విశాఖపట్నం నావల్ డాక్ యార్డ్ లో అక్టోబర్ 6, 2025న నిర్వహించే ఓ కార్యక్రమంలో నౌకా దళంలోకి రెండో యాంటీ సబ్ మెరైన్ వార్ ఫేర్ షాలో వాటర్ క్రాఫ్ట్ (ఏఎస్ డబ్ల్యూ-ఎస్ డబ్ల్యూసీ) 'ఆండ్రోత్'ను ప్రవేశపెట్టేందుకు భారత నేవీ సిద్ధమైంది. ఈ కార్యక్రమానికి తూర్పు నావికాదళ కమాండ్, ఫ్లాగ్ ఆఫీసర్ కమాండింగ్-ఇన్-చీఫ్, వైస్ అడ్మిరల్ రాజేశ్ పెంధార్కర్ అధ్యక్షత వహిస్తారు.

భారత నౌకాదళ సామర్థ్యాన్ని ముందుకు తీసుకుపోవడంలోనూ, స్వదేశీకరణ ప్రయత్నాల్లో మరో విజయ ప్రస్థానంగా ఈ ఆండ్రోత్ నౌకా ప్రారంభాన్ని చెప్పవచ్చు. ఇటీవల కాలంలో అత్యాధునిక యుద్ధనౌకల ప్రవేశంతో నావికాదళంలో కొత్త ఉత్సాహం నెలకొంది.

కోల్ కతాలోని గార్డెన్ రీచ్ షిప్ బిల్డర్స్ అండ్ ఇంజినీర్స్ (జీఆర్ఎస్ఈ) సంస్థ నిర్మించిన ఆండ్రోత్ నౌక 80 శాతానికి పైగా దేశీయ వస్తువులతో భారత నావికా స్వయం సమృద్ధికి నిదర్శనంగా నిలుస్తుంది. వినూత్న సాంకేతికతలు, దేశీయ పరిష్కారాలతో స్వదేశీ సామర్థ్యాన్ని పెంపొందించేందుకు నావికాదళ నిబద్ధతను ఈ నౌక స్పష్టం చేస్తుంది.

ఆండ్రోత్ ప్రారంభంతో నేవీ ఏఎస్ డబ్ల్యూ సామర్థ్యం బలపడటంతో పాటు సముద్ర తీర జలాల్లోని ముప్పును ఎదుర్కొనవచ్చు. ఇది నిరంతర స్వదేశీకరణ ప్రాధాన్యత, ఆవిష్కరణ, సామర్థ్యం పెంపుదలను ప్రతిబింబిస్తుంది. భారత నౌకాదళ భద్రతను బలోపేతం చేయటంలో జీఆర్ఎస్ఈ కీలక పాత్రను స్పష్టం చేస్తుంది.

 

ఇటీవల నౌకా దళంలో చేరిన ఆర్నాలా, నిస్తార్, ఉదయగిరి, నీలగిరి... ఇప్పుడు ఆండ్రోత్ నౌక సముద్ర కార్యకలాపాల్లో నౌకదళం ప్రాభవాన్ని ప్రతిబింబిస్తాయి. అత్యధిక శాతం దేశీయ వస్తువుల వినియోగం, తయారీ నైపుణ్యం.. భారత షిప్ యార్డులు, పరిశ్రమల నుంచి వచ్చే దేశీయ ఆవిష్కరణలతో ఈ నౌకలు ఆత్మనిర్భరత స్ఫూర్తిని తెలియజేస్తాయి.

 

***

(रिलीज़ आईडी: 2175279) आगंतुक पटल : 21