ভারত শিনবা থুংনা ইন্নোভেসন অমসুং ওন্তপ্রিন্যুওরশিপকী চৎনবী অমা পুক্নিং থৌগৎনবা পান্দমগা লোয়ননা ইকাই খুম্নরবা প্রধান মন্ত্রীনা অতল ইন্নোভেসন মিসন হৌদোকখি। ঙসিদি, অতল ইন্নোভেসন মিসন (AIM), নিতি আয়োগ অসি মালেমগী খ্বাইদগী চাউবা গ্রাসরুৎ ইন্নোভেসন মুভমেন্তশিংগী মরক্তা অমা ওইরি অমসুং মসিগী মরুওইবা ইনিসিয়েতিব, মেগা তিঙ্করিং দে 2025 অসি ইন্দিয়া বুক ওফ রেকোর্দস অমসুং এসিয়া বুক ওফ রেকোর্দসতা চনখিবগা লোয়ননা পুৱারী ওইরবা মাইলস্তোন অমা ফংলে। মসি নোংমা খক্তদা তিঙ্করিং এক্তিবিতীদা শরুক য়ারিবা মহৈরোই মশিং খ্বাইদগী য়াম্বগী অনৌবা রেকোর্দ অমা ওইরি। ওগস্ত 12, 2025দা অতল তিঙ্করিং লেব (ATL) স্কুল 9,467দগী মহৈরোই 4,73,350না পুন্না স্বচ্ছ ভারতকী সোলুসন অমা দিজাইন তৌনবা অমসুং ওনলাইন্দা স্ত্রীম তৌরিবা লাইব, স্তেপ-বাই-স্তেপ ইন্সত্রক্সন সেসন অমগী খুত্থাংদা মখোয় মশাগী DIY ভেক্যুম ক্লিনরশিং শানবা পুনখি।

রেকোর্দ অসি ইন্দিয়া বুক ওফ রেকোর্দস অমসুং এসিয়া বুক ওফ রেকোর্দস অনিমক্না সেপ্তেম্বর 15, 2025দা ওফিসিএল ওইনা কনফর্ম তৌখি অমসুং ফোর্মেল ওইনা লাউথোকখি। অসিগুম্বা শকখঙবা অসিনা ভারতকী নহাশিংগী মরক্তা ইন্নোভেসন অমসুং সাইন্তিফিক তেম্পেরামেন্ত অসি মমাংদা অমুক্তা ওইখিদ্রিবা মওংদা পুক্নিং থৌগৎলিবা AIMগী মিসনগী খুদম অমনি।

থৌরম অদুদা ৱা ঙাংলদুনা, অতল ইন্নোভেসন মিসনগী মিসন দাইরেক্তর, দীপক বাগলানা হায়খি:

“ইন্নোভেসন অমসুং নহারোলশিংগী শক্তিনা ভারতকী গ্রোথকী ৱারীগী য়ুম্ফম ওইরিবা বিক্সিত ভারতকী ইকাই খুম্নরবা প্রধান মন্ত্রীগী মীৎয়েংগী পরিং মখাদা খোঙথাং অসি লৌখৎলি। ভারতকী তুংলমচৎ অসি ঐখোয়গী ক্লাসরুমশিংদা শেমগৎলি, অমসুং অতল তিঙ্করিং লেবশিংগী খুত্থাংদা ঐখোয়না মহৈরোইশিংদা তেক্নিকেল স্কিলশিং খক্তা নত্তনা অচৌবা মঙলান শাগৎনবা, তোঙানবা মওংদা ৱাখল খন্নবা অমসুং অশেংবা মালেমগী শিংনবশিং কোকহন্নবা ৱাখল্লোনসু পীনরি।”

মহাক্না মখা তাখি মদুদি, “মেগা তিঙ্করিং দে অসি রেকোর্দ অমা খক্তমক নত্তে, মসি মুভমেন্ত অমনি। মসিনা ঐখোয়গী নহা ওইরিবা ইন্নোভেতরশিংগী অপুনবা ইনর্জী অদু উৎলি। লৈবাক অসিগী খ্বাইদগী মনুং হঞ্জিনবা মফমশিংদগী হৌরগা মাগী মীচিনবা শহরশিং ফাওবদা, মখোয় অসি তম্ননবা, শেমগৎনবা অমসুং পুন্না থবক তৌমিন্ননবা পুন্না লাক্লি। মালেমদা অতোপ্পা লৈবাক অমত্তনা মসিগী স্কুল ইকোসিস্তেমগী মনুংদা অসিগুম্বা পাক চাউবা ইন্নোভেসন অসি মোবিলাইজ তৌখিদে। করিগুম্বা অদোম্না অচুম্বা খুৎলাইশিং, মেন্তরশিপ, ইথিল অমসুং লুচিংবা অমা পীরবদি, ভারতকী অঙাংশিংনা হয়েংগী মালেম অসি শেমগৎপা ঙম্মী হায়বা অদু রেকোর্দ অসিনা উৎলি।”

মেগা তিঙ্করিং দে 2025 অসি ভারতকী মফম খুদিংদা, লেহ, লদাখ, কারগিল অমসুং কাশ্মীরগী ঙমখৈগী লমশিং, ভিরুধুনাগরগুম্বা এস্পিরেস্নেল দিস্ত্রিক্তশিং, মনিপুর, মিজোরম অমসুং অরুনাচল প্রদেশকুম্বা অৱাং-নোংপোক্কী রাজ্যশিং, অমসুং খাদা কন্নিয়াকুমারী অমসুং নোংচুপ্লোমদা ভুজগুম্বা দিস্তেন্ত জিওগ্রাফিশিংদা য়ৌরে। শরুক য়াবগী চাং অসিনা AIMনা জিওগ্রাফিক অমসুং ইনফ্রাস্ত্রকচরগী ওইবা অথিংবশিং কোকহন্নবা অমসুং মহৈরোইশিংবু পুন্না থিজিন হুমজিনবা অমসুং ইন্নোভেসনগী খোঙচৎ অমদা পুনশিন্নবা ঙম্বগী মতিক অদু উৎলি।

হৌরকপা মতমদগী অতল ইন্নোভেসন মিসননা ভারত শিনবা থুংনা অতল তিঙ্করিং লেব 10,000 হেন্না লিংখৎখ্রে। মসিনা লৈবাক শিনবা থুংনা লৈরিবা মফমশিংগী নেৎৱার্ক অমা শেমখ্রে। মসিদা মহৈরোইশিংনা 3D প্রিন্তিং, রোবোতিক্স, ইন্তর্নেৎ ওফ থিংস (IoT) অমসুং ইলেক্ত্রোনিক্সকুম্বা তেক্নোলোজীশিং অসি শিজিন্নবা য়াগনি। হায়রিবা লেবশিং অসি প্রোব্লেম সোল্বিং, দিজাইন থিঙ্কিং অমসুং মহৈরোইশিংগী মরক্তা ওন্তপ্রিন্যুওরশিপ স্পিরিৎ পুথোক্নবা দিজাইন তৌখি। মসিনা মখোয়বু হয়েংগী ইন্নোভেতর ওইনবা শেম-শারি।

***