नवी दिल्‍ली, 25 सप्‍टेंबर 2025

ग्राहक व्यवहार, अन्न आणि सार्वजनिक वितरण मंत्रालयाच्या अंतर्गत ग्राहक व्यवहार विभागाने राष्ट्रीय ग्राहक तक्रार निवारण आयोगातील सदस्यांच्या एका रिक्त पदासाठी तसेच या पदासाठीचे अर्ज सादर करण्याच्या अंतिम मुदतीपर्यंत राष्ट्रीय ग्राहक तक्रार निवारण आयोगात होऊ घातलेल्या इतर कोणत्याही संभाव्य रिक्त पदासाठी अर्ज मागवले आहेत. ग्राहक संरक्षण कायदा 2019 अंतर्गत स्थापन करण्यात आलेली राष्ट्रीय ग्राहक तक्रार निवारण आयोग ही संस्था अर्ध-न्यायिक संस्था आहे. या आयोगाचे मुख्यालय नवी दिल्ली येथे आहे.

ग्राहक व्यवहार विभागाने 24 ऑक्टोबर पर्यंत केवळ ऑनलाईन पद्धतीने अर्ज मागवले आहेत.

उमेदवाराच्या नियुक्तीसाठी शैक्षणिक पात्रता, अर्हता, वेतन आणि इतर अटी व शर्ती न्यायाधिकरण सुधारणा कायदा आणि न्यायाधिकरण (सेवा शर्ती) नियम,2021 च्या तरतुदींद्वारे नियंत्रित केल्या जातील.

या पदावर नियुक्तीसाठी नावांची शिफारस करण्यासाठी न्यायाधिकरण सुधारणा कायदा 2021 अंतर्गत स्थापन केलेली शोध अधिक निवड समिती उमेदवारांच्या पात्रता आणि अनुभवाला योग्य महत्त्व देऊन, वैयक्तिक मुलाखत आयोजित करण्यासाठी, या पदांसाठीच्या अर्जांच्या योग्यतेच्या संदर्भात अर्जांची छाननी करेल. उमेदवारांची पात्रता, अनुभव आणि वैयक्तिक मुलाखतीच्या आधारे  निवड समितीने निवडलेल्या उमेदवारांच्या एकंदर मूल्यमापनाच्या आधारे अंतिम निवड केली जाईल. 

25.09.2025 पासून jagograhakjago.gov.in/ncdrc या यूआरएलच्या माध्यमातून पात्र आणि इच्छुक उमेदवारांकडून अर्ज मागवले आहेत. हे अर्ज स्वीकारण्यासाठी 24.10.2025 ही अंतिम तारीख आहे. जिथे लागू असेल तिथे, ऑनलाइन सादर केलेल्या अर्जाची प्रत विहित दस्तऐवजांसह योग्य माध्यमाद्वारे अवर सचिव (सीपीयू), ग्राहक व्यवहार विभाग, कक्ष क्रमांक 466-A, कृषी भवन, नवी दिल्ली येथे 24 ऑक्टोबर 2025 पर्यंत सादर करता येऊ शकते.

* * *

नेहा कुलकर्णी/भक्‍ती सोनटक्‍के/दर्शना राणे

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai