രാജ്യരക്ഷാ മന്ത്രാലയം
ഇന്ത്യൻ സൈന്യത്തിന്റെ 7.62 x 51mm അസോൾട്ട് റൈഫിളുകൾക്കായി നൂതന നൈറ്റ് സൈറ്റ് ഉപകരണം വാങ്ങുന്നതിനായി 659.47 കോടിരൂപയുടെ കരാറിൽ പ്രതിരോധ മന്ത്രാലയം ഒപ്പുവച്ചു
प्रविष्टि तिथि:
15 OCT 2025 5:54PM by PIB Thiruvananthpuram
ഇന്ത്യൻ സൈന്യത്തിന്റെ 7.62 x 51mm അസോൾട്ട് റൈഫിളിനുള്ള നൈറ്റ് സൈറ്റ് ( ദൃശ്യ തീവ്രത വർദ്ധിപ്പിക്കുന്ന ), അനുബന്ധ ഉപകരണങ്ങൾ എന്നിവ വാങ്ങുന്നതിനായി M/s എംകെയു ലിമിറ്റഡ് (ലീഡ് അംഗം), M/s മെഡ്ബിറ്റ് ടെക്നോളജീസ് പ്രൈവറ്റ് ലിമിറ്റഡ് എന്നിവയുടെ കൺസോർഷ്യവുമായി പ്രതിരോധ മന്ത്രാലയം 2025 ഒക്ടോബർ 15-ന്, 659.47 കോടിരൂപയുടെ കരാർ കരാറിൽ ഒപ്പുവച്ചു. SIG 716 അസോൾട്ട് റൈഫിളിന്റെ ദീർഘദൂരശേഷി സൈനികർക്ക് പൂർണ്ണമായും ഫലപ്രദമായി ഉപയോഗപ്പെടുത്താൻ നൈറ്റ് സൈറ്റ് ഉപകരണം സഹായിക്കും.
പ്രകാശം കുറഞ്ഞ രാത്രികാല സാഹചര്യങ്ങളിൽ പോലും 500 മീറ്റർ വരെയുള്ള ലക്ഷ്യങ്ങളെ ഫലപ്രദമായി ഉന്നമിടാൻ ഈ ഉപകരണത്തിന്റെ സഹായത്തോടെ കഴിയും. നിലവിലുള്ള പാസീവ് നൈറ്റ് സൈറ്റുകളെ (PNS) അപേക്ഷിച്ച് ഗണ്യമായ മേന്മ ഇത് നൽകുന്നു. 51%-ത്തിലധികം തദ്ദേശീയ ഘടകങ്ങൾ ഉള്ള' പ്രത്യേക വാങ്ങൽ( Buy (Indian-IDDM)) കേസായി തരംതിരിച്ചിരിക്കുന്ന ഈ സംഭരണം, പ്രതിരോധ നിർമ്മാണത്തിൽ ആത്മനിർഭരതയിലേക്കുള്ള ഒരു പ്രധാന ചുവടുവയ്പ്പാണ്. ഈ ഉപകരണ ഘടകങ്ങളുടെ നിർമ്മാണത്തിലും അസംസ്കൃത വസ്തുക്കളുടെ വിതരണത്തിലും ഏർപ്പെട്ടിരിക്കുന്ന എംഎസ്എംഇകൾക്കും ഈ സംരംഭം ഗുണം ചെയ്യും.
SKY
****
(रिलीज़ आईडी: 2179754)
आगंतुक पटल : 16