شماریات اور پروگرام کے نفاذ کی وزارت (ایم او ایس پی آئی) گلوبل فِن ٹیک فیسٹ (جی ایف ایف) 2025 میں  شرکت کر  رہی ہے ، جو 7 سے 9 اکتوبر ، 2025  ء تک  ممبئی کے جیو ورلڈ سینٹر میں منعقد ہونے والا ہے ۔ ایک متعلقہ اسٹال اور اس سلسلے میں مختلف تقریبات ، سرکاری اعدادوشمار کے بدلتے ہوئے منظر نامے اور ڈاٹا کے فرق کو پُر کرنے کے لیے فن ٹیک کے کردار کی عکاسی کریں گے ۔

تقریب میں وزارت کے اسٹال میں بڑے شماریاتی اشارے جیسے جی ڈی پی ، سی پی آئی ، لیبر مارکیٹ کے اہم اعدادوشمار وغیرہ پیش کیے جائیں گے ۔ اس کا مقصد سرکاری اعداد و شمار میں شفافیت ، رسائی اور جدت طرازی کے لیے  اس کے عزم کو ظاہر کرنا  ہے ۔ انفو گرافکس ، ویڈیوز اور انٹرایکٹو ڈسپلے سمیت تخلیقی بصریوں کا استعمال  ، یہاں آنے والے مہمانوں سے رابطے اور ایم او ایس پی آئی کے اقدامات کو مؤثر طریقے سے بات چیت کرنے کے لیے کیا جائے گا ۔ ہم جی ایف ایف میں اس ٹارگٹڈ آؤٹ ریچ پروگرام میں کامیاب ہونے کی امید کرتے ہیں ۔

فن ٹیک ڈاٹا پر مبنی ہوتا ہے ۔ ایم او ایس پی آئی صنعتی مہارت اور سرکاری اعداد و شمار کے درمیان ہم آہنگی پیدا کرنے کی کوشش کر رہی ہے ۔ 7 اکتوبر کو  ’’ انسائٹ فیوژن: سروے اور صنعت کے اعداد و شمار کے ساتھ فن ٹیک کے مستقبل کی تعمیر ‘‘  پر ایک پینل مذاکرہ ہوگا   ، جس کی میزبانی  سرکردہ صنعتی اداروں کے ساتھ  ایم او ایس پی آئی  کرے گی  اور   اس  میں ، اس بات  پر غور و خوض کیا جائے گا کہ کس طرح بڑے پیمانے کے سروے ، جیسے کہ قومی شماریاتی نظام کے ذریعے کئے گئے سروے ، کو مارکیٹ کے اعداد و شمار کے ذریعے پورا کیا جا سکتا ہے تاکہ صارفین کے رویے ، کاروباری ضروریات اور مالی شمولیت کے فرق کے بارے میں گہری بصیرت پیدا کی جا سکے ۔ یہ فن ٹیکس ، پالیسی سازوں اور محققین کے لیے ایک واضح پیش کش ہے کہ وہ زیادہ لچکدار ماڈل بنائیں ، جامع مصنوعات تیار کریں  اور شواہد پر مبنی ترقی کے لیے ایک روڈ میپ تیار کریں ۔

ایم او ایس پی آئی کے سکریٹری 8 اکتوبر  ، 2025 ء کو  ’’ عوامی  فلاح و بہبود  کے طور پر ڈاٹا: اختراع اور ترقی کے لیے سرکاری ڈاٹا کا استعمال ‘‘  کے موضوع پر فائر سائیڈ چیٹ میں شرکت کریں گے ۔ ڈاٹا ، جب اسے عوامی  فلاح و بہبود  کے طور پر سمجھا جاتا ہے ، تو اس میں نئی معاشی صلاحیت کو بروئے کار لانے اور جامع ترقی کو آگے بڑھانے کی طاقت ہوتی ہے ۔ بات چیت اس بات کو یقینی بنانے میں باہمی تعاون کے ڈاٹا فریم ورک کے کردار کو اجاگر کرے گی کہ ڈیجیٹل معیشت میں تمام متعلقہ فریقوں کے لیے معلومات بروقت ، شفاف اور فائدہ مند ہو ۔

اسی دن 8 اکتوبر کو سکریٹری (ایم او ایس پی آئی) فن ٹیک صنعت کے نمائندوں اور ڈیجیٹل انڈیا کے لیے شماریاتی انفراسٹرکچر: فن ٹیک ایکو نظام کے ساتھ اسمارٹر ڈاٹا پارٹنرشپ پر ریگولیٹرز کے ساتھ ایک کلوزڈ روم سیشن کی صدارت کریں گے ۔ مستحکم شماریاتی بنیادی ڈھانچہ ڈیجیٹل معیشت میں اسمارٹ پالیسی اور اختراع کو آگے بڑھانے میں اہم ہے ۔ اس بات چیت میں ریئل ٹائم گرینولر ڈاٹا فلوز میں موجودہ چیلنجوں  ، قابل اعتماد ڈاٹا پارٹنرشپ کے مواقع کا احاطہ کیا جائے گا  اور  بھارت کی اقتصادی نقشہ سازی اور فیصلہ سازی کے فریم ورک کو مضبوط بنانے میں فن ٹیکس  کے کردار کا احاطہ کیا جائے گا ۔

ان موضوعاتی اقدامات  کے ساتھ ، ایم او ایس پی آئی اپنی کلیدی ڈیجیٹل مصنوعات اور اس کے اقدامات کو اجاگر کرے گا  ، جس کا مقصد اعلیٰ معیار ، حقیقی وقت کے سرکاری اعدادوشمار رکھنے کے لیے ڈیجیٹل  بنیادی ڈھانچے کی تعمیر کرنا ہے اور اس عمل میں فن ٹیکس  کو مدعو کرے گا ۔

...................

) ش ح –    ا ع خ             -  ع ا )

U.No. 7124