ਨਵੀਂ ਦਿੱਲੀ ਦੇ ਬੀਡੀ ਮਾਰਗ ਸਥਿਤ ਬ੍ਰਹਮਪੁੱਤਰ ਬਿਲਡਿੰਗ ਵਿੱਚ ਸਾਂਸਦਾਂ ਦੇ ਫਲੈਟਾਂ ਦੇ ਸਟਾਫ਼ ਕੁਆਰਟਰ ਬਲੌਕ ਵਿੱਚ ਅੱਜ ਦੁਪਹਿਰ ਅੱਗ ਲੱਗਣ ਦੀ ਘਟਨਾ ਵਾਪਰੀ। ਇਹ ਘਟਨਾ ਭਵਨ ਦੇ ਤਲ ਦੇ ਨੇੜੇ ਵਾਲੇ ਖੇਤਰ ਵਿੱਚ ਵਾਪਰੀ, ਜਿੱਥੇ ਕੁਝ ਬੇਕਾਰ ਫਰਨੀਚਰ ਦਾ ਸਮਾਨ, ਜੋ ਕਿ ਨਿਪਟਾਰੇ ਲਈ ਰੱਖਿਆ ਗਿਆ ਸੀ, ਢੇਰ ਹੋ ਗਿਆ। 

ਲਗਭਗ 1.15 ਵਜੇ, ਆਲੇ-ਦੁਆਲੇ ਦੇ ਬੱਚਿਆਂ ਦੁਆਰਾ ਪਟਾਕੇ ਜਲਾਏ ਜਾਣ ਕਾਰਨ ਅੱਗ ਲੱਗ ਗਈ। ਅੱਗ ਦਾ ਪਤਾ ਦੁਪਹਿਰ 1.18 ਵਜੇ ‘ਤੇ ਚਲਿਆ। ਫਾਇਰ ਟੈਂਡਰਸ ਦੇ ਆਉਣ ਤੋਂ ਪਹਿਲਾਂ, ਸੀਪੀਡਬਲਿਊਡੀ ਦੇ ਅਧਿਕਾਰੀਆਂ ਨੇ ਇਮਾਰਤ ਦੀ ਬਿਜਲੀ ਸਪਲਾਈ ਅਤੇ ਆਈਜੀਐੱਲ ਗੈਸ ਕਨੈਕਸ਼ਨ ਤੁਰੰਤ ਕੱਟ ਦਿੱਤਾ ਅਤੇ ਕਿਸੇ ਵੀ ਜਾਨੀ ਨੁਕਸਾਨ ਤੋਂ ਬਚਣ ਲਈ ਸਾਵਧਾਨੀ ਵਜੋਂ ਇਮਾਰਤ ਨੂੰ ਤੁਰੰਤ ਖਾਲੀ ਕਰਵਾਉਣਾ ਯਕੀਨੀ ਬਣਾਇਆ।

ਦੁਪਹਿਰ 1.45 ਵਜੇ ਤੱਕ ਅੱਗ ਪੂਰੀ ਤਰ੍ਹਾਂ ਬੁੱਝ ਗਈ। ਸੀਪੀਡਬਲਿਊਡੀ ਅਧਿਕਾਰੀਆਂ ਅਤੇ ਦਿੱਲੀ ਫਾਇਰ ਸਰਵਿਸ ਪਰਸੋਨਲ ਦੇ ਤਾਲਮੇਲਪੂਰਨ ਪ੍ਰਤੀਕਿਰਿਆ ਕਾਰਨ, ਸਥਿਤੀ ‘ਤੇ ਜਲਦੀ ਹੀ ਕਾਬੂ ਪਾ ਲਿਆ ਗਿਆ।

ਘਟਨਾ ਵਿੱਚ ਕਿਸੇ ਦੇ ਜਾਨੀ ਨੁਕਸਾਨ ਹੋਣ ਦੀ ਸੂਚਨਾ ਨਹੀਂ ਹੈ। ਇਮਾਰਤ ਵਿੱਚ ਸਥਾਪਿਤ ਸਾਰੇ ਫਾਇਰ-ਫਾਈਟਿੰਗ ਸਿਸਟਮਜ਼ ਕਾਰਜਸ਼ੀਲ ਸਨ ਅਤੇ ਫਾਇਰ ਟੈਂਡਰਾਂ ਦੇ ਆਉਣ ਤੋਂ ਪਹਿਲਾਂ ਅੱਗ 'ਤੇ ਕਾਬੂ ਪਾਉਣ ਲਈ ਪ੍ਰਭਾਵਸ਼ਾਲੀ ਢੰਗ ਨਾਲ ਇਸਤੇਮਾਲ ਕੀਤਾ ਗਿਆ।

ਨੈਸ਼ਨਲ ਬਿਲਡਿੰਗ ਕੋਡ (ਐੱਨਬੀਸੀ) 2016 ਦੇ ਉਪਬੰਧਾਂ ਦੇ ਅਨੁਸਾਰ, ਤਲ ਦੇ ਨੇੜੇ ਵਾਲੇ ਖੇਤਰ ਵਿੱਚ ਆਟੋਮੈਟਿਕ ਸਪ੍ਰਿੰਕਲਰ ਪ੍ਰਦਾਨ ਨਹੀਂ ਕੀਤੇ ਜਾਂਦੇ ਹਨ, ਅਜਿਹੀਆਂ ਥਾਵਾਂ 'ਤੇ ਸਪ੍ਰਿੰਕਲਰਾਂ ਨੂੰ ਲਗਾਉਣਾ ਲਾਜ਼ਮੀ ਨਹੀਂ ਹੈ।

 

*****

ਐੱਸਕੇ/ਏਕੇ

(रिलीज़ आईडी: 2181219) आगंतुक पटल : 18