aویوز بازار ۔ بھارت پویلین کا باضابطہ افتتاح 20 ستمبر 2025 کو ایشین کانٹینٹس اینڈ فلم مارکیٹ (اے سی ایف ایم) 2025 میں کیا گیا، جو بوسان انٹرنیشنل فلم فیسٹیول (بی آئی ایف ایف) کے ساتھ بوسان، جمہوریہ کوریا میں منعقد ہوا۔

یہ پویلین، جو وزارت اطلاعات ونشریات، حکومتِ ہند اور بھارت کے سفارت خانے، سئول کی جانب سے ویوز بازار آؤٹریچ پروگرام کے حصہ کے طور پر قائم کیا گیا ہے، بھارت کے متحرک میڈیا اور تفریحی شعبے کی نمائش، مشترکہ پروڈکشنز کو فروغ دینے، اور فلم، ٹیلی ویژن، گیمنگ اور ابھرتی ہوئی تخلیقی ٹیکنالوجیز میں بین الاقوامی تعاون قائم کرنے کے لیے مخصوص جگہ ہے۔ پویلین چار دن تک، 23 ستمبر 2025 تک کھلا رہے گا، جس سے مسلسل تعاملات اور مواقع کی نمائش ممکن ہوگی۔

افتتاحی تقریب میں اہم بین الاقوامی معززین اور صنعت کے رہنماؤں کی موجودگی دیکھی گئی، جن میں جناب کانگ سنگکیو ، ڈائریکٹر، بوسان فلم کمیشن، محترمہ اگنیزکا موڈی، سربراہ بین الاقوامی اور صنعتی پالیسی، برٹش فلم انسٹی ٹیوٹ (بی ایف آئی)، اور جناب فرڈیننڈو گویلی، ٹریڈ کمشنر، سئول، اٹلی ٹریڈ ایجنسی شامل تھے۔

مشہور بھارتی فلم ساز جناب عارفی لامبا، جناب پردیپ کورباہ، محترمہ تنیشتھا چٹرجی اور دیگر نے بھی اس تقریب میں شرکت کی، جو معاصر بھارتی سینما کی تخلیقی توانائی کی نمائندگی کرتے ہیں۔ حکومتِ ہند کی جانب سے تقریب میں جناب پرتھل کمار، جوائنٹ سیکرٹری، وزارتِ اطلاعات و نشریات، کے ساتھ جناب نیشی کانت سنگھ، چارجے ڈی افیئرز، سفارت خانہ بھارت، سئول، اور دیگر اعلیٰ افسران بھی شریک ہوئے، جو بھارت کو عالمی مواد کے مرکز کے طور پر پیش کرنے میں حکومت کے عزم کو اجاگر کرتا ہے۔

موقع پر خطاب کرتے ہوئے، معززین نے عالمی مواد کی معیشت میں بھارت کی بڑھتی ہوئی اہمیت اور بھارتی تخلیق کاروں اور بین الاقوامی مارکیٹوں کے درمیان ایک متحرک پل قائم کرنے میں ویوز بازار کے کردار پر زور دیا۔

یہ پویلین درج ذیل امور کے لیے ایک پلیٹ فارم کے طور پر کام کرے گا:

● بھارتی فلمیں، کہانیاں، اور ڈیجیٹل مواد عالمی خریداروں کے سامنے پیش کرنا۔

● بھارتی اور بین الاقوامی پروڈیوسرز، ڈسٹری بیوٹرز، اور مواد کے پلیٹ فارمز کے درمیان بی ٹو بی میٹنگز کو ممکن بنانا۔

● اینیمیشن، وی ایف ایکس، گیمنگ، اور ایمیرسیو اسٹوری ٹیلنگ جیسے نئے دور کے شعبوں میں شراکت داری کے مواقع تلاش کرنا۔

افتتاح بھارت کی عالمی فلم مارکیٹوں میں فعال شرکت میں ایک اور سنگِ میل کی نمائندگی کرتا ہے، جو بھارت کی تخلیقی معیشت اور میڈیا و تفریحی شعبے میں بین الاقوامی تعاون کو مزید مضبوط بناتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –اس ک۔ع ر)

U. No.6388