گوا، 11 اکتوبر،انٹرنیشنل پرپل فیسٹ کے دوسرے دن، دیویانگ جنو کے لیے سننے، پڑھنے اور لکھنے کی صلاحیت میں اضافہ کرنے کے لیے تین اہم پہل قدمیاں شروع کی گئیں، جو مبنی بر شمولیت تعلیم اور ہنرمندی ترقیات کے لیے ایک غیر معمولی قدم کے طور پر اجاگر ہیں۔دیویانگ جنو کی اختیاردہی کے محکمے ، حکومت ہند کے سکریٹری جناب راجیش اگروال نے ان تین پہل قدمیوں کا آغاز کیا۔ اس موقع پر ایس سی پی ڈی گوا کے سکریٹری جناب طٰہٰ حازق، ڈی ڈی جی محترمہ رچا شنکر، اے ایل آئی ایم سی او کے سی ایم ڈی جناب پروین کمار، انڈین سائن لینگویج ریسرچ اینڈ ٹریننگ سینٹر (آئی ایس ایل آر ٹی سی) کے ڈائرکٹر جناب کمار راجو اور ڈپٹی سکریٹری جناب جسبیر سنگھ، جناب انوپم شکلا، محترمہ دیبالا بھٹاچاریہ، انڈر سکریٹریز اور دیویانگ جنو کی اختیارکاری کے محکمے ڈپٹی سکریٹری ایس کے مہتو  بھی موجود تھے۔ ان پہل قدمیاں کا آغاز رکاؤٹوں سے مبرا تعلیمی ایکو نظام تیار کرنے اور عالمی تعلیمی اور پیشہ وارانہ مواقع میں حصہ دار بننے کے لیے دیویانگ جنو کو بااختیار بنانے  کے تئیں حکومت کی پیہم عہدبستگی کا اظہار ہے۔

پہلا بڑا آغاز معذور افراد کے لیے آئی ای ایل ٹی ایس ٹریننگ ہینڈ بک تھا، جسے بلیو ان دی ویزبل (بی آئی ٹی آئی) نے تیار کیا تھا، جسے دیویانگ جنو کی اختیار دہی کے محکمے (ڈی ای پی ڈبلیو ڈی)، سماجی انصاف اور تفویض اختیارات کی وزارت، حکومت ہند کے تعاون سے تیار کیا گیا تھا۔ انجلی ویاس، بی آئی ٹی آئی کی معاون بانی اور برٹش کونسل کے مصدقہ آئی ای ایل ٹی ایس ٹرینر کی تصنیف، ہینڈ بک اپنی نوعیت کا پہلا جامع وسیلہ ہے جسے آئی ای ایل ٹی ایس کی تیاری کو دیویانگ جنو(پی ڈبلیو ڈی) کے لیے قابل رسائی، ڈھانچہ، اور سیکھنے والوں کے لیے موافق بنانے کے لیے ڈیزائن کیا گیا ہے۔ سیکھنے والوں کے لیے ازخود مطالعہ رہنمائی اور تربیت دہندگان کے لیے تدریسی کتابچہ دونوں کے طور پر یہ اشاعت معیاری آئی ای ایل ٹی ایس وسائل تک رسائی میں بصری، سماعت، لوکوموٹر اور دیگر معذوری کے حامل افراد کو درپیش چیلنجوں کو حل کرتی ہے۔ یہ آئی ایل ٹی ایس کے چار ماڈیولز — سننا، پڑھنا، لکھنا اور بولنا میں سے ہر ایک کے لیے مناسب رہائش کے رہنما خطوط، موافقت پذیر حکمت عملی، اور عملی ٹولز فراہم کرتا ہے۔ اہم خصوصیات میں مرحلہ وار ہدایات، ہنر سازی کی سرگرمیاں، مشکل کی مختلف سطحوں کے لیے قابل رسائی پریکٹس مواد، پی ڈبلیو ڈی سیکھنے والوں کے لیے تیار کردہ تدریسی حکمت عملی، سبق کے منصوبے اور امتحان کی تیاری کی تکنیک، وقت کے انتظام کی رہنمائی، گرامر اور الفاظ کی تعمیر میں معاونت، آئی ایس ایل (انڈین سائن لینگویج) ویڈیو لنکس اور قابل رسائی مطالعہ کے وسائل شامل ہیں۔ یہ اشاعت جامع تعلیم اور عالمی زبان کی مہارت کی تربیت میں مساوی مواقع کی طرف ایک اہم پیشرفت کی نمائندگی کرتی ہے، جو بی آئی ٹی آئی کے مشن کے ساتھ مطابقت رکھتی ہے تاکہ غیر مرئی معذوریوں کے لیے مرئیت پیدا کی جائے اور سیکھنے میں عالمگیر رسائی کو فروغ دیا جائے۔

دوسرا اہم اعلان انڈین سائن لینگویج ریسرچ اینڈ ٹریننگ سینٹر (آئی ایس ایل آر ٹی سی)، نئی دہلی (سماجی انصاف اور تفویض اختیارات کی وزارت، حکومت ہند کے ماتحت دیویانگ جنو کی اختیاردہی کا محکمہ) کے ذریعہ کیا گیا، جو کہ بھارتی سائن لینگویج میں ترقی، تحقیق اور تربیت کے لیے کلی طور پر وقف ایک اعلیٰ ادارہ ہے۔ دیویانگ جنو کی اختیار دہی کے محکمے  کی ہنرمندی تربیت سے متعلق پہل قدمی کے حصے کے طور پر، آئی ایس ایل آر ٹی سی نے نئی دہلی میں آئی ایس ایل آر ٹی سی میں آف لائن موڈ میں 11 اگست سے 29 اگست 205 تک ریکگنیشن آف پرائر لرننگ (آر پی ایل) -آئی ایس ایل انٹرپریٹیشن میں سند بندی (سی آئی ایس ایل آئی) / ایس و ڈی اے کے لیے ہنرمندی کورس (سماعت سے محروم بالغان کے بھائی بہن) اور سی او ڈی اے (سماعت سے محروم بالغان کے بچوں) کا اہتمام کیا۔ ہندوستان کے مختلف حصوں سے مجموعی طور پر 17 امیدوار اسیسمنٹ کے لیے حاضر ہوئے، جن میں سے سبھی نے کامیابی سے کورس مکمل کیا۔ ان کی کارکردگی کی بنیاد پر گریڈز دیئے گئے، اور اس پہلے بیچ کے لیے سرٹیفکیٹ تقسیم کرنے کی تقریب 03 دسمبر 2025 کو معذور افراد کے عالمی دن کے موقع پر شروع کی جائے گی۔

ہندوستانی اشاروں کی زبان کے پیشہ ور افراد کی بین الاقوامی نمائش حاصل کرنے کی بڑھتی ہوئی ضرورت کے جواب میں، آئی ایس ایل آر ٹی سی نے امریکن سائن لینگویج (اے ایس ایل) اور برٹش سائن لینگویج (بی ایس ایل) پر خصوصی بنیادی تربیتی پروگرام شروع کرنے کا بھی اعلان کیا۔ آئی ایس ایل آر ٹی سی ، نئی دہلی میں ایک ماہ (4 ہفتوں) کا جسمانی تربیتی پروگرام، 3 دسمبر 2025 سے معذور افراد کے بین الاقوامی دن پر شروع ہو رہا ہے تاکہ آئی ایس ایل پیشہ ور افراد کو اے ایس ایل اور بی ایس ایل کے بنیادی اصولوں سے متعارف کرایا جا سکے، گرامر، نحو اور الفاظ کا علم فراہم کیا جا سکے اور بین الاقوامی فورموں میں ہندوستانی ترجمانوں کے لیے پیشہ ورانہ مواقع کو تقویت ملے۔ توقع ہے کہ اس اقدام سے آئی ایس ایل آر ٹی سی کے کردار میں اضافہ ہوگا اور بین الاقوامی بہرے زائرین کو ہندوستانی ثقافت اور ورثے کی نمائش ہوگی۔

یہ تینوں لانچ مل کر ایک متحد وژن : دیویانگ جنو کے لیے قومی اور بین الاقوامی پلیٹ فارمز پر سیکھنے، بات چیت کرنے اور ترقی کی منازل طے کرنے کے لیے قابل رسائی، جامع اور بااختیار بنانے کے راستے بنانے کی عکاسی کرتی ہیں ۔

**********

 (ش ح –ا ب ن)

U.No:7451