نیشنل میڈیکل کمیشن کے چیئرمین ڈاکٹر ابھیجات شیٹھ نے اٹل بہاری واجپئی انسٹی ٹیوٹ آف میڈیکل سائنسز (اے بی وی آئی ایم ایس) اور ڈاکٹر رام منوہر لوہیا ہسپتال کے 11ویں جلسہ تقسیم اسناد کی صدارت کی۔ صحتی خدمات کی ڈائرکٹر جنرل (ڈی جی ایچ ایس)ڈاکٹر سنیتا شرما  اور صحت و خاندانی بہبود کی وزارت کے ایڈشنل سکریٹری ڈاکٹر ونود کوٹوال بھی اس موقع پر موجود تھے۔

اس موقع پر خطاب کرتے ہوئے ڈاکٹر شیٹھ نے فارغ التحصیل طلباء کے ساتھ ساتھ ان کے والدین اور فیکلٹی ممبران کو صحت کی دیکھ بھال میں خدمات کی طرف طلباء کی رہنمائی اور حوصلہ افزائی کرنے پر مبارکباد دی۔ انہوں نے عالمی ادارہ صحت کی ملک بھر میں 1:1000 کے یکساں ڈاکٹر-مریض تناسب کو برقرار رکھنے کی سفارش کو پورا کرنے کے لیے ملک میں ڈاکٹروں کی تعداد بڑھانے کے لیے حکومت کے عزم پر زور دیا۔ ڈاکٹر شیٹھ نے 1:1 کے متوازن انڈرگریجویٹ (یوجی) سے پوسٹ گریجویٹ (پی جی) کے تناسب کو حاصل کرنے کے لیے جاری کوششوں کا بھی اشتراک کیا، جس کا مقصد ہندوستان کے حفظانِ صحت کے نظام کے معیار کو ترقی یافتہ ممالک کے معیارات تک پہنچانا ہے۔

ڈاکٹر شیٹھ نے میڈیکل سائنسز میں نیشنل بورڈ آف ایگزامینیشنز اور نیشنل میڈیکل کمیشن (این ایم سی) کی جانب سے متعارف کرائے جانے والے اختراعی اقدامات پر بھی روشنی ڈالی، جیسے کہ مہارت پر مبنی اور ورچوئل لرننگ کو روایتی جسمانی تعلیم کے ساتھ مربوط کرنا، اہلیت پر مبنی طبی تعلیم کی ضروریات کو پورا کرنے کے لیے۔ انہوں نے طلباء کی ترغیب دی کہ وہ اپنی صحت اور تندرستی کو ترجیح دیں، چنوتیوں کا مقابلہ کریں اور تاحیات سیکھنے والے بنے رہیں۔

ڈاکٹر ونود کوتوال نے اس بات پر زور دیا کہ آج کا موقع طلباء کی برسوں کی محنت کے اختتام کی نمائندگی کرتا ہے اور کہا، "یہ قوم کی صحت اور بہبود کے لیے آپ کی زندگی بھر کی وابستگی کا آغاز ہے۔" انہوں نے اے بی وی آئی ایم ایس کو اس کی حالیہ این اے بی ایچ ایکریڈیٹیشن کے لیے بھی مبارکباد پیش کی، جو کہ "معیار، حفاظت، اور مریض پر مرکوز دیکھ بھال کے لیے ادارے کی ثابت قدمی کے اعتراف کے طور پر کھڑا ہے"۔ ڈاکٹر کوتوال نے طلباء پر زور دیا کہ وہ اپنے رہنما اصولوں کے طور پر دیانتداری، ہمدردی اور احترام کے ساتھ علم، دریافت اور خدمت کو جاری رکھیں۔ انہوں نے کہا کہ "دوا صرف بیماری کے علاج کے بارے میں نہیں ہے؛ یہ ان مریضوں کی دیکھ بھال کے بارے میں ہے جو تکلیف میں ہیں۔"

ڈاکٹر سنیتا شرما نے فارغ التحصیل طلباء سے اپنے خطاب میں کہا، "آج آپ محض ڈگری حاصل نہیں کر رہے ہیں؛ آپ ایک گہری ذمہ داری نبھا رہے ہیں - شفا، رہنمائی، اور قوم کی خدمت کے لیے جو بھی آپ منتخب کرتے ہیں۔" چاہے طبی نگہداشت، طبی تحقیق، یا تعلیم کا حصول ہو، اس نے مشورہ دیا، کہ ’’اپنے کام کو ہمدردی، ثبوت اور عمدگی کے ساتھ آگے بڑھائیں۔‘‘

طبی پیشے کے تقدس پر زور دیتے ہوئے، ڈاکٹر شرما نے اعلان کیا، "یہ ہمدردی اور انسانی زندگی کے لیے ایک اٹل وابستگی پر مبنی ایک عظیم دعوت ہے۔" انہوں نے فارغ التحصیل افراد کی حوصلہ افزائی کی اور کہا کہ وہ زندگی میں چاہے جتنی بھی آگے نکل جائیں یا جتنا کچھ بھی حاصل کر لیں، تاہم وہ اپنی شائستگی برقرار رکھیں اور زمین سے جڑے رہیں۔

تقریب کے دوران 250 پوسٹ گریجویٹ اور ڈی ایم طلباء اور 100 ایم بی بی ایس گریجویٹس کے پہلے بیچ کو ڈگریاں پیش کی گئیں۔ اس موقع پر اے بی وی آئی ایم ایس (سمہتا) کی سالانہ رپورٹ بھی جاری کی گئی۔

اے بی وی آئی ایم ایس اور آر ایم ایل ایچ

ولنگڈن نرسنگ ہوم کے طور پر 1932 میں قائم کیا گیا، ہسپتال 1,532 بستروں پر مشتمل ایک پریمیئر ادارے میں تبدیل ہو گیا ہے جو تمام خصوصیات اور سپر اسپیشلٹیز میں جامع صحت کی دیکھ بھال فراہم کرتا ہے۔ 2019 میں اٹل بہاری واجپائی انسٹی ٹیوٹ آف میڈیکل سائنسز (اے بی وی آئی ایم ایس) اور ڈاکٹر رام منوہر لوہیا ہسپتال (آر ایم ایل ایچ) کا نام تبدیل کر دیا گیا، یہ 203 پوسٹ گریجویٹ اور 48 ڈی ایم / ایم سی ایچ نشستوں کے ساتھ سالانہ 100 ایم بی بی ایس نشستیں پیش کرتا ہے۔

ہسپتال سالانہ تقریباً 12 لاکھ بیرونی مریضوں اور 60,000 داخل مریضوں کی دیکھ بھال کرتا ہے اور انکار کی پالیسی کے بغیر چوبیس گھنٹے ساتوں دن ہنگامی خدمات فراہم کرتا ہے۔ اے بی وی آئی ایم ایس اور ڈاکٹر رام منوہر لوہیا ہسپتال ایک ٹرشری نگہداشت کا مرکز ہے جو ہندوستان کے لوگوں کو تقریباً تمام خاص اور سپر اسپیشلٹی سلسلے میں چوبیس گھنٹے ساتوں دن خدمات فراہم کرتا ہے۔ ڈاکٹر رام منوہر لوہیا ہسپتال سی جی ایچ ایس سے مستفید ہونے والوں، معزز اراکین پارلیمنٹ، سابق اراکین پارلیمنٹ، وزراء، ججوں اور دیگر وی وی آئی پی معززین کو طبی خدمات بھی فراہم کرتا ہے۔

ڈاکٹر (پروفیسر) اشوک کمار، ڈائرکٹر اے بی وی آئی ایم ایس؛ ڈاکٹر آرتی ماریا، ڈین ، اے بی وی آئی ایم ایس کے ساتھ ساتھ وزارت کے سینئر افسران، فیکلٹی اراکین اور والدین بھی اس تقریب کے دوران موجود تھے۔

**********

 (ش ح –ا ب ن)

U.No:6324