جیسے ہی دنیا تصلب العظام کا عالمی دن 2025 منا رہی ہے، وزارت آیوش ہڈیوں کی کمزوری کے تدارک کے لیے ابتدائی احتیاطی نگہداشت اور طرزِ زندگی میں مداخلت کی اہم ضرورت پر زور دیتی ہے۔ یہ ایک خاموش مگر عالمی سطح پر لاکھوں افراد کو متاثر کرنے والا بڑا صحت کا بڑا چیلنج ہے۔ اس سال کی یاد دہانی کا مقصد ہڈیوں کی صحت کے بارے میں آگاہی پیدا کرنا اور یہ دکھانا ہے کہ آیورویدا کس طرح پائیدار، احتیاطی اور بحالی پر مبنی حل فراہم کرتا ہے۔

ماہرین، اوسٹیوپوروسس کو ایک عام ہڈیوں کی حالت قرار دیتے ہیں جو ہڈیوں کو کمزور اور شکن پذیر بنا دیتی ہے، جس سے ہڈیاں ٹوٹنے کا خطرہ بڑھ جاتا ہے۔ یہ آہستہ آہستہ ہڈیوں کی مضبوطی اور کثافت کے نقصان کی وجہ سے پیدا ہوتی ہے اور اکثر اسے ’’خاموش مرض‘‘ کہا جاتا ہے کیونکہ یہ عموماً کسی ہڈی کے ٹوٹنے تک علامات ظاہر نہیں کرتا۔ کئی معاملات میں پہلا اشارہ ہڈی کا فریکچر ہوتا ہے، اکثر کولہے، کلائی یا ریڑھ کی ہڈی میں، جو درد، جسمانی ساخت میں تبدیلی جیسے کہ جھکاؤ (کیفوسس) اور چوٹ کے بعد سست بحالی کا سبب بن سکتا ہے۔

آیورویدا کے مطابق، اوسٹیوپوروسس بنیادی طور پر واطا دوشا کی بگاڑ سے وابستہ ہے، جو ہڈیوں کی مضبوطی کو کمزور اور ہڈیوں کی کثافت کو گھٹاتا ہے۔ یہ کلاسیکی فہم جدید سائنسی تحقیقات سے بڑی حد تک میل کھاتا ہے، جو اوسٹیوپوروسس کو ہڈیوں کی معدنیات کے نقصان اور عمر کے ساتھ ہونے والے ہارمونل تبدیلیوں سے جوڑتا ہے جو ہڈیوں کی صحت کو متاثر کرتی ہیں۔

پروفیسر ربی نارائن آچاریہ ڈائریکٹر جنرل، سی سی آر اے ایس کے مطابق ’’اوسٹیوپوروسس ایک بڑھتا ہوا عوامی صحت کا چیلنج ہے، لیکن یہ آیورویدا کی احتیاطی اور بحالی کی حکمت کے ذریعے مؤثر طریقے سے قابو پایا جا سکتا ہے۔ آستھی سوشیریا کا کلاسیکی تصور ہڈیوں کی شکن پذیری کے جدید فہم کے قریب ہے۔ آیورویدا کا ابتدائی مداخلت، متوازن غذا اور سازگار طرزِ زندگی پر زور ہڈیوں کو مضبوط بنانے اور صحت مند بڑھاپے کی جانب ایک قدرتی راستہ فراہم کرتا ہے۔‘‘

انہوں نے مزید کہا کہ سنٹرل کونسل فار ریسرچ ان آیورویدک سائنسز (سی سی آر اے ایس) نے اوسٹیوپوروسس کے انتظام میں آیورویدک فارمولیشنز جیسے لکشا گگولو اور پروالا پشٹی کی سائنسی تحقیق کی ہے اور عضلاتی و ہڈیوں کے امراض میں آیورویدا کی مداخلت کے کردار پر مضبوط شواہد فراہم کیے ہیں۔

 

آیورویدا کا اوسٹیوپوروسس کے انتظام میں احتیاطی اور پائیدار نقطۂ نظر

آیورویدا ہڈیوں کو مضبوط بنانے، توازن بحال کرنے اور تنزلی سے بچاؤ کے لیے ایک جامع انتظامی طریقہ فراہم کرتا ہے۔ سی سی آر اے ایس درج ذیل اہم اقدامات کو اجاگر کرتا ہے:

• راساینا تھیراپی (تجدیدِ حیات): ابتدائی مرحلے میں تجدیدی فارمولیشنز کا استعمال ہڈیوں کے نظام کو مضبوط کرتا ہے اور عمر سے متعلق تنزلی کو مؤخر کرتا ہے۔
• سنیہنا طبی مساج: مہانارائنہ تیل، دشمولہ تیل، چندن بالا لکشدی تیل جیسے طبی تیلوں کے ذریعے مساج، ہڈیوں اور جوڑوں کی صحت کو بہتر بنا کر اندرونی بافتوں کو غذائیت فراہم کرتا ہے۔
• جڑی بوٹیوں کی تیاری: کلاسیکی آیورویدک تیاریاں جیسے لکشا گگولو، مہا یوگراج گگولو، پروالا پشٹی اور مکت شُکتی بھسما  ہڈیوں کی مضبوطی بڑھانے اور شفایابی میں مدد کے لیے روایتی طور پر استعمال ہوتی ہیں۔
• واطا-شامک غذا اور طرزِ زندگی:  کھانے میں کُلتھی، شُنْتھی (ادرک) راسونا (لہسن)، مونگا  (سبز چنا) اور کشمندہ (کدو) شامل کرنا، اور پھل جیسے انار، آم، اور انگور، ہڈیوں کی کثافت اور توانائی کو برقرار رکھنے میں مددگار ہیں۔
• یوگا اور معتدل ورزش: مخصوص آسن ہڈیوں اور جوڑوں میں لچک بڑھاتے ہیں، خون کی گردش کو بہتر بناتے ہیں اور اکڑن سے بچاؤ کرتے ہیں۔

ورلڈ اوسٹیوپوروسس ڈے 2025 پر وزارت آیوش شہریوں، خصوصاً بزرگ افراد اور پوسٹ مینوپاز خواتین سے اپیل کرتی ہے کہ وہ آیورویدک احتیاطی اقدامات، متوازن غذائیت اور ہلکی جسمانی سرگرمی اپنائیں۔

ان پائیدار طریقوں کو روزمرہ کی زندگی میں شامل کرکے لوگ اپنی ہڈیوں کو مضبوط بنا سکتے ہیں، فریکچر (ٹوٹ پھوٹ) کے خطرے کو کم کر سکتے ہیں اور صحت مند، زیادہ فعال بڑھاپے کو یقینی بنا سکتے ہیں۔

مزید معلومات کے لیے سی سی آر اے ایس کی تصلب العظام پر آئی ای سی اشاعت یہاں دستیاب ہے:

https://ccras.nic.in/wp-content/uploads/2024/06/Osteoporosis.pdf

******

ش ح۔ ش ا ر۔ ول

Uno- 77

(Release ID: 2180853) Visitor Counter : 18