নমস্কার!

ঐহাক্কী মন্ত্রীমন্দলগী মরূপশিং, শেল-থুম অমসুং শেন্মিৎলোনগী এক্সপর্তশিং, স্তেকহোল্দরশিং, ঈচিল ইনাওশিং!

মেন্যুফেকচরিং অমসুং এক্সপোর্তকী মতাংদা পাংথোকপা বজেৎ ৱেবিনার অসি হীরম খুদিংমক্তা য়াম্না মরু ওই। অদোম্নসু খংলে, মসিগী বজেৎ অসি ঐখোয়গী সরকারগী অহুমশুবা তর্মগী অহানবা মপুং ফাবা বজেৎনি। মসিগী বজেৎ অসিগী খ্বাইদগী অখন্নবা ৱাফমদি মাংজৌননা পান্দম থমখিবা অদুদগী হেন্না ফংবসিনি। সরকারনা এক্সপর্তশিংনা খল্লম্বদগী হেন্না চাউবা খোংথাং লৌখৎখিবা সেক্তর কয়া অমা লৈরি অমসুং মসি অদোম্না বজেত্তা উবা ফংলে। বজেৎ অসিদা মেন্যুফেকচরিং অমসুং এক্সপোর্তকী মতাংদা মরু ওইবা ৱারেপশিং লৌখ্রে।

মরুপশিং,

ঙসিদি লৈবাক অসিনা চহী তরাদগী হেন্না লৈঙাক্কী পোলিসীশিংদা লেপ্পা লৈতবগী মওং অমা উবা ফংলি। হৌখিবা চহি ১০ অসিদা, ভারতনা রিফোর্মশিং, ফাইনান্সিএল দিসিপ্লিন, ত্রান্সপরেন্সী অমসুং ইনক্লুসিব গ্রোথকী মায়কৈদা মহাক্কী কম্মিতমেন্ত লেপ্পা লৈতনা উৎখ্রে। লেপ্পা লৈতবা রিফোর্মশিং লৈহন্নবগী থাজবা অসি ঐখোয়গী ইন্দস্ত্রীদা অনৌবা থাজবা অমা পুরকখিবা অহোংবা অমনি। লাক্কদৌরিবা চহিশিংদা অসিগুম্বা মওং অসি অদুমক লৈহৌরগনি হায়না ঐনা মেনুফেকচরিং অমসুং এক্সপোর্তকী স্তেকহোল্দর খুদিংমক্তা থাজবা পীজরি। ঐহাক্না অদোমবু ঐহাক্কী থাজবা পুম্নমক্কা লোইননা হায়জরি, মপুং ফাবা থাজবগা লোয়ননা মাংলোমদা চংশিনবিয়ু অমসুং অচৌবা খোংথাংশিং লৌবিয়ু। ঐখোয়না লৈবাক অসিগীদমক মেনুফেকচরিং অমসুং এক্সপোর্তকী অনৌবা লম্বীশিং হাংদোক্কদবনি। ঙসি মালেমগী লৈবাক খুদিংমক্না ভারতকা লোয়ননা মখোয়গী শেন্মিৎলোনগী মরী মপাঙ্গল কনখৎহনবা পাম্মি। ঐখোয়গী মেন্যুফেকচরিং সেক্তরশিংনা মসিগী পার্তনরশিপ অসিদগী খ্বাইদগী হেন্না কান্নবা লৌনবা মাংলোমদা চংশিনগদবনি।

মরুপশিং,

লৈবাক অমা হেক্তগী চাউখৎ-থৌরাংগীদমক্তা স্তেবল ওইবা পোলিসী অমসুং হেন্না ফবা বিজিনেস এনভাইরনমেন্ত অসি য়াম্না মরু ওই। মরম অসিনা চহি খরগী মমাংদা ঐখোয়না জন বিশ্বাস এক্ত হৌদোকখি। ঐখোয়না কমপ্লাইন্স হন্থহন্নবা হোৎনখি। কেন্দ্র অমসুং রাজ্যগী থাক্তা কমপ্লাইন্স লিশিং ৪০ হেন্না মুত্থৎখি। মসিনা ইজ ওফ দুইং বিজিনেসবু মপাঙ্গল কনখৎহনখি। অমসুং ঐখোয়গী সরকারনা মসিগী এক্সরসাইজ অসি লেপ্পা লৈতনা চৎথগদবনি হায়না থাজৈ। মরম অদুনা, ঐখোয়না ইচম চম্বা ইনকম তেক্স সিস্তেম অমা পুরক্লে। ঐখোয়না জন বিশ্বাস ২.০ বিলদা থবক তৌরি। নন-ফাইনান্সিএল সেক্তরগী রেগুলেসনশিং রিভিয়ু তৌনবা কমিতী অমা শেম্নবা ৱারেপ লৌখ্রে। ঐখোয়না হোৎনরিবা অসি মখোয়বু মোদর্ন, ফ্লেক্সিবল, মীওইবদা নুংঙাইবা অমসুং থাজবদা য়ুম্ফম ওইবা ওইহন্নবা হোৎনবনি। মসিগী থৌওং অসিদা ইন্দস্ত্রীগী য়াম্না মরু ওইবা থৌদাং লৈ। অদোমগী এক্সপিরিয়েন্সনা, অদোম্না মতম য়াম্না চঙবা প্রোব্লেমশিং খঙদোকপা ঙমগনি। প্রোসেসশিং অসিবু হেন্না লায়থোকহন্নবগীদমক্তা নহাক্না সজেসনশিং পীবা য়াই। ঐখোয়না তেক্নোলোজীবু য়াম্না থুনা অমসুং হেন্না ফবা মহৈশিং ফংনবগীদমক্তা কদাইদা শিজিন্নবা য়াবগে হায়বগী লমজিং-লমতাক পীবা য়াই।

মরুপশিং,

ঙসিদি, মালেম অসি রাজনিতীগী ওইবা অচুম-অরান লৈতবা মতম অমা থেংনরি। মালেম পুম্নমক্না ভারতপু চাউখৎপগী মফম অমা ওইনা উরি। কোবিদকী অৱাবা মনুংদা, মালেমগী শেন্মিৎলোন তপথরকপা মতমদা, ভারতনা মালেমগী গ্রোথ তপ্না হেঙ্গৎহনখি। মসি ইরাই লাইনা থোকখিবা নত্তে। ঐখোয়না আত্মনির্ভর ভারতকী মঙলান অদু ঙাক্না চৎলি অমসুং ঐখোয়গী রিফোর্মশিংগী খোঙজেল য়াঙখৎলি। ঐখোয়গী হোৎনবনা ইকোনোমীদা কোবিদকী শাফু হন্থহনখি, মসিনা ভারতপু খোঙজেল য়াংনা চাউখৎলক্লিবা ইকোনোমী অমা ওইহনবদা মতেং পাংখি। ঙসিসু ভারত অসি মালেমগী শেন্মিৎলোনগী গ্রোথ ইঞ্জিন অমা ওইরি। হায়বদি, ভারতনা খ্বাইদগী অরুবা ফিভমশিংদা মসিগী রেসিলিয়েন্স অদু উৎখ্রে।

হৌখিবা চহি খরা অসিদা, সপ্লাই চেন অসি শোকহল্লকপা মতমদা, মসিনা মালেম পুম্বগী শেন্মিৎলোনদা অকায়বা পী হায়না ঐখোয়না উবা ফংখি। ঙসিদি, মালেম অসিদা অসিগুম্বা অখন্নবা মগুন লৈবা পোত্থোক পুথোকপা অমসুং সপ্লাই তৌবদা থাজবা য়াবা শক্নাইরবা পার্তনর অমা মথৌ তাই। ঐখোয়গী লৈবাক অসিনা মসি পাংথোকপা ঙম্মী। অদোম পুম্নমক অসি তৌবা ঙম্বনি। মসি ঐখোয়গী অচৌবা খুদোংচাবা অমনি, অচৌবা খুদোংচাবা অমনি। ঐনা ঐখোয়গী ইন্দস্ত্রীনা মালেমগী অসিগুম্লবা আশাশিং অসি য়েংবদা মীৎয়েং চংবীবা অমা ওইনা উরোই হায়না ঐনা পাম্মি, ঐখোয়না মীৎয়েং চংবীবা অমা ওইনা লেপহল্লোইদবনি। মসিদা অদোমগী থৌদাং অদু অদোম্না পাঙথোক্কদবনি, অদোম্না মাংলোমদা চংশিনগদবনি অমসুং অদোমগীদমক খুদোংচাবশিং শেমগদবনি। মসি ঙসিদি মমাংগী মতমদগী হেন্না লায়রে। ঙসিদি লৈবাক অসিদা অসিগুম্বা খুদোংচাবশিং অসিগীদমক্তা মরী লৈনবা পোলিসীশিং লৈরে। ঙসিদি সরকার অসিনা ইন্দস্ত্রীগা খুৎশম্নদুনা লৈরি। মালেমগী সপ্লাই চেনদা খুদোংচাবা কয়া অমা ফংনবা হোৎনবদা অচেৎপা ৱারেপ লৌবা, ওবজেক্তিবিতী লৈহনবা অমসুং শিংনবশিং অসি লৌবা, মওং অসিদা, করিগুম্বা ইন্দস্ত্রী খুদিংমক্না খোংথাং খুদিংদা খোংজেল য়াংনা চংশিল্লবদি, ঐখোয়না মাইল কয়া অমা মাংলোমদা চংশিনবা ঙমগনি।

মরুপশিং,

ঙসিদি সেক্তর ১৪না ঐখোয়গী পি.এল.আই. স্কিমগী কান্নবা ফংলি। স্কিম অসিগী মখাদা য়ুনিৎ ৭৫০ হেন্না অয়াবা পীখ্রে। মসিনা লুপা করোর লাখ অমা অমসুং মখায়দগী হেনবগী ইনভেস্তমেন্ত, লুপা করোর লাখ ১৩ হেন্না পুথোকপা অমসুং লুপা করোর লাখ ৫ হেনবগী এক্সপোর্ত তৌবদা মতেং পাংলি। মসিনা উৎলি মদুদি ঐখোয়গী ইন্ত্রপ্রিনরশিংনা খুদোংচাবা ফংলবদি, মখোয়না অনৌবা লম খুদিংদা মাংলোমদা চংশিনবা ঙম্মি। ঐখোয়না মেন্যুফেকচরিং অমসুং এক্সপোর্ত প্রমোৎ তৌনবা মিসন অনি হৌদোক্নবা ৱারেপ লৌরে। ঐখোয়না হেন্না ফবা তেক্নোলোজী অমসুং মগুন লৈবা পোত্থোকশিংদা মীৎয়েং থম্লি। অমসুং ঐখোয়না শেনফম হন্থহন্নবা স্কিলিংদা মরুওইবা পীরি। মফম অসিদা লৈরিবা স্তেকহোল্দর পুম্নমকপু মালেমগী দিমান্দ লৈবা অমসুং ঐখোয়না পুথোকপা ঙম্বা অনৌবা পোৎথোকশিং মশক তাকপীবা ঐহাক্না পাম্মি। অদু ওইরবদি ঐখোয়না স্ত্রাতেজিগা লোয়ননা এক্সপোর্ত তৌবা য়াবা লৈবাকশিং অদুদা চৎকদবনি।

মরুপশিং,

ভারতকী মেন্যুফেকচরিংগী খোঙচৎতা আর এন্দ দিগী মরুওইবা থৌদাং লৈ। মসি মাংলোমদা চংশিনবা অমসুং খোংজেল য়াংশিনবা মথৌ তাই। আর& দিগী খুত্থাংদা ঐখোয়না ইনোবেতিব প্রদক্তশিংদা মীৎয়েং চংবা ঙমগনি অমসুং প্রদক্তশিংদা অহেনবা ভেল্যুসু হাপচিনবা ঙমগনি। মালেম অসিনা ঐখোয়গী শান্নপোৎ, ফুতু-চাদ অমসুং লেদর ইন্দস্ত্রীগী পোতেন্সিএল অদু খঙই। ঐখোয়না ঐখোয়গী ত্রেদিস্নেল ক্রাফ্তকা লোয়ননা মোদর্ন তেক্নোলোজীশিং পুন্সিন্নদুনা চাউনা মাই পাকপা ঙমগনি। ঐখোয়না সেক্তরশিং অসিদা গ্লোবেল চেম্পিয়ন অমা ওইবা ঙম্মি অমসুং ঐখোয়গী এক্সপোর্ত অসি মেনফোল্দ হেনগৎহনবা ঙম্মি। মসিনা লেবর-ইন্তেন্সিভ ওইবা সেক্তরশিং অসিদা থবক ফংহন্নবা লাখ কয়াগী খুদোংচাবা লৈহল্লগনি অমসুং এন্ত্রিপ্রেন্যুওরশিপসু হেনগৎহল্লগনি। ত্রেদিস্নেল আর্তিসানশিংনা পি.এম. বিশ্বকর্মা য়োজনাগী খুত্থাংদা মপুং ফানা মতেং পাংলি। অসিগুম্বা আর্তিসানশিং অসি অনৌবা খুদোংচাবশিংগা শম্নহন্নবা ঐখোয়না হোৎনগদবনি। সেক্তরশিং অসিদা লাপ্না লৈবা ওইথোকপা য়াবা কয়া অমা লৈরি, মখোয়শিং অসি পাকথোক চাউথোকহন্নবা পুম্নমক্না মাংলোমদা চংশিনগদবনি।

মরুপশিং,

ভারতকী মেনুফেকচরিংগী, ঐখোয়গী ইন্দস্ত্রীএল গ্রোথকী স্পিনবোন্দ অসি ঐখোয়গী এম.এস.এম.ই. সেক্তরনি। ২০২০দা ঐখোয়না এম.এস.এম.ই.গী ৱাহন্থোক হোংদোক্নবা অচৌবা ৱারেপ লৌখি। মসি চহি 14গী মতুংদা তৌখি। ঐখোয়গী ৱারেপ অসিনা এম.এস.এম.ই.শিংনা মাংলোমদা চংশিল্লবদি সরকারদগী ফংলিবা কান্নবশিং অদু লেপ্লক্কনি হায়না খঞ্জরম্বা অদু লোইশিনখ্রে। ঙসিদি, লৈবাক অসিদা এম.এস.এম.ই.শিংগী মশিং অসি করোর ৬ হেনখ্রে। মসিনা মীওই করোর কয়াদা থবক ফংহন্নবা খুদোংচাবা পীরি। ঐখোয়গী এম.এস.এম.ই.শিংনা মাংলোমদা চংশিনবগী থাজবা ফংহন্নবা, ঐখোয়না মসিগী বজেৎ অসিদা এম.এস.এম.ই.শিংগী ৱাহন্থোকপু অমুক হন্না পাকথোক চাউথোকহল্লে। মসিনা নহারোলশিংদা থবক ফংহন্নবগী খুদোংচাবশিং হেন্না ফংহল্লগনি। ঐখোয়গী এম.এস.এম.ই.শিংনা থেংনরিবা খ্বাইদগী চাউবা খুদোংচাদবা অসি মখোয়না লায়না লোন ফংবা ঙমদবনি। চহি ১০গী মমাংদা, এম.এস.এম.ই.শিংনা লুপা করোর লাখ ১২গী শেনফম ফংখি। মসি শরুক অনি অমসুং অহুম হেনগৎতুনা লুপা করোর লাখ ৩০ ওইখ্রে। হায়রিবা বজেৎ অসিদা, এম.এস.এম.ই.গী লোনগীদমক গেরেন্তী কভর অসি লুপা করোর ২০দা শরুক অনি হেনগৎহনখ্রে। ৱার্কিং কেপিতেলগী মথৌ তাবশিংগীদমক, লুপা লাখ ৫গী লিমিৎ অমগা লোয়ননা কস্তমাইজ তৌরবা ক্রেদিৎ কার্দশিং পীগনি।

মরুপশিং,

ঐখোয়না লোন লৌনবগী খুদোংচাবা পীখি অমসুং অনৌবা মখলগী লোন পীনবগী পথাপ অমা শেমখি। মীয়াম্না গরেন্তী য়াওদনা লোন লৌবা হৌরকখি, মসি মখোয়না অমুক্তা খনখিদ্রি। হৌখিবা চহি ১০দা, অপীকপা ইন্দস্ত্রীশিং অসি মুদ্রাগুম্বা স্কিমশিংনা মতেং পাংলি। স্কিমশিং অসিনা গরেন্তী য়াওদনা লোন পী। লোনগা মরী লৈনবা সমস্যা কয়াসু ত্রেদস পোর্তেলগী খুত্থাংদা লোইশিন্নরি।

মরুপশিং,

হৌজিক ঐখোয়না ক্রেদিৎ পীনবগী অনৌবা পাম্বৈ পুথোকপা তাই। এম.এস.এম.ই. খুদিংমক্না মমল হোংবা অমসুং মতম চানা ক্রেদিৎ ফংহনবদা ঐখোয়না হোৎনগদবনি। নুপী, এস.সি. অমসুং এস.তি. কম্ম্যুনিতীদগী অহানবা ওইনা ইন্তরপ্রিনর লাখ ৫দা লুপা করোর ২গী লোন পীরগনি। অহানবা ওইনা ওন্ত্রপ্রিন্যুর ওইরিবা মীওইশিংদা ক্রেদিৎ সপোর্তকী মথৌ তাবতা নত্তনা মখোয়দা লমজিং-লমতাকপসু মথৌ তাই। অসিগুম্বা মীওইশিংবু মতেং পাংনবা ইন্দস্ত্রীনা মেন্তরশিপ প্রোগ্রাম অমা শেমগদবনি হায়না ঐনা খল্লি।

মরুপশিং,

ইনভেস্তমেন্ত হেনগৎহনবদা রাজ্যশিংগী থৌদাং য়াম্না মরু ওই। ৱেবিনার অসিদা রাজ্য সরকারগী ওফিসিএলশিংসু শরুক য়াগনি। রাজ্যশিংনা ইজ ওফ দুইং বিজিনেসবু হেন্না শৌগৎলক্লিবমখৈ, ইনভেস্তর মশিং হেনগৎলক্লিবমখৈ মখোয়দা লাক্কনি। মসিগীদমক্তা অদোমগী রাজ্যনা খ্বাইদগী কান্নবা ফংগনি। রাজ্যশিংগী মরক্তা মসিগী বজেৎ অসিদগী খ্বাইদগী হেন্না কান্নবা ফংবা ঙম্নবগীদমক্তা অথোই অহেন তান্নগদবনি। কম্পেনীশিংনা প্রোগ্রেসিভ পোলিসীশিংগা লোয়ননা লাকপা রাজ্যশিংদা ইনবেস্ত তৌরগনি।

মরুপশিং,

ঐহাক্না থাজৈ মদুদি অদোম পুম্নমক্না হায়রিবা হীরমশিং অসি কুপ্না খন্নগনি। ৱেবিনার অসিদগী ঐখোয়না থবক ওইনা পাংথোকপা য়াবা সোলুসনশিং অদুগী মতাংদা ৱারেপ লৌগদবনি। পোলিসীশিং, স্কিমশিং অমসুং গাইদলাইনশিং শেমগৎপদা অদোমগী মতেং পাংবা অসি য়াম্না মরু ওই। মসিনা বজেৎকী মতুংদা ইমপ্লিমেন্তেসন স্ত্রাতেজীশিং শেমগৎপদা মতেং পাংগনি। ঐহাক্না থাজৈ মদুদি অদোমগী মতেংনা কান্নগনি অদুক্কী মতীক পীগনি। ঙসি নুমিৎ চুপ্পগী ওইবা খন্ন-নৈনবশিং অসিদগী ফংগদবা মহৈ অসিনা ঐখোয়গী মঙলানশিং অসি মপুং ফাহনবা ঙম্বগী মতিক অদু ঐখোয়দা পীরগনি। অসিগুম্লবা অপাম্বা অসিগা লোইননা, ঐহাক্না অদোমবু য়াম্না থাগৎপা ফোংদোকচরি।

খঙহঞ্জবা: মসি প্রধান মন্ত্রীনা পীখিবা ৱারোলদগী চাউরাকপা হন্দোকপনি। অশেংবা ৱারোলদি হিন্দীদা পীখি।

***