وزیر دفاع جناب راجناتھ سنگھ 7 اکتوبر 2025 کو نئی دہلی میں ویگیان بھون میں “ملک میں دفاعی پیداوار میں مواقع” کے موضوع سے متعلق ایک قومی سطح کی  کانفرنس کا افتتاح کریں گے۔ یہ کانفرنس محکمہ دفاعی پیداوار اور وزارت دفاع (ایم او ڈی) کی سرپرستی میں منعقد کی جا رہی ہے اور اس کا مقصد وزارت دفاع اور ریاست اورمرکزکے زیرانتظام حکومتوں کے درمیان ہم آہنگی کو مضبوط کرنا ہے، تاکہ علاقائی صنعتی پالیسیوں اور بنیادی ڈھانچے کی ترقی کو دفاعی پیداوار میں خود کفالت کے قومی مقصدکےحصول کے ساتھ ہم آہنگ کیا جا سکے۔

پروگرام کے دوران، وزیر دفاع نئے 'ڈیفنس ایگزم پورٹل' کا آغاز کریں گے، جسے برآمد اور درآمد کی اجازت جاری کرنے کے عمل کو ہموار کرنے کے لیے ڈیزائن کیا گیا ہے، ساتھ ہی سریجن ڈی ای ای پی (دفاعی اسٹیبلشمنٹس اینڈ انٹرپرینیورس پلیٹ فارم) پورٹل، ایک ڈیجیٹل ذخیرہ  ہےجو ہندوستانی دفاعی صنعتوں کی صلاحیتوں اور مصنوعات کا نقشہ اورلائحہ عمل تیار کرتا ہے۔ اس موقع پر دو اہم اشاعتیں ’ایرو اسپیس اور ڈیفنس سیکٹر پالیسی کمپنڈیم آف اسٹیٹس اینڈ یونین ٹیریٹریز‘ اور آئی ڈی ای ایکس کافی ٹیبل بک ’شیئرڈ ہورائزنز آف انوویشن‘ بھی جاری کی جائیں گی۔

کانفرنس کا مقصد تمام ریاستوں اور مرکز کے زیر انتظام علاقوں کے صنعتی محکموں کے سینئر عہدیداروں کو یکجا کرنا ہے تاکہ ہندوستان کے دفاعی مینوفیکچرنگ ماحولیاتی نظام کو آگے بڑھانے میں ان کے اہم رول پر تبادلہ خیال کیا جاسکے۔ یہ ملکی ترقی کو فروغ دینے، دفاعی برآمدات کو بڑھانے اور اس شعبے میں سرمایہ کاری کو فروغ دینے کے لیے جاری قومی کوششوں کو بھی اجاگر کرے گا۔

****

UR-7115      

(ش ح۔ م م ع۔ ف ر )