Ka kynhun myntri jong ka sorkar pdeng ba la pynïaid da u Myntri Rangbah duh Narendra Modi, ka la mynjur mynta ka sngi ïa ka Vibrant Villages Programme -II (VVP-II) kum ka skhim jong ka tnad pdeng (100% ka jingbei tyngka na ka sorkar pdeng), kaba pynjanai shuh shuh ïa ka jingkular jong ka na ka bynta ka jingthmu jong ka Viksit Bharat@2047 na ka bynta ka ‘Safe, Secured & Vibrant land borders’. Ka Prokram kan iarap ban kyntiew ia ki shnong kiba don ha ki block kiba marjan bad ki pud ki sam jong kiwei ki ri (ILB), lait noh u pud u sam jong ka thain shatei lam mihngi ba la dep kynthup hapoh ka VVP-I.

Da ka jingpynlut baroh kaba T.6,839 klur, yn pyntreikam ïa kane ka prokram ha ki shnong ba la jied kyrpang ha ki Jylla/UT jong ka Arunachal Pradesh, Assam, Bihar, Gujarat, J&K (UT), Ladakh (UT), Manipur, Meghalaya, Mizoram, Nagaland, Punjab, Rajasthan, Sikkim, Tripura, Uttarakhand, Uttar Pradesh bad West Bengal haduh u snem mang tyngka 2028-29.

Ka jingthmu jong ka prokram ka long ban wanrah ïa ki rukom im ba kham bha bad ki lad kamai kiba biang ban pynthikna ïa ki thain khappud kiba seisoh bad ba shngain, ban tehlakam ïa ki kam beain kiba palat ia u pud u sam bad ban pynïasoh ïa ki nongshong shnong ha ki thain khappud bad ka ri bad ai bynta ia ki ‘kum ki nongpeit bad ki nongsngap jong ki bor pahara ia ki jaka khappud’, kiba kongsan bha na ka bynta ka jingshngain hapoh ri.

Ka prokram kan ai pisa na ka bynta ka jingkyntiew ia ki jingdon jingem hapoh ka shnong ne ka kynhun jong ki shnong, ka jingkyntiew ia ki kam (lyngba ki cooperative, ki SHG, bad kiwei kiwei), ka jingai jingtip ba kyrpang ha ki khappud, ki jingdon jingem ba iadei bad ka pule puthi kum ki SMART class, ka jingkyntiew ia ki jaka jngohkai pyrthei bad ki kam/projek ban wanrah ia ki lad kamai jakpoh bapher bapher bad kiba iaineh ha ki jaka khappud.

Ki jingiarap kin long katkum ki jaka khap pud, ki jylla bad ki shnong, katkum ki Plan Treikam jong ki Shnong ba la pynkhreh ha ka rukom iatreilang.

Ka jingpyniasoh lyngba ki surok ba lah ban pyndonkam ha kano kano ka por na ka bynta kine ki shnong yn sdang hapoh ka PMGSY-IV kaba la dep mynjur hapoh ka MoRD. Ka Komiti ba la pyniaid da u Cabinet Secretary kan pyrkhat ia ki jingpynlait kiba biang ha ki jingbthah ba la buh lypa na ka bynta ban pyntreikam hok ia ki skhim ha ki jaka khappud.

Ka prokram ka thmu ban pynpoi lut ki skhim na ka bynta ka bha ka miat sha ki briew bad ki longiing ha ki shnong ba la ithuh hapoh ka jingpyniasoh lang katkum ki kyndon jong ka skhim. Ka prokram ka thmu ruh ban ai bynta ia baroh ki shnong ha kum kine ki block ha ki 4 tylli ki bynta ba kongsan, kata ka jingpyniasoh lyngba ki surok ba lah ban pyndonkam ha kano kano ka por, ka jingpyniasoh telecom, ka jingpyniasoh telebishon bad ka jingpynpoi bording lyngba ka jingpyniasoh lang hapoh ki kyndon skhim ba la don lypa.

Ka prokram ka ban jur ban kyntiew ia ka jinglong jingman ha kine ki shnong da kaba pynlong ia ki prokram ba kynthup ia ki fair & ki tamasa, ki awareness camp, ka jingrakhe National days, ka jingleit jngoh man ka por da ki Myntri, ki ophisar na ka Sorkar Pdeng bad sorkar Jylla/UT & ki jingsah miet ha kum kine ki shnong. Kane kan kyntiew ia ka kam jngohkai pyrthei bad kyntiew ia ka kolshor bad ka hiar pateng jong kine ki shnong.

Yn pyndonkam ia ka teknoloji bad yn pyndonkam ia ki jaka lum jingtip kum ka PM Gati Shakti na ka bynta ban pyntreikam hok ia ka projek.

Ka VVP-II ryngkat bad ka VVP-I ka dei ka sienjam kaba wanrah jingkylla ban pynlong ia ki shnong khappud kiba lah ban kyrshan dalade bad kiba khlain.

***