نوجوانوں کے امور اور کھیل کود کی وزارت
کھیلو انڈیا یونیورسٹی گیم 24 نومبر سے 05 دسمبر تک راجستھان میں ہوں گے؛ وزیر کھیل ڈاکٹر منسکھ منڈاویہ نے کہا کہ کے آئی یو جی ’شان کی طرف قدم بڑھا رہا ہے‘
پانچویں کھیلو انڈیا یونیورسٹی گیم میں پہلی بار بیچ والی بال، کینوئنگ اور کیاکنگ، سائیکلنگ اور کھو-کھو شامل ہوں گے
प्रविष्टि तिथि:
16 OCT 2025 5:34PM by PIB Delhi
کھیلو انڈیا یونیورسٹی گیم (کے آئی یو جی) کا پانچواں ایڈیشن 24 نومبر سے 5 دسمبر 2025 تک راجستھان کے سات شہروں میں منعقد کیا جائے گا۔ مقابلے میں 23 تمغوں والے کھیل اور ایک مظاہرہ کھیل (کھو کھو) ہوگا۔
اس سال کے شروع میں بہار میں کھیلو انڈیا یوتھ گیم کی طرح، یونیورسٹی گیم بھی سات شہروں - جے پور، اجمیر، ادے پور، جودھ پور، بیکانیر، کوٹا اور بھرت پور میں منعقد کیے جائیں گے۔ 12 روزہ یونیورسٹی میٹ میں 5000 سے زائد ایتھلیٹس کی شرکت متوقع ہے۔
نوجوانوں کے امور اور کھیل اور محنت و روزگار کے مرکزی وزیر ڈاکٹر منسکھ منڈاویہ نے کہا کہ ”کھیلو انڈیا یونیورسٹی گیم ہندوستان کے کھیلوں کے راستے میں ایک اہم کڑی ہیں۔ دنیا بھر میں یونیورسٹیاں چیمپیئن بنانے میں اہم کردار ادا کرتی ہیں اور کے آئی یو جی ہمارے نوجوان کھلاڑیوں کو قومی سطح پر ان کی قابلیت کا مظاہرہ کرنے کے لیے ایک پلیٹ فارم فراہم کرتا ہے۔ راجستھان ایڈیشن ہندوستان کے پھیلتے ہوئے کھیلوں کے منظر نامے کو اجاگر کرے گا اور بہت سے لوگوں کے لیے جو عالمی سطح پر ملک کی نمائندگی کرنے کے خواہشمند ہیں ان کے لیے ایک اہم قدم ثابت ہوگا۔
مزید وضاحت کرتے ہوئے، ڈاکٹر منڈاویہ نے کہا کہ ”وزیراعظم نریندر مودی کے وژن کے تحت، کھیلو انڈیا پہل نے ایک مضبوط ماحولیاتی نظام تشکیل دیا ہے جو شرکت، ٹیلنٹ کی نشوونما اور بہترین کارکردگی کی حوصلہ افزائی کرتا ہے۔ راجستھان میں یونیورسٹی گیم ہزاروں طلبا کو ماہرین تعلیم کے ساتھ کھیلوں کو آگے بڑھانے اور مسابقت اور دوستی کے ذریعے ’ایک بھارت شریشٹھ بھارت‘ کے جذبے کو مضبوط کرنے کی ترغیب دیں گے۔
کے آئی یو جی 2025 میں، 23 تمغوں والے کھیل ہوں گے اور ایک مظاہرہ کھیل ہوگا۔ تمغے والے کھیلوں میں تیر اندازی، ایتھلیٹکس، بیڈمنٹن، باسکٹ بال، باکسنگ، فینسنگ، فٹ بال، ہاکی، جوڈو، کبڈی، ملاکھمب، رگبی، شوٹنگ، تیراکی، ٹیبل ٹینس، ٹینس، والی بال، ویٹ لفٹنگ، ریسلنگ، یوگ آسن، بیچ والی بال، کینوئنگ اور کیاکنگ شامل ہیں۔
کھو-کھو ایک مظاہرہ ایونٹ ہو گا۔ کے آئی یو جی پروگرام میں پہلی بار بیچ والی بال، کینوئنگ اور کیاکنگ اور سائیکلنگ کو متعارف کرایا جا رہا ہے۔
شمال مشرقی ہندوستان میں منعقدہ آخری کھیلو انڈیا یونیورسٹی گیم میں چندی گڑھ یونیورسٹی چیمپیئن بن کر ابھری۔ لولی پروفیشنل یونیورسٹی اور گرو نانک دیو یونیورسٹی، امرتسر بالترتیب دوسرے اور تیسرے نمبر پر رہے۔
*********
ش ح۔ ف ش ع
U: 9970
(रिलीज़ आईडी: 2180102)
आगंतुक पटल : 35