প্রধান মন্ত্রী শ্রী নরেন্দ্র মোদী ঙসি পেরিসতা ফ্রাঞ্চকী প্রসিদেন্ত ঐচ.ই. মিস্তর ইমান্যুএল মেক্রোনগা এ.আই. এক্সন সম্মিৎতা পুন্না থৌরম মপু ওইমিন্নখ্রে। ফেব্রুৱারী 8-9 দা নাৎকী থৌরম য়াওনা ফেব্রুৱারী 6-7 পাংথোক্কদবা ঙসিদগী হৌখিবা চয়োল অমা চত্থগদবা সম্মিৎ অসিদা মালেমগী অতৈ লুচিংবশিং, পোলিসী মেকরশিং অমসুং ইন্দস্ত্রীগী অখং-অহৈশিংনা থাক ৱাংবা মীশকশিংনা লৈতেং ওইখি

অৱাংবা থাক্কী সেগমেন্ত ফেব্রুৱারী 10 দা রাজ্য অমসুং কেন্দ্রগী মকোক থোংবশিং, অন্তর্রাস্ত্র ওর্গানাইজেসনশিংগী লুচিংবশিং, অচৌবা এ.আই. কম্পনীশিংগী সি.ই.ও. শিং অমসুং অখন্নবা মীওইশিং য়াওবা এলিসী প্রসিদেন্ত ইমান্যুএল মেক্রোন্না শিনবা চাক্লেন অমদা হৌদোকখি। 

ঙসি মপুং ওইবা সেসেন্দা প্রসিদেন্ত মেক্রোনা প্রধানমন্ত্রীদা সম্মিৎ অসিদা পুন্না থৌরম মপুগী মওংদা হৌদোক ৱারোল পীনবগীদমক্তা হঙ্গৎপীরকখি। প্রধান মন্ত্রীনা মহাক্কী হৌদোক ৱারোল অদুদা ফোংদোককি মদুদি মালেম অসি এ.আই.গী মতম অসি হৌদোকপগী মতাংদুদনি, মসিদা তেক্নোলোজী অসি খোংজেল য়াংনা মীওইবগীদমক্তা কোদ ইরি অমসুং ঐখোয়গী রাজনিতী, ইকোনোমি, সেক্যুরিতী অমসুং খুন্নাই অসিবু অনৌবা মওং অমা শেম্মী। ৱাফম অসিদা লুম্না লৌরদুনা এ.আই., মমি তাহনবগী মতাংদা মীওইবগী পুৱারীগী অতোপ্পা তেক্নোলোজীগী মায় পাকপশিংদগী য়াম্না তোঙাল্লি, মহাক্না ভেল্যুশিং অসি শেয়র তৌনদুনা লৈনবা, অরুবশিং লৈহন্দনবা অমসুং থাজবা লৈননবা লৈঙাক অমসুং স্তেন্দর্দশিং অসি থম্নবগীদমক্তা মালেম পুন্না হোৎনমিন্নবগী মথৌ তাই।  মহাক্না মখা তানা হায়খি মদুদি লৈঙাক হায়বসি খুদোংথিবশিং লৈহন্দনবখক্কী নত্তে, মসিদি ইনোভেসনবু ফগৎহনবা অমসুং মালেমগী য়াইফনবগীদমক্তা মসিবু শিজিন্নবসুনি। মসিগী মতাংদা মহাক্না মীয়াম পুম্নমক্কীদমক্তা মরুওইনা গ্লোবেল সাউথকীদমক্তা এ.আই. ফাওবা য়ৌহন্নবা তৌনবদা লুনা হায়খি। মহাক্না লেপ্পা লৈতনা চাউখৎপগী পান্দমশিং ফংননবা অসি ওইথোকহন্নবা তেক্নোলোজী অমসুং মসিগী পীপল-সেন্ত্রিক ওইবা এপ্লিকেসনশিং মীয়ামদা ওইনা ফংহন্নবা হায়খি। ইন্তর্নেস্নেল সোলর এলায়েন্সকুম্বা থৌরাংশিংগী থোংদগী ই্দিয়া-ফ্রাঞ্চকী লোইনাইদ্রবা চাওখৎপা অসি শেয়র তৌনবগী মায় পাকপা অদু শিংথারদুনা পি.এম. না হায়খি মদুদি লৈবাক অনিমক স্মার্ত অমসুং রেসপোন্সিবল ওইবা তুংলমচৎ শেম্নবা পান্দমদা অনৌবা শেয়র তৌননবগীদমক্তা খুৎশম্নবা হায়বসি মশানা তাবনি।

প্রধান মন্ত্রীনা মরৈচা বিলিয়ন 1.4 গীদমক্তা অপনবা য়াওদবা অমসুং ফংবা য়াবা তেক্নোলোজীদা য়ুম্ফম ওইরগা দিজিতেল পব্লিক ইনফ্রাস্ত্রকচর শেম্বদা মায় পাকপদা হাইলাইত তৌখি। ভারতকী এ. আই. মিশনগী মতাংদা প্রধান মন্ত্রীনা হায়খি মদুদি ভারতকী খেৎনবা ময়াম অসি য়েংলগা এ.আই. গীদমক্তা মশাগী ওইবা লার্জ লেঙ্গ্বেজ মোদেল শেম্লি। মহাক্না পল্লদুনা হায়খি মদুদি এ.আই. অসি মীয়াম পুম্নমক্তা য়ৌহন্নবা ভারতনা ভেল্যু শেয়র তৌননবগীদমক্তা থৌরাংদুনা মথংগী এ.আই. সম্মিৎ অসি শিনগনি হায়না প্রধান মন্ত্রীনা লাওথোকখি। প্রধান মন্ত্রীগী মসিগী লাওথোকপা অসি মপুং ওইনা মসিগী লিঙ্ক অসিদা য়েংবা য়াগনি प्[उद्घाटन संबोधन; समापन संबोधन]

সম্মিৎ অসিগী লোইশিল্লকপদা লুচিংপুরেলশিংনগী ঙাংখিবশিংুদা ইঙ্গিল তৌবগা লোয়ননা লোইশিনখি। সম্মিৎ অসিদা মরুওইবা হীরমশিংদা ৱা খন্নখি, মসিদা পুনশিন্ননবগীদমক্তা এ.আই. ইনফ্রাস্ত্রকচরফাওবা য়ৌনবা থৌদাং লৈবগা লোয়ননা এ.আই. শিজিন্ননবা, মীয়ামগী য়াইফনবগীদমক্তা এ.আই. দা মখল-মখলগী ওইহন্নবা অমসুং মফমসিগী ওইহন্নবগীদমক্তা এ. আই অসি শোই-ঙামদনা অমসুং থাজনিংঙাই ওইবা লৈঙাক লৈহন্নবনচিংবা য়াওরি।

***