شمال مشرقی خطے (این ای آر) میں کھیلوں کی ترقی سے متعلق دوسری اعلیٰ سطحی ٹاسک فورس (ایچ ایل ٹی ایف) کی میٹنگ آج منی پور کے گورنر اجے کمار بھلّا کی صدارت میں ہوئی ۔ میٹنگ میں مواصلات اور شمال مشرقی خطے کی ترقی کے مرکزی وزیر جیوترادتیہ ایم سندھیا ، نوجوانوں کے امور اور کھیلوں کی وزیر مملکت رکشا کھڈسے ، میزورم کی وزیر کھیل لالنگنگلووا ہمار اور سبھی شمال مشرقی ریاستوں کے سینئر عہدیداروں اور نمائندوں نے شرکت کی ۔

یہ میٹنگ 17 اپریل 2025 کو منعقدہ ایچ ایل ٹی ایف کے پہلی میٹنگ کا تتبع( فالو-اَپ)تھی اور ابتدائی بات چیت کے بعد سے ہونے والی پیشرفت کا جائزہ لینے اور خطے میں کھیلوں کے فروغ ، بنیادی ڈھانچے اور صلاحیتوں کی ترقی کو مستحکم کرنے کے لیے ایک جامع روڈ میپ تیار کرنے کے لیے بلائی گئی تھی۔

اپنے خطاب میں مرکزی وزیر جناب جیوترادتیہ سندھیا نے شمال مشرقی خطے کی وسیع صلاحیت پر روشنی ڈالی کہ یہ خطہ اپنی مالا مال ثقافتی ورثے، فطری کھیل کود کی صلاحیت اور کھیلوں کے لیے گہری محبت کی بدولت بھارت کا کھیلوں کا مرکز بن سکتا ہے۔ انہوں نے میکرو کوچنگ کے نمونوں کو اپنانے ، کوچوں کی طویل مدتی اور پرعزم مصروفیت کو یقینی بنانے ، کھیل پر مبنی ٹیلنٹ اسکاؤٹنگ کو نافذ کرنے اور کھیلوں میں امتیازی شان کے لیے ایک مضبوط بنیاد بنانے کے لیے باٹم اَپ اپروچ اپنانے کی ضرورت پر زور دیا ۔

وزیر موصوف نے کھیلوں کے ماحولیاتی نظام میں مجموعی ترقی اور شمولیت کو یقینی بنانے کے لیے کھیلوں کی جدید سہولیات کو فروغ دینے ، مقامی صلاحیتوں کو پروان چڑھانے ، اعلی صلاحیت والے شعبوں کی نشاندہی کرنے اور تمام شمال مشرقی ریاستوں میں نچلی سطح پر شرکت کو فروغ دینے کی اہمیت پر مزید زور دیا ۔

بات چیت میں کھیلوں کے موجودہ بنیادی ڈھانچے کا جامع جائزہ لینے ، سہولیات میں کلیدی خامیوں کی نشاندہی کرنے ، صلاحیتوں کی ترقی اور رسائی ، اور کھیلوں کے بنیادی ڈھانچے اور شرکت کو بڑھانے کے لیے ایک اسٹریٹجک فریم ورک تیار کرنے پر توجہ مرکوز کی گئی ۔ ٹاسک فورس نے صلاحیتوں سے مالا مال اور سہولتوں سے محروم علاقوں کی نقشہ سازی ، پبلک پرائیویٹ پارٹنرشپ (پی پی پی) اور سی ایس آر اقدامات کے ذریعے سرمایہ کاری کو راغب کرنے اور مرحلہ وار نفاذ کے لیے قابل پیمائش سنگ میل کے ساتھ ایک قابل عمل روڈ میپ تیار کرنے پر بھی غور کیا ۔

حکومت کے عزم کا اعادہ کرتے ہوئے سندھیا نے کہا کہ شمال مشرقی خطے میں ہندوستانی کھیلوں کا پاور ہاؤس بننے کے لیے درکار تمام عناصر موجود ہیں اور جدید بنیادی ڈھانچے ، پالیسی کی حمایت اور ادارہ جاتی ہم آہنگی کے صحیح امتزاج سے یہ خطہ ایسے چیمپئنز کی پرورش کر سکتا ہے جو خطے اور ہندوستان کو عالمی سطح پر پہچان دلائیں گے ۔

انہوں نے مزید کہا کہ خطے کی قدرتی کھیلوں کی ثقافت اور روایتی شعبوں کے ساتھ جدید بنیادی ڈھانچے کو ملا کر ، شمال مشرقی خطہ نہ صرف بین الاقوامی پذیرائی کے لائق کھلاڑی پیدا کر سکتا ہے بلکہ جامع ترقی ، نوجوانوں کی شمولیت اور علاقائی فخر کو بھی فروغ دے سکتا ہے ۔

دوسری ایچ ایل ٹی ایف میٹنگ شمال مشرقی خطے کو کھیلوں کی مہارت کے ایک متحرک مرکز میں تبدیل کرنے کے وژن کو آگے بڑھانے کی طرف ایک اور اہم قدم کی نشاندہی کرتی ہے ، جو وزیر اعظم مودی کی قیادت میں حکومت کے وسیع تر ہدف کے مطابق ہے تاکہ کھیلوں پر مبنی ترقی کے ذریعے خطے کو بااختیار بنایا جا سکے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ م م۔ص ج)

U. No. 9907

(Release ID: 2179532) Visitor Counter : 9