প্রধান মন্ত্রী শ্রী নরেন্দ্র মোদীনা ঙসি নই দিল্লীগী সুন্দর নর্সররীদা সুফি ম্যুজিক ফেস্তিবেল, জহান-ই-খুসরো ২০২৫দা শরুক য়াখ্রে।

জহান-ই-খুসরোদা মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি হজ্রত অমির খুসরোগী শিংথানীংঙাই ওইরবা লিগেসী অদুবু পুক্নিং থৌগৎপা অসি মহৌশাগীনি। মহাক্না হায়খি মদুদি খুসরোনা য়াম্না পামজরম্বা য়ানীংথাগী মগুন অসি, পন্থা অদু খক্তদা নত্তে অদুবু ঙসি দিল্লীগী জহান-ই-খুসরোগী নুংশিৎতা অদুমক য়াওরি।

শ্রী মোদীনা জহান-ই-খুসরোগুম্বা থৌরমশিং অসিনা লৈবাক অসিগী কলা অমসুং কলচরগীদমক মরুওইরি হায়না ফোংদোকখি। মহাক্না হায়খি মদুদি থৌরম অসিনা হৌজিক চহি ২৫ মপুং ফারক্লিবসিদা মীয়ামগী থম্মোয়দা মশক থোকপা মফম অমা ফংখ্রে অমসুং মসি অচৌবা এচিবমেন্ত অমনি। প্রধান মন্ত্রীনা দা. করন সিংহ, মুজাফর আলী, মীরা আলী অমসুং অতোপ্পা কোলাবোরেতরশিংনা মখোয়গী কন্ত্রিব্যুসনশিংগীদমক থাগৎপা ফোংদোকচরি। মহাক্না রুমি ফাউন্দেসন অমসুং জহান-ই-খুসরোগা মরী লৈনবা পুম্নমকপু তুংলমচৎতা মায় পাকপা ওইরসনু হায়না য়াইফ-পাউজেল পীখি। থৌরম অদুদা প্রধান মন্ত্রীনা শরুক য়াখিবা পুম্নমক অমসুং লৈবাক অসিগী প্রজাশিংদা রমজানগী য়াইফ-পাউজেল পীখি। শ্রী মোদীনা হিস হায়নেস প্রিন্স করিম আগা খানগী থৌদাং অদু নীংশিংখি। সুন্দর নর্সররী অসি মগুন হেনগৎহন্নবা মহাক্না হোৎনখিবশিং অসি আর্তকী লমদা পামজবা মীওই লাখ কয়াগীদমক লাইবক ফবনি।

প্রধান মন্ত্রীনা গুজরাতকী সুফি চৎনবীদা সরকেজ রোজাগী মরুওইবা থৌদাং অদুগী মতাংদা পনখি। মহাক্না হায়খি মদুদি, মমাংদা, মফম অসিগী ফীভম অসি শোকচিলম্মি, অদুবু মুখ্য মন্ত্রী ওইনা, মহাক্না মসিবু অমুক হন্না শেমগৎপদা মীৎয়েং থমখি। প্রধান মন্ত্রীনা সর্কহেজ রোজানা মীয়ামনা চাউনা শরুক য়াখিবা কৃষ্ণ উৎসবকী চাউরবা থৌরম শিনখিবা মতম অদুসু নৌহৌনা নিংশিংখি। মহাক্না হায়খি মদুদি ঙসিসু, কৃষ্ণ ভক্তিগী মগুন অসি লৈরি। শ্রী মোদীনা হায়খি, "ঐহাক্না সর্কহেজ রোজাদা পাংথোকপা চহিগী ওইবা সুফি ম্যুজিক ফেস্তিবেলদা চাং নাইনা শরুক য়াখি।" সুফিগী ম্যুজিক অসি পুন্সিগী থাক খুদিংমক্কী মীওইশিংবু পুনশিন্নবা শরুক য়ামিন্নবা হেরিতেজ অমনি। শ্রী মোদীনা হায়খি মদুদি নাজরে কৃষ্ণগী পার্ফোমেন্স অসিনসু শেয়র কলচরেল লিগেসি অসিবু উৎলি।

প্রধান মন্ত্রীনা হায়খি মদুদি জহান-ই-খুসরো থৌরম অসি ভারতকী লমদমগী মহুৎ শিন্দুনা অখন্নবা মগুন অমা লৈ। মহাক্না হজ্রত অমির খুসরোনা ভারতপু করম্না স্বর্গদা চাংদম্নবা, লৈবাক অসিবু নাৎকী মওং-মতৌ খুদিংমক ফগৎলকপা সিভিলাইজেসনগী লৈকোল অমা ওইনা শন্দোক্না তাকপীখিবা অদু নীংশিংখি। ভারতকী লৈহাওদা তোপ তোপ্পা মগুন অমা লৈ, অমসুং সুফিগী চৎনবী অসি মফম অসিদা লাকপা মতমদা, মসিনা লমদম অসিগা মরী অমা ফংখি। শ্রী মোদীনা হায়খি মদুদি বাবা ফরিদকী স্পিরিচুএল তীচিংশিং, হজ্রত নিজামুদ্দিনগী মীফমশিংদগী পোক্লকপা নুংশিবা অমসুং হজ্রত অমির খুসরোগী শৈরেংশিংদগী শেম্লকপা অনৌবা রত্নশিং অসিনা ভারতকী কলচরেল লিগেসিগী মরুওইবা মচাকশিং পুন্সিল্লি।

প্রধান মন্ত্রীনা ভারত্তা সুফি চৎনবীগী তোপ তোপ্পা মশক অদু পনখি। মসিদা সুফিগী সেন্তশিংনা কুরানিক্কী তাকপী তম্বীরিবশিংবু বেদিক্কী ৱাখল্লোনশিং অমসুং ভোকেসনেল ম্যুজিককা পুনশিনখি। মহাক্না হজ্রত নিজামুদ্দিন ঔলিয়াবু মহাক্কী সুফিগী ঈশৈশিংগী খুত্থাংদা তোঙান তোঙানবা মফমশিংদা অমত্তা ওইবগী ৱাখল্লোন ফোঙদোকপগীদমক থাগৎপা ফোংদোকখি। 'জাহান-ই-খুসরো' অসি হৌজিক্তি অসিগুম্বা ইনাক খুনবা, ইনক্লুসিব ত্রেদিসন অসিগী মোদর্ন রিফ্লেক্সন অমা ওইরে।"

শ্রী মোদীনা হায়খি মদুদি লৈবাক অমা হেক্তগী সিভিলাইজেসন অমসুং কলচর অসি মশাগী ঈশৈ-নোংমাই অমসুং ঈশৈশিংদগী ইথিল ফংই। “সুফি অমসুং ক্লাসিকেল ম্যুজিক ত্রেদিসনশিং অসি পুনশিনখিবা মতমদা, মখোয়না নুংশিবা অমসুং ইকাই খুম্নবা উৎপগী অনৌবা মওংশিং পুথোকখি। মসি হজ্রত খুসরোগী ক্বাৱালি, বাবা ফরিদকী শৈরেংশিং, বুল্লা শাহ, মির, কবির, রহিম অমসুং রাস খানগী শৈরেংশিংদা উবা ফংখি। হায়রিবা সেন্তশিং অমসুং মিস্তিকশিংনা ভক্তিদা অনৌবা দাইমেন্সন অমা পীখি", হায়না মহাক্না মখা তাখি।

শ্রী মোদীনা হায়খি মদুদি কনাগুম্বা অমনা সুরদাস, রহিম, রাস খান, নৎত্রগা হজ্রত খুসরোবু পারবসু, হায়রিবা এক্সপ্রেসন পুম্নমক অসিনা মান্নবা স্পিরিচুএল লব অমদা পুরকই। মসিদা মীওইবগী অৱাবা অদুদগী থোরকই অমসুং মীওইবা অমসুং ঈশ্বরগী মরক্তা লৈনরিবা য়ুনিয়ন অদু ফাওই। “রাস খান অসি মুস্লিম ওইজরবসু, মহাক্কী শৈরেংশিংদা ফোংদোক্লিবা নুংশিবা অমসুং ইকায় খুম্নবাগী য়ুনিভর্সেল ওইবা মওং অদু উৎলিবা, শ্রী কৃষ্ণগী অখন্নবা ফোল্লোৱর অমনি। থৌরম অদুদা পাংথোকখিবা অচৌবা পর্ফোমেন্স অদুদা পুক্নিংগী ওইবা নুংশিবা অদু উৎখি," হায়না শ্রী মোদীনা ফোংদোকখি।

প্রধান মন্ত্রীনা ফোংদোকখি মদুদি সুফি চৎনবীনা মীওইবা খুন্নাইগী মরক্তা লৈরিবা স্পিরিচুএল দিস্তেন্সশিং অদু থিংবতা নত্তনা লৈবাকশিংগী মরক্তা লৈরিবা গেপশিং অদুসু হন্থহনখ্রে। মহাক্না ২০১৫দা আফগানিস্তানগী পার্লিয়ামেন্তদা চৎখিবা অদু নিংশিংখি, মফম অদুদা মহাক্না চহি চা ৮গী মমাংদা আফগানিস্তানগী বালখতা পোকখিবা রুমিগী মরমদা ঙাংখি। শ্রী মোদীনা রুমিগী ৱাখল্লোন অসিগা লোয়ননা জিওগ্রাফীগী ঙমখৈদগী হেন্দোকপা ৱাফমশিং পনখি: "ঐহাক নোংপোক নৎত্রগা নোংচুপকী নত্তে, ঐহাক সমুদ্রদগী নৎত্রগা কংফালদগী পোকপা নত্তে, ঐহাক মফম অমত্তা লৈতে, ঐহাক মফম খুদিংমক্তা লৈরি।" প্রধান মন্ত্রীনা মসিগী ফিলোসোফী অসি ভারতকী অরিবা থাজবা "বাসুধৈব কুতুম্বকম" (মালেম অসি ইমুং অমখক্তনি) গা শম্নহনখি। মহাক্না মালেমগী থৌরমশিংদা শরুক য়াবা মতমদা অসিগুম্বা ৱাখল্লোনশিং অসিদগী শক্তি লৌখি। শ্রী মোদীনা ইরানদা পাংথোকপা জোইন্ত প্রেস কনফরেন্স অমদা মির্জা গালিবকী ৱারোল অমা পল্লদুনা ভারতকী য়ুনিভর্সেল অমসুং ইনক্লুসিব ভেল্যুশিং উৎলিবা অদুসু নিংশিংখি।

শ্রী মোদীনা ‘তুতী-ই-হিন্দ’ হায়না মমিং লৈরবা হজ্রত অমির খুসরোগী মরমদা পনখি। মহাক্না ফোংদোকখি মদুদি খুসরোনা মহাক্কী লাইরিক নুহ-সিফরদা ভারতকী মতিক ময়াইবু থাগৎপা ফোংদোকখি। খুসরোনা ভারতপু মহাক্কী মতমগী অচৌবা লৈবাকশিংদগী হেন্না মগুন লৈ হায়না লৌরম্মি অমসুং সংস্কৃতপু মালেমগী খ্বাইদগী ফবা লোলনি হায়না লৌরম্মি হায়না প্রধান মন্ত্রীনা অকনবা ৱাফম থমখি। শ্রী মোদীনা হায়খি মদুদি খুসরোনা ভারতমচাশিংবু খ্বাইদগী চাউবা স্কোলরশিংদগী হেন্না চাউবা ওইনা ইকাই খুম্নখি। শ্রী মোদীনা হায়খি মদুদি খুসরোনা ভারতকী জিরো, মেথমেতিক্স, সাইন্স অমসুং ফিলোসোফীগী লৌশিং অদু মালেমগী অতৈ মফমশিংদা মতৌ করম্না শন্দোকখি, মরুওইনা ভারতকী মেথমেতিক্সনা করম্না আরবশিংদা য়ৌখি অমসুং "হিন্দসা" হায়না খঙনরকখিবগে হায়নসু চাউথোকচখি। প্রধান মন্ত্রীনা মখা তারদুনা হায়খি মদুদি লোইলম লৈঙাকনা মতম শাংনা লৈরবসু অমসুং মদুগী মতুংদা থোকখিবা মাং-তাক্নিংঙাই ওইবা থৌদোকশিং লৈরবসু, হজ্রত খুসরোগী অইবশিংনা ভারতকী অরিবা মতমবু ঙাক-শেন্দুনা থম্বদা অমসুং মাগী লিগেসীবু হিংহন্দুনা থম্বদা মরুওইবা থৌদাং অমা লৌখি।

প্রধান মন্ত্রীনা চহি ২৫দগী ভারতকী কলচরেল হেরিতেজপু মায় পাক্না প্রমোৎ তৌদুনা অমদি মপাঙ্গল কনখৎহন্দুনা লাক্লিবা জহান-ই-খুসরোগী হোৎনবদা নুংঙাইবা ফোংদোকখি। শ্রী মোদীনা হায়খি মদুদি চহি চাম্মাগী খুজিং অমগী ওইনা মসিগী থৌরাং অসি ঙাক্না চৎপা অসি অচৌবা থবক নত্তে। প্রধান মন্ত্রী শ্রী মোদীনা থৌরম অসিদা শরুক য়াবগী খুদোংচাবা ফংহনবগীদমক মহাক্কী থাগৎপা ফোংদোক্তুনা অমসুং থৌরম অসিদা শরুক য়াখিবা মীওই খুদিংমক্তা মহাক্কী থাগৎপা ফোংদোক্তুনা মহাক্কী ৱারোল লোইশিনখি।

বেকগ্রাউন্দ

প্রধান মন্ত্রীনা লৈবাক অসিগী তোঙান-তোঙানবা কলা অমসুং কলচরবু শৌগৎপদা অকনবা থৌদাং লৌরি। মসিগী মতুং ইন্না মহাক্না সুফিগী ঈশৈ, শৈরেং অমসুং জগোইদা কত্থোকপা ইন্তর্নেস্নেল ফেস্তিবেল জহান-ই-খুসরোদা শরুক য়াগনি। মসিনা অমির খুসরোগী লিগেসীবু ইকাই খুম্নবা উৎনবা মালেম শীনবা থুংনা লৈরিবা আর্তিস্তশিংবু পুনশিল্লি। রুমি ফাউন্দেসননা শীনবা, ২০০১দা শক্নাইরবা ফিল্মমেকর অমসুং আর্তিস্ত মুজাফর অলিনা হৌদোকখিবা ফেস্তিবেল অসিনা চহি অসিগী ফেব্রুৱারী ২৮দগী মার্চ ২ ফাওবা পাংথোক্কনি।

***