے جو کہ اقوام متحدہ کے حیاتیاتی تنوع کے کنونشن (سی بی ڈی) کے CoP-15 میں اپنایا گیا ہے۔

*******

ش ح-  ظ ا – ع ن

UR  No. 226