الیکشن کمیشن آف انڈیا (ای سی آئی) نے 6 اکتوبر 2025 کو بہار کی قانون ساز اسمبلی کے عام انتخابات اور 6 ریاستوں اور جموں و کشمیر کے مرکز کے زیر انتظام علاقے  کے 8 اسمبلی حلقوں کے ضمنی انتخابات کے شیڈول کا اعلان کیا۔

کمیشن نے عوامی نمائندگی ایکٹ 1951 کے سیکشن 60 (سی) کے مطابق مطلع کیا ہے کہ 85 سال سے زیادہ عمر کے ووٹرز اور بینچ مارک معذوری والے ووٹرز پوسٹل بیلٹ کے ذریعے اپنا ووٹ ڈال سکتے ہیں۔

ایسے ووٹرز فارم 12 ڈی کا استعمال کرتے ہوئے اس سہولت سے فائدہ اٹھا سکتے ہیں اور الیکشن کا نوٹیفکیشن جاری ہونے کے 5 دن کے اندر اپنے بی ایل او کے ذریعے ریٹرننگ آفیسر کو جمع کروا سکتے ہیں۔ پولنگ ٹیمیں ان کے گھر گھر جا کر ووٹ جمع کریں گی۔

پولنگ کی تاریخ پر ضروری خدمات پر انتخاب کرنے والے اپنے متعلقہ محکمے کے نامزد نوڈل افسر کے ذریعے پوسٹل بیلٹ کی سہولت کے لیے درخواست دے سکتے ہیں۔ ضروری خدمات جیسے فائر سروسز، صحت، بجلی، ٹریفک، ایمبولینس سروسز، ایوی ایشن، لمبی دوری والی سرکاری روڈ ٹرانسپورٹ کارپوریشن وغیرہ اس سہولت کے تحت آتی ہیں۔

الیکشن کمیشن کے ذریعہ پول ڈے کوریج کے لیے مجاز میڈیا پرسنز کو بھی ضروری خدمات پر غیر حاضر ووٹرز کے زمرے میں شامل کیا گیا ہے اور وہ پوسٹل بیلٹ کی سہولت کے حقدار ہیں۔

سروس ووٹرز کو الیکشن لڑنے والے امیدواروں کی فہرست کو حتمی شکل دینے کے فوراً بعد ریٹرننگ افسر کے ذریعے الیکٹرانک طور پر ٹرانسمیٹڈ پوسٹل بیلٹ سسٹم (ای ٹی پی بی ایس) کے ذریعے ان کے پوسٹل بیلٹ بھیجے جائیں گے۔ سروس ووٹرز کو پوسٹل سروسز کے اخراجات برداشت کرنے کی ضرورت نہیں ہے۔

ریٹرننگ آفیسر/ڈسٹرکٹ الیکشن آفیسر کو بھی ہدایت کی گئی ہے کہ وہ سیاسی جماعتوں/ مقابلہ کرنے والے امیدواروں کو مذکورہ دفعات کے بارے میں مطلع کریں۔

************

ش ح۔ا م۔ ن ع

 (U: 7256)

(Release ID: 2176310) Visitor Counter : 7