حکومت ہند کی محنت اور روزگار کی وزارت نے عوامی مشاورت کے لیے قومی محنت اور روزگار پالیسی-شرم شکتی نیتی 2025 کا مسودہ جاری کیا ہے ۔  پالیسی کا مسودہ وکست بھارت @2047 کی قومی امنگوں کے مطابق کام کی ایک منصفانہ ، جامع اور مستقبل کے لیے تیار دنیا کے لیے ایک نیا وژن پیش کرتا ہے ۔

ہندوستان کی شرم دھرم کی تہذیبی اخلاقیات-کام کے وقار اور اخلاقی اقدار سے منسلک ، یہ پالیسی ایک ایسے لیبر ماحولیاتی نظام کا تصور پیش کرتی ہے جو ہر کارکن کے لیے تحفظ ، پیداواری صلاحیت اور شرکت کو یقینی بنائے ۔  یہ ایک متوازن فریم ورک بنانے کی کوشش کرتی ہے جو کارکنوں کی فلاح و بہبود کو برقرار رکھتا ہے جبکہ کاروباری اداروں کو ترقی اور پائیدار ذریعہ معاش پیدا کرنے کے قابل بناتا ہے ۔

شرم شکتی نیتی 2025 محنت اور روزگار کی وزارت (ایم او ایل ای) کو ایک فعال روزگار سہولت کار کے طور پر پیش کرتی ہے، جو قابل اعتماد ، ٹیکنالوجی پر مبنی نظام کے ذریعے کارکنوں ، آجروں اور تربیتی اداروں کے درمیان ہم آہنگی پیدا کرتی ہے ۔  نیشنل کیریئر سروس (این سی ایس) پلیٹ فارم روزگار کے لیے ہندوستان کے ڈیجیٹل عوامی بنیادی ڈھانچےکے طور پر کام کرے گا ، جو شفاف اور جامع ملازمت کے امتزاج، اسناد کی تصدیق اور مہارت کی صف بندی کی سہولت فراہم کرےگا ۔  اوپن اے پی آئی ، کثیر لسانی رسائی  اور اے آئی پر مبنی اختراع کے ذریعے ، این سی ایس-ڈی پی آئی ٹیئر-II اور ٹیئر-III شہروں ، دیہی اضلاع  اور ایم ایس ایم ای کلسٹروں میں صلاحیت کے ساتھ مواقع کو منسلک کرےگا ، جس سے ملک گیر طور پر روزگار کی سہولت کے ذریعے عوام کی بہبود ممکن ہوسکے گی ۔

یہ پالیسی یکساںسماجی تحفظ ، پیشہ ورانہ تحفظ اور صحت، خواتین اور نوجوانوں کو بااختیار بنانے  اور ماحولیات کے لیے سازگارٹیکنالوجی پر مبنی ملازمتوں کی تخلیق پر بھی زور دیتی ہے ۔  اس کا مقصد ابھرتی ہوئی ٹیکنالوجیز ، آب و ہوا کی تبدیلی اور عالمی ویلیو چینز کی  مانگ کو پورا کرنے کے قابل ایک پائیدار اور مسلسل ہنر مند افرادی قوت کی تعمیر کرنا ہے ۔  ای پی ایف او ، ای ایس آئی سی ، ای-شرم  اور این سی ایس جیسے کلیدی قومی ڈیٹا بیس کو ایک متحد لیبر اسٹیک میں ضم کرکے ، یہ پالیسی ایک جامع اور باہمی قابل عمل ڈیجیٹل ماحولیاتی نظام کا تصور پیش کرتی ہے جو عمر بھر سیکھنے ، سماجی تحفظ اور آمدنی کو یقینی بنانے میں معاون ہے ۔

مسودہ پالیسی متعقلہ فریقین کی وسیع مشاورت کی عکاسی کرتی ہے اور تعاون پر مبنی وفاقیت ، شواہد پر مبنی پالیسی سازی اور ڈیجیٹل شفافیت پر زور دیتی ہے ۔  یہ مرکز ، ریاستوں ، صنعت اور سماجی شراکت داروں کے درمیان مربوط کارروائی کے لیے ایک طویل مدتی فریم ورک فراہم کرتی ہے تاکہ اس بات کو یقینی بنایا جا سکے کہ ترقی کے فوائد کی وسیع پیمانے پر اور مساوی طور پر سب کو رسائی حاصل ہو۔

محنت اور روزگار کی قومی پالیسی-شرم شکتی نیتی 2025 کا مسودہ وزارت محنت و روزگار ، ڈائریکٹوریٹ جنرل آف ایمپلائمنٹ (ڈی جی ای) اور نیشنل کیریئر سروس (این سی ایس) کی ویب سائٹس پر دستیاب ہے ۔  متعلقہ فریقین، اداروں اور عوام کے اراکین کو مدعو کیا جاتا ہے کہ وہ 27 اکتوبر 2025 تک  ddg-dget[at]nic[dot]in پر اپنی رائے ، تبصرے اور تجاویز پیش کریں۔

ڈرافٹ پالیسی کی تفصیلات ذیل کے لنک پر دستیاب ہیں:

https://labour.gov.in/sites/default/files/draft_-_mole_le_policy_-_v1.0.pdf

********************

 (ش ح  ۔ ش ب ۔ ش ہ ب)

U.No. 7262

(Release ID: 2176395) Visitor Counter : 9