মন্ত্রীমন্দল
কেবিনেতনা লাক্কদৌরিবা সেন্সসতা কাস্ত এনুমরেসনগী অয়াবা পীখ্রে
Posted On:
30 APR 2025 5:59PM by PIB Imphal
প্রধান মন্ত্রী, শ্রী নরেন্দ্র মোদীনা লুচিংবা কেবিনেত কমিতী ওন পোলিতিকেল এফিয়র্সনা লাক্কদৌরিবা সেন্সসতা কাস্ত সেন্সস য়াওহন্নবা ৱারেপ লৌখ্রে। মসিনা উৎলি মদুদি হৌজিক লৈরিবা সরকার অসিনা লৈবাক অমসুং খুন্নাইগী ওলিস্তিক ইন্তরেস্ত অমসুং ভেল্যুশিংদা অচেৎপা ফিরেপ থম্লি।
ভারতকী সংবিধানগী আর্তিকল 246গী মতুং ইন্না সেন্সস অসি তরেৎশুবা সেদ্যুলগী য়ুনিয়ন লিস্ততা 69শুবা মফমদা য়াওরিবা য়ুনিয়ন সবজেক্ত অমনি। রাজ্য খরনা কাস্তশিং মশিং থীবগীদমক্তা সর্ভে পাংথোক্লবসু, হায়রিবা সর্ভেশিং অসি ত্রান্সপরেন্সী অমসুং ইন্তেন্ততা খেন্নৈ, অমসুং খরদি পোলিতিকেল এঙ্গেল অমদগী খক্তনা পাংথোকই, মসিনা খুন্নাইদা চিংনবশিং থোকহল্লি। অসিগুম্বা ফিভমশিং অসি য়েংলগা অমসুং ঐখোয়গী খুন্নাইগী ফিভম অসি রাজনিতীগী প্রেসরগী মখাদা লৈহন্দনবা, কাস্ত সেন্সস অসি তোঙানবা সর্ভে অমা ওইনা পাংথোকপগী মহুত্তা মপুং ওইবা সেন্সসতা য়াওহন্নবা ৱারেপ লৌখ্রে।
মসিনা খুন্নাই অসি শেন্মিৎলোন অমসুং খুন্নাই অমা ওইনা হেন্না মপাঙ্গল কনখৎহনগনি অমসুং লৈবাক অসি অথিংবা অপনবা অমত্তা লৈতনা মখাতানা খুমাং চাউশিনগনি। খুন্নাই অসিগী শেন্মিৎলোনগী ফিভম ফত্রবা কাংলুপকীদমক চাদা 10গী রিজার্বেসনগী প্রোভিজন অমা শেমখিবা মতমদা, মসিনা খুন্নাইগী কাংলুপ অমত্তদা অৱাবা লৈহন্দবা হায়বসি পুক্নিং চিংশিন্নিংঙাইনি।
নীংতম্বা ফংলবা মতুংদা পাংথোকখিবা সেন্সস ওপরেসন পুম্নমক্তগী কাস্ত অসি লৌথোকখি। 2010দা, মতমদুগী প্রধান মন্ত্রী লৈখিদ্রবাda. মনমোহন সিংহনা কাস্ত সেন্সসকী ৱাফম অসি কেবিনেত্তা খন্নগনি হায়না লোক সভাদা থাজবা পীখি। হীরম অসিগী মতাংদা খন্ননবা মিনিস্তরশিংগী কাঙলুপ অমা শেমখি, অমসুং পোলিতিকেল পার্তী অয়াম্বনা কাস্ত সেন্সস অমা পাংথোক্নবা রিকমেন্দ তৌখি। মসি ওইজরবসু, মমাংগী সরকারনা কাস্ত সেন্সসকী মহুত্তা সোসিও-ইকোনোমিক এন্দ কাস্ত সেন্সস (SECC) হায়না খঙনবা সর্ভে অমা পাঙথোক্নবা খনখি।
***
(Release ID: 2176717)
Visitor Counter : 7
Read this release in:
Malayalam
,
English
,
Urdu
,
Marathi
,
हिन्दी
,
Nepali
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada