حکومت ہند کے آیوش کی وزارت کے تحت، آل انڈیا انسٹی ٹیوٹ آف آیوروید (اے آئی آئی اے)، نئی دہلی  کوآج ہندوستان کے سرکاری دورے کے دوران برازیل کے نائب صدر اور وزیر برائے ترقی، صنعت، تجارت اور خدمات کے معزز جناب گیرالڈو الکمن کی میزبانی کا الگ اعزاز حاصل کیا۔

اپنے خطاب میں محترم جناب گیرالڈو الکمن نے روایتی اور مربوط صحت کے نظام کو فروغ دینے میں ہندوستان کی قیادت کی گہری تعریف کی۔ انہوں نے کہا، "آیوروید صحت اور حکمت کا 5,000 سال پرانا خزانہ ہے۔ میں آل انڈیا انسٹی ٹیوٹ آف آیوروید کو صحت کو فروغ دینے، بیماریوں کے علاج، اور ایک جامع نقطہ نظر کے ذریعے تعلیم اور تحقیق کو آگے بڑھانے میں اس کے نمایاں کام کے لیے مبارکباد دیتا ہوں۔" انہوں نے مزید کہا، "دنیا کو احتیاطی اور پائیدار صحت کی دیکھ بھال کے لیے آیوروید کی ابدی حکمت کی ضرورت ہے۔"

آیوروید کی عالمی مطابقت کو تسلیم کرتے ہوئے، انہوں نے مزید کہا، "زندگی کی توقع بڑھ رہی ہے، اور اسی طرح آیوروید جیسے قدرتی اور احتیاطی صحت کی دیکھ بھال کے نظام کی مانگ بھی بڑھ رہی ہے۔ اگر یہ مختصر سفر نہ ہوتا، تو میں یقینی طور پر اپنی کمر کے درد کا علاج یہاں  اے آئی آئی اے  میں کرواتا۔"

انہوں نے پرتپاک استقبال کے لیے حکومت ہند اور اے آئی آئی اے  ٹیم کا شکریہ ادا کیا اور کہا، "میں ہندوستان اور خاص طور پر اے آئی آئی اے  میں مجھے اور میرے وفد کی مہمان نوازی کے لیے شکر گزار ہوں۔"

ہز ایکسی لینسی جناب گیرالڈو الکمن کے ساتھ ان کی اہلیہ محترمہ ماریا لوسیا الکمن اور 14 عہدیداروں کا ایک اعلیٰ سطحی وفد تھا، جس میں ہندوستان میں برازیل کے سفیر ہز ایکسی لینسی  جناب  کینتھ نوبریگا، ہز ایکسی لینسی جناب  رومیسن روڈریگس، برازیلین ہیلتھ ریگولیٹری ایجنسی (اے وی آئی ایس اے ) کے ڈائریکٹر اور دیگر سینئر نمائندے شامل تھے۔

ان کا پرتپاک خیرمقدم ودیا راجیش کوٹیچا، سکریٹری، وزارت آیوش، اور پروفیسر (ویدیا) پردیپ کمار پرجاپتی، ڈائریکٹر، اے آئی آئی اے، انسٹی ٹیوٹ کے سینئر فیکلٹی اور عہدیداروں کے ساتھ کیا۔ ویدیا راجیش کوٹیچا نے نائب صدر اور ان کے وفد کا خیرمقدم کیا اور ہندوستان اور برازیل کے درمیان روایتی ادویات، انٹیگریٹیو ہیلتھ ریسرچ اور فلاح و بہبود کی صنعتوں کے شعبوں میں زیادہ تعاون پر زور دیا۔

دورے کے دوران، نائب صدر اور ان کے وفد کو آیوروید کی تعلیم، طبی خدمات، اور جدید تحقیق میں  اے آئی آئی اے  کی اہم شراکتوں کا ایک جائزہ دیا گیا۔ وفد نے ہسپتال بلاک، اکیڈمک اینڈ ریسرچ ونگ اور سنٹر فار انٹیگریٹڈ ہیلتھ سائنسز سمیت مختلف شعبوں کا دورہ کیا اور فیکلٹی، محققین اور طلباء سے بات چیت کی۔

اے آئی آئی اے  کے عالمی اقدامات، کامیابی کی کہانیوں، اور ثبوت پر مبنی آیوروید اور انٹیگریٹیو میڈیسن کو فروغ دینے میں جاری تعاون پر روشنی ڈالنے والی ایک پریزنٹیشن آنے والے معززین کو پیش کی گئی۔

اس دورے نے دونوں ممالک کے درمیان موجودہ مفاہمت کی یادداشتوں (ایم او یوز) کے ذریعے جاری تعاون کی توثیق کی، جو روایتی ادویات میں علمی تبادلے، مشترکہ تحقیق اور صلاحیت کی تعمیر کو فروغ دیتے ہیں۔

• اے آئی آئی اے  کے پاس فی الحال برازیل کے ممتاز اداروں کے ساتھ تحقیقی اور علمی تعاون ہے اور اس نے تین مفاہمت ناموں پر دستخط کیے ہیں:
• آل انڈیا انسٹی ٹیوٹ آف آیوروید اور سری وجیرا فاؤنڈیشن اور ملحقہ اداروں، برازیل کے درمیان مفاہمت نامے
• اے آئی آئی اے ، فیڈرل یونیورسٹی آف ریو ڈی جنیرو (یو ایف آر جے ) اور برازیلین اکیڈمک ایسوسی ایشن فار انٹیگریٹیو ہیلتھ (سی اے بی ایس آئی این )، برازیل کے درمیان مفاہمت نامے (مسلسل تعاون کے لیے تجدید)
• اے آئی آئی اے ، فیوچر ویژن انسٹی ٹیوٹ، اور فیڈرل یونیورسٹی آف ساؤ پالو، برازیل کے درمیان مفاہمت کی یادداشت

ان تعاونوں کا مقصد روایتی ادویات کے طریقوں اور طریقوں کے معیار، حفاظت اور رسائی کو بڑھانا ہے، ساتھ ہی سائنسی علم کے تبادلے اور روایتی طبی ورثے کے تحفظ کو فروغ دینا ہے۔

ہندوستان اور برازیل، دونوں حیاتیاتی تنوع اور صحت کے روایتی طریقوں سے مالا مال ہیں، قدیم حکمت پر مبنی اور جدید سائنس کے ذریعہ توثیق شدہ صحت کی دیکھ بھال کے پائیدار ماڈل تیار کرنے کے لیے ایک مشترکہ نقطہ نظر رکھتے ہیں۔ آیوروید، یوگا، اور دیگر ہندوستانی روایتی نظام برازیل میں تیزی سے مقبولیت حاصل کر رہے ہیں، جو مجموعی اور احتیاطی صحت کی دیکھ بھال کے طریقوں کی بڑھتی ہوئی عالمی قبولیت کی عکاسی کرتے ہیں۔

*******

U.No:9981

ش ح۔ح ن ۔س ا