یونیک آئیڈینٹیفیکیشن اتھارٹی آف انڈیا (یو آئی ڈی اے آئی) نے مائی جی او وی پلیٹ فارم پر ملک گیر ماسکٹ ڈیزائن مقابلہ شروع کیا ہے ، جس میں مکینوں کو یو آئی ڈی اے آئی کا آفیشل ماسکوٹ ڈیزائن کرنے کی دعوت دی گئی ہے ۔ 31 اکتوبر 2025 تک کھلے اس مقابلے کا مقصد ایک منفرد اور یادگار ماسکٹ بنانا ہے جو آدھار کی اعتماد ، شمولیت ، بااختیار بنانے اور ڈیجیٹل اختراع کی بنیادی اقدار کی عکاسی کرتا ہے ۔

ماسکٹ یو آئی ڈی اے آئی کا بصری سفیر ہوگا، جو اس کے پیغامات کو زیادہ مؤثر، متعلقہ اور ہر عمر کے افراد کے لیے پرکشش بنائے گا۔ یہ آدھار کے بارے میں رابطے کو آسان اور سمجھنے میں سہولت فراہم کرتے ہوئے، آدھار کی خدمت، تحفظ، اور رسائی کے جذبے کی بھرپور عکاسی کرے گا۔

اندراجات تمام ہندوستانی شہریوں، افراد کے ساتھ ساتھ ٹیموں کے لیے بھی کھلے ہیں-جو اپنے ڈیزائن خصوصی طور پر مائی جی او وی  مقابلے کے صفحہ کے ذریعے جمع کراسکتے ہیں ۔ ہر شریک ماسکٹ کا ایک اصل ڈیزائن ، ایک مختصر تصور نوٹ اور ماسکوٹ کے نام کے ساتھ بھیج سکتا ہے ۔ پیشکشوں کا جائزہ تخلیقی صلاحیتوں ، اصلیت ، جمالیاتی اپیل ، اور یو آئی ڈی اے آئی کی اقدار کے ساتھ صف بندی پر کیا جائے گا ۔

جیتنے والوں کے لیے شاندار انعامات منتظر ہیں :

پہلا انعام  50,000 روپے، دوسرا انعام 30,000  روپےاور تیسرا انعام 20,000 روپے ہوگا، ساتھ ہی شناختی اسناد (سرٹیفکیٹ آف ریکگنیشن) بھی دی جائیں گی۔ مجموعی انعامی رقم ایک لاکھ روپے ہے۔ اس کے علاوہ، ماسکٹ کے لیے تجویز کردہ بہترین ناموں کو بھی انعامات سے نوازا جائے گا۔یو آئی ڈی اے آئی عوام کو دعوت دیتا ہے کہ وہ اپنی تخلیقی صلاحیتوں کو بروئے کار لائیں اور آدھار کے شمولیت، بااختیاری اور ڈیجیٹل اختراع کے سفر میں اپنا تعاون دیں۔

تفصیلی رہنما خطوط اور شرکت کے لیے ، کوئی بھی https://innovateindia.mygov.in/uidai-mascot-competition/پر رابطہ کر سکتا  ہے ۔

*************

ش ح ۔ ش ت۔ ر ب

U. No.19