ਖਪਤਕਾਰ ਮਾਮਲੇ, ਖੁਰਾਕ ਅਤੇ ਜਨਤਕ ਵੰਡ ਮੰਤਰਾਲੇ ਦੇ ਖਪਤਕਾਰ ਮਾਮਲੇ ਵਿਭਾਗ ਨੇ ਰਾਸ਼ਟਰੀ ਖਪਤਕਾਰ ਵਿਵਾਦ ਨਿਵਾਰਣ ਕਮਿਸ਼ਨ ਵਿੱਚ ਮੈਂਬਰ ਦੇ ਇੱਕ ਖਾਲੀ ਅਹੁਦੇ ਅਤੇ ਐੱਨਸੀਡੀਆਰਸੀ ਦੇ ਮੈਂਬਰ ਦੇ ਅਹੁਦੇ ਲਈ ਅਤੇ ਕਿਸੇ ਵੀ ਹੋਰ ਅਨੁਮਾਨਿਤ ਖਾਲੀ ਅਹੁਦੇ ਲਈ ਅਰਜ਼ੀਆਂ ਜਮ੍ਹਾਂ ਕਰਨ ਦੀ ਆਖਰੀ ਮਿਤੀ ਤੱਕ ਅਰਜ਼ੀਆਂ ਮੰਗੀਆਂ ਹਨ। ਅਪੈਕਸ ਕੰਜ਼ਿਊਮਰ ਕਮਿਸ਼ਨ, ਐੱਨਸੀਡੀਆਰਸੀ, ਖਪਤਕਾਰ ਸੁਰੱਖਿਆ ਐਕਟ, 2019 ਦੇ ਤਹਿਤ ਬਣਾਈ ਗਈ ਇੱਕ ਅਰਧ-ਨਿਆਇਕ ਸੰਸਥਾ ਹੈ। ਇਸ ਦਾ ਮੁੱਖ ਦਫਤਰ ਨਵੀਂ ਦਿੱਲੀ ਵਿੱਚ ਹੈ।

ਖਪਤਕਾਰ ਮਾਮਲਿਆਂ ਦੇ ਵਿਭਾਗ ਨੇ 24 ਅਕਤੂਬਰ, 2025 ਤੱਕ ਸਿਰਫ਼ ਔਨਲਾਈਨ ਮੋਡ ਰਾਹੀਂ ਅਰਜ਼ੀਆਂ ਮੰਗੀਆਂ ਹਨ।

ਕਿਸੇ ਵੀ ਉਮੀਦਵਾਰ ਦੀ ਨਿਯੁਕਤੀ, ਪੜਾਈ, ਯੋਗਤਾ, ਤਨਖਾਹ ਅਤੇ ਹੋਰ ਨਿਯਮ ਅਤੇ ਸ਼ਰਤਾਂ ਟ੍ਰਿਬਿਊਨਲ ਸੁਧਾਰ ਐਕਟ ਅਤੇ ਟ੍ਰਿਬਿਊਨਲ (ਸੇਵਾ ਦੀਆਂ ਸ਼ਰਤਾਂ) ਨਿਯਮਾਂ, 2021 ਦੇ ਉਪਬੰਧਾਂ ਦੁਆਰਾ ਨਿਯੰਤਰਿਤ ਕੀਤੀ ਜਾਵੇਗੀ।

ਇਸ ਅਹੁਦੇ 'ਤੇ ਨਿਯੁਕਤੀ ਲਈ ਉਮੀਦਵਾਰਾਂ ਦੀ ਸਿਫ਼ਾਰਸ਼ ਕਰਨ ਲਈ ਟ੍ਰਿਬਿਊਨਲ ਸੁਧਾਰ ਐਕਟ, 2021 ਦੇ ਤਹਿਤ ਗਠਿਤ ਕਮੇਟੀ, ਉਮੀਦਵਾਰਾਂ ਦੀ ਯੋਗਤਾ ਅਤੇ ਤਜ਼ਰਬੇ  ਦੇ ਅਧਾਰ  'ਤੇ ਅਰਜ਼ੀਆਂ ਦੀ ਜਾਂਚ ਕਰੇਗੀ ਅਤੇ ਨਿਜੀ  ਇੰਟਰਵਿਊ ਲਈ ਉਮੀਦਵਾਰਾਂ ਨੂੰ ਸ਼ੌਰਟਲਿਸਟ ਕਰੇਗੀ। ਅੰਤਿਮ ਚੋਣ ਯੋਗਤਾ, ਤਜ਼ਰਬੇ  ਅਤੇ ਨਿਜੀ  ਇੰਟਰਵਿਊ ਦੇ ਅਧਾਰ  'ਤੇ ਕਮੇਟੀ ਦੁਆਰਾ ਕੀਤੇ ਗਏ ਉਮੀਦਵਾਰਾਂ ਦੇ ਸਮੁੱਚੇ ਮੁਲਾਂਕਣ ਦੇ ਅਧਾਰ  'ਤੇ ਹੋਵੇਗੀ।

ਯੋਗ ਅਤੇ ਦਿਲਚਸਪੀ ਰੱਖਣ ਵਾਲੇ ਉਮੀਦਵਾਰਾਂ ਤੋਂ 25 ਸਤੰਬਰ, 2025 ਤੱਕ ਯੂਆਰਐੱਲ: https://jagograhakjago.gov.in/NCDRC ਰਾਹੀਂ ਔਨਲਾਈਨ ਅਰਜ਼ੀਆਂ ਮੰਗੀਆਂ ਜਾਂਦੀਆਂ ਹਨ। ਅਰਜ਼ੀਆਂ ਪ੍ਰਾਪਤ ਕਰਨ ਦੀ ਆਖਰੀ ਮਿਤੀ 24 ਅਕਤੂਬਰ, 2025 ਹੈ। ਔਨਲਾਈਨ ਅਰਜ਼ੀ ਦੀ ਇੱਕ ਕਾਪੀ, ਨਿਰਧਾਰਿਤ ਦਸਤਾਵੇਜ਼ਾਂ ਦੇ ਨਾਲ, ਜਿੱਥੇ ਵੀ ਲਾਗੂ ਹੋਵੇ, 24 ਅਕਤੂਬਰ, 2025 ਤੱਕ ਖਪਤਕਾਰ ਮਾਮਲੇ ਵਿਭਾਗ ਦੇ ਅੰਡਰ ਸੈਕਟਰੀ (ਸੀਪੀਯੂ), ਕਮਰਾ ਨੰਬਰ 466-A, ਕ੍ਰਿਸ਼ੀ ਭਵਨ, ਨਵੀਂ ਦਿੱਲੀ ਨੂੰ ਢੁਕਵੇਂ ਚੈਨਲ ਰਾਹੀਂ ਜਮ੍ਹਾ ਕਰਵਾਈ ਜਾ ਸਕਦੀ ਹੈ।

************

ਏਡੀ/ਐੱਨਐੱਸ/ਏਕੇ