প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী-মন্দলনা ঙসি সেন্ত্রেল সেক্তর স্কিম অমা (100% সেন্ত্রেল ফন্দিং) ওইনা ভাইব্রেন্ত ভিলেজ প্রোগ্রাম-II (VVP-II) অয়াবা পীখ্রে, মসিনা "সেফ, সেক্যুরিত অমসুং ভাইব্রেন্ত লেন্দ বোর্দরস"গীদমক বিক্সিত ভারত@2047গী মঙলান অদু হেন্না মপুং ফাহল্লগনি। প্রোগ্রাম অসিনা VVP-Iগী মখাদা হান্ননা কোনশিল্লবা অৱাংথংবা ঙমখৈ নত্তনা, ইন্তর্নেস্নেল লেন্দ বোর্দরশিং (ILBশিং) গা নক্ননা লৈবা ব্লোকশিংদা লৈবা খুঙ্গংশিংবু মপুং ফানা চাউখৎহনবদা মতেং পাংগনি।

লুপা করোর 6,839গী অপুনবা শেনফমগা লোয়ননা, প্রোগ্রাম অসি অরুনাচল প্রদেশ, অসাম, বিহার, গুজরাত, J&K (UT), লদাখ (UT), মনিপুর, মেঘালয়া, মিজোরাম, নাগালেন্দ, পঞ্জাব, রাজস্থান, সিক্কিম, ত্রিপুরা, উত্তরাখন্দ, উত্তর প্রদেশ অমসুং ৱেস্ত বেঙ্গলগী রাজ্য/UTশিংদা FY 2028-29 ফাওবা স্ত্রেতেজিক ওইবা খুঙ্গং খরাদা ইমপ্লিমেন্ত তৌগনি।

প্রোগ্রাম অসিগী পান্দমদি ইন্তর্নেল সেক্যুরিতীগীদমক মরুওইবা ওইরিবা, চাউখৎপা অমসুং শাফবা ঙমখৈশিং ওইহন্নবা, ঙমখৈ লান্না চত্থবা ক্রাইম লাকশিন্নবা অমসুং ঙমখৈগী মীশিংবু লৈবাক অসিদা এসিমিলেৎ তৌনবা অমসুং মখোয়বু "বোর্দর গার্দিং ফোর্সশিংগী মীৎ নাকোং" ওইহন্নবা, শাগৎপা হেন্না ফবা পুন্সি মহিং অমসুং হিংনবগী খুদোংচাবশিং মতিক চানা শেমগৎপা অসিনি।

প্রোগ্রাম অসিনা খুঙ্গং নত্ত্রগা খুঙ্গংশিংগী ক্লস্তর অমগী মনুংদা ইনফ্রাস্ত্রকচর শেমগৎনবা, ভেল্যু চেন শেমগৎনবা (কোওপরেতিবশিং, SHGশিং, অসিনচিংবশিংগী খুত্থাংদা), ঙমখৈগী অকক্নবা আউতরিচ এক্তিবিতী, SMART ক্লাসকুম্বা এজুকেসন ইনফ্রাস্ত্রকচর শেমগৎনবা, তুরিজম সর্কিৎশিং শেমগৎনবা অমসুং ঙমখৈগী মফমশিংদা তোঙান তোঙানবা অমসুং তুং কোইনা চৎকদবা হিংনবগী খুদোংচাবশিং শেমগৎনবা থবকশিং/প্রোজেক্তশিং শেমগৎনবা ফন্দ পীগনি।

ইন্তরভেন্সনশিং অসি ঙমখৈগী ওইবা, স্তেত অমসুং খুঙ্গংগী ওইবা, খুঙ্গংগী এক্সন প্লানশিংদা য়ুম্ফম ওইদুনা পুন্না থবক তৌমিন্নদুনা শেমগৎকনি।

খুঙ্গংশিং অসিদা ওল-ৱেদর রোদ কনেক্তিবিতী অসি MoRDগী মখাদা হান্ননা অয়াবা পীরবা PMGSY-IVগী মখাদা পায়খৎকনি। মন্ত্রীমন্দলগী সেক্রেতরীনা প্রসিদেন্ত ওইরিবা অৱাংবা থাক্কী কমিতী অমনা ঙমখৈগী মফমশিংদা স্কিমশিং অসি মপুং ফানা চৎনহন্নবা স্কিমগী গাইদলাইনশিংদা চুনবা মওংদা কোমথোক্নবা খন্নগনি।

প্রোগ্রাম অসিনা স্কিমগী চৎন-কাঙলোনগী মতুং ইন্না কনভর্জেন্সকী মখাদা মশক খঙদোক্লবা খুঙ্গংশিংদা লৈরিবা ইন্দিভিজুএল অমসুং হাউসহোল্দ লেবেল ৱেলফেয়র স্কিমশিংদা সেচুরেসন ফংহন্নবা পান্দম থম্লি। প্রোগ্রাম অসিনা থিমেতিক এরিয়া 4দা অসিগুম্বা ব্লোকশিংদা লৈবা খুঙ্গং খুদিংমক কান্নবা ফংহন্নবা পান্দম থম্লি। মখোয় অদুদি ওল-ৱেদর রোদ কনেক্তিবিতী, তেলিকোম কনেক্তিবিতী, তেলিভিজন কনেক্তিবিতী অমসুং ইলেক্ত্রিফিকেসন অসিনি।

থৌরম অসিনা খুঙ্গংশিং অসিদা মেলা অমসুং কুমহৈশিং, এৱেরনেস কেম্পশিং, নেস্নেল দেশিং পাংথোকপা, কেন্দ্র অমসুং রাজ্য/UT সরকারগী মিনিস্তরশিং, সেনিয়র গবর্নমেন্ত ওফিসিয়েলশিংনা চাং নাইনা চৎপা অমসুং খুঙ্গংশিং অসিদা নাইৎ স্তে তৌনবগী থৌরমশিং পাংথোক্তুনা খুঙ্গংশিং অসিদা চাউখৎপা হেনগৎহনবদা মরুওইবা পীরি। মসিনা তুরিজমগী ওইথোকপা য়াবশিং হেনগৎহল্লগনি অমসুং খুঙ্গংশিং অসিগী লোকেল কলচর অমসুং হেরিতেজবু থৌগৎহল্লগনি।

তেক্নোলোজী শীজিন্নগনি অমসুং প্রোজেক্ত অসি ইফেক্তিব ওইনা ইমপ্লিমেন্ত তৌনবগীদমক পি.এম. গতি শক্তিগুম্বা ইনফোর্মেসন দেতাবেজশিং শীজিন্নগনি।

VVP-Iগা লোয়ননা VVP-II অসি ঙমখৈদা লৈবা খুঙ্গংশিংবু মশা-মরোমদোম লেপচবা ঙম্বা অমসুং চাউখৎহন্নবা অহোংবা পুরক্নবা খোঙথাং অমনি।

***