صفائی ستھرائی کو ادارہ جاتی بنانے اور سرکاری دفاتر میں زیر التواء معاملات کو کم کرنے کی حکومت کی پہل کے تحت،صحت و خاندانی بہبود کی وزارت کے تحت صحت و خاندانی بہبود کا محکمہ (ڈی او ایچ ایف ڈبلیو) سال 2021 سے اپنے مرکزی حکومت کے اسپتالوں، ماتحت دفاتر، منسلک دفاتر، خود مختار اداروں اور سی پی ایس یوز کے ساتھ مل کرخصوصی مہمات میں فعال طور پر حصہ لے رہا ہے۔

نومبر 2024 سے اگست 2025 تک، صحت و خاندانی بہبود کے محکمے نے 29,845 فائلوں کا جائزہ لیا اور 19,761 فائلوں کو ہٹایا۔ اس کے علاوہ، 35,435 عوامی شکایات اور ان سے متعلقہ 2,957 اپیلوں، 255 ارکانِ پارلیمنٹ کے حوالہ جات، 22 پارلیمانی یقین دہانیوں اور 16 ریاستی حکومت کے حوالہ جات کو نمٹایا گیا۔ کل 1,437 صفائی مہمات بھی چلائی گئیں، جن کے ذریعے 29.96 لاکھ روپےمالیت کا ردّی سامان اور 16,352 مربع فٹ جگہ کو خالی کیا گیا۔ ان کوششوں سے نہ صرف کام کرنے کی جگہ کا ماحول بہتر ہوا ہے بلکہ ریکارڈ مینجمنٹ، جگہ کے مؤثر استعمال اور آمدنی پیدا کرنے میں بھی مدد ملی ہے۔

’خصوصی مہم 5.0‘ کا ابتدائی مرحلہ 15 ستمبر 2025 سے شروع ہو چکا ہے اور 30 ستمبر 2025 تک جاری رہے گا۔ اس دوران صحت و خاندانی بہبود کا محکمہ طے شدہ معیارات کی بنیاد پر زیر التواء معاملات کی نشاندہی کرے گا، زمینی سطح پر کام کرنے والے اہلکاروں کو متحرک کرے گا، صفائی مہم کے مقامات کو حتمی شکل دے گا، ریکارڈز کا جائزہ لے گا، جگہ کے مؤثر استعمال کا منصوبہ تیار کرے گا اور ازالہ کے لیے ردّی سامان کی نشاندہی کرے گا۔

صحت و خاندانی بہبود کا محکمہ 2 اکتوبر سے 31 اکتوبر 2025 تک جاری رہنے والے عمل درآمد مرحلے کے دوران ’خصوصی مہم 5.0‘ کے مقاصد کو حاصل کرنے کے لیے انتھک کوشش کرے گا، جس میں بالخصوص ای-کچرے کے ازالے پر توجہ دی جائے گی۔

صحت و خاندانی بہبود کا محکمہ کام کاج کے لئے صاف ستھرے اور زیادہ مؤثر مقامات کی تیاری کے لیے پرعزم ہے اور یہ عوامی خدمات کی فراہمی اور شہریوں کے تجربے میں بھی مسلسل بہتری لاتا رہے گا۔

****

ش ح۔ک ح۔م ش                 

U. No. 6125

(Release ID: 2167491) Visitor Counter : 3