نئی دہلی میں منعقد ہونے والی محکمہ جاتی سمٹ 2025 (نیشنل آیوش مشن) کے تسلسل میں، جہاں ”مختلف شعبوں میں آئی ٹی پر مبنی ڈیجیٹل خدمات“ کو ایک کلیدی ذیلی موضوع کے طور پر شناخت کیا گیا تھا، نیشنل آیوش مشن، کیرالہ کی جانب سے 18 تا 19 ستمبر 2025 کو کوٹایم، کیرالہ میں ”آیوش شعبے میں آئی ٹی حل“ پر دو روزہ قومی ورکشاپ کا انعقاد کیا جا رہا ہے۔

یہ ورکشاپ ایک مشترکہ پلیٹ فارم کے طور پر تشکیل دی گئی ہے تاکہ آیوش شعبے میں ڈیجیٹل حل کو مضبوط بنایا جا سکے اور ایک جامع، مرکزی اور باہم مربوط ڈیجیٹل فریم ورک کی جانب بڑھا جا سکے۔ اس فریم ورک کا مقصد معیاری کاری کو یقینی بنانا، تکرار سے بچنا، وسعت پذیری کو فروغ دینا، شواہد پر مبنی پالیسی سازی کو بہتر بنانا اور شہری مرکوز خدمات کی فراہمی کو مؤثر بنانا ہے۔

افتتاحی اجلاس 18 ستمبر کو ڈاکٹر ساجتھ بابو، مشن ڈائریکٹر، نیشنل آیوش مشن (کیرالہ حکومت) کے خیر مقدمی خطاب سے شروع ہوگا۔

اس کے بعد محترمہ وینا جارج، وزیر صحت و خواتین و اطفال کی ترقی (کیرالہ حکومت) افتتاحی خطاب دیں گی، اور جناب راجن کھوبرگڈے، ایڈیشنل چیف سیکریٹری (صحت)، کیرالہ حکومت صدارتی خطاب پیش کریں گے۔

کلیدی خطاب وید راجیش کوٹیچا، سیکریٹری، وزارت آیوش، حکومت ہند کریں گے جبکہ محترمہ کویتا جین، جوائنٹ سیکریٹری، وزارت آیوش خصوصی خطاب پیش کریں گی۔

ورکشاپ میں وزارت آیوش کے سینیئر افسران، ریاستوں اور مرکز کے زیر انتظام علاقوں کے وزرا و اعلیٰ منتظمین، مشن ڈائریکٹر اور ریاستی آیوش محکموں کے کلیدی افسران، مرکزی و ریاستی/ مرکز زیر انتظام علاقوں کی آیوش آئی ٹی ڈویژن کے تکنیکی عملے اور ڈیجیٹل ہیلتھ اور ای-گورننس پلیٹ فارموں کے ماہرین شریک ہوں گے۔

مباحثوں کا محور بہترین طریقوں کا تبادلہ، ریاستوں اور مرکز کے زیر انتظام علاقوں سے آئی ٹی جدتوں کی نمائش، آیوش گرڈ ٹیم کی جانب سے مرکزی حکومت کے آئی ٹی حل پر بریفنگ، اور اہم ڈیجیٹل شعبہ جات کا جائزہ ہوگا جن میں پروگرام مینجمنٹ، مریضوں کی نگہداشت، مانیٹرنگ و رپورٹنگ سسٹم، انسانی وسائل و ڈیٹا مینجمنٹ، اور مالیاتی ٹریکنگ کے طریقہ کار شامل ہیں۔

اس ورکشاپ کے متوقع نتائج میں آئی ٹی پر مبنی آیوش خدمات کے لیے ایک مربوط پلیٹ فارم قائم کرنا، ریاستوں اور مرکز زیر انتظام علاقوں میں معیاری ڈیجیٹل انضمام کا فریم ورک تیار کرنا، اور آیوش ڈیجیٹل نظام کو نیشنل ڈیجیٹل ہیلتھ مشن اور دیگر قومی ای-ہیلتھ اقدامات کے ساتھ ہم آہنگ کرنے کے لیے سفارشات مرتب کرنا شامل ہے۔

ورکشاپ کے بعد 20 تا 21 ستمبر 2025 کو دو روزہ فیلڈ وزٹ کا اہتمام کیا جائے گا، جس کے دوران کیرالہ کے مختلف اضلاع (کوٹایم، الپّی اور تھرسور) میں آیوش سہولیات کا معائنہ کیا جائے گا۔ شرکا آیوش خدمات کی فراہمی کے مختلف ماڈل دیکھیں گے، جن میں آیوشمان آروگیہ مندر (آئی ایس ایم و ہومیوپیتھی) – این اے بی ایچ انٹری لیول سرٹیفائیڈ اور کایاکلپ ایوارڈ یافتہ، سرکاری آیوش اسپتال، اسپورٹس آیورویدا پروجیکٹ، اور درشٹی اور آیورکرما جیسی پہل شامل ہیں۔

یہ قومی ورکشاپ آیوش شعبے میں ڈیجیٹل مطابقت پذیری کو مضبوط بنانے، بین ریاستی تعاون کو فروغ دینے اور بھارت میں مستقبل کے لیے تیار آیوش ڈیجیٹل ہیلتھ ماحولیاتی نظام کے روڈ میپ کو متعین کرنے میں ایک اہم سنگ میل ثابت ہوگی۔

 

                                               **************

ش ح۔ ف ش ع

13-09-2025

                                                                                                                                       U: 5970

 

(Release ID: 2166330) Visitor Counter : 2