புதுதில்லியில் உள்ள பாரத் மண்டபத்தில் 36 மாநிலங்கள் மற்றும் யூனியன் பிரதேசங்களின் தலைமைத் தேர்தல் அதிகாரிகள் அலுவலகத்தைச் சேர்ந்த ஊடகம் மற்றும் தகவல் தொடர்பு அலுவலர்களுக்கான ஒருநாள் பயிலரங்கை தேர்தல் ஆணையம் இன்று நடத்தியது. 51 ஊடக இணைப்பு அதிகாரிகள், சமூக ஊடக இணைப்பு அதிகாரிகள் ஆகியோரும் இதில் பங்கேற்றனர்.

தலைமைத் தேர்தல் ஆணையர்  திரு ஞானேஷ்குமார், தேர்தல் ஆணையர்கள் டாக்டர் சுக்பீர் சிங் சாந்து, டாக்டர் விவேக் ஜோஷி ஆகியோர் தொடக்க அமர்வில் பங்கேற்பாளர்களிடையே   உரையாற்றினர்.

தவறான தகவல் அளிக்கும் அச்சுறுத்தல் அதிகரித்து வரும் நிலையில், இந்தியாவில் தேர்தல்கள் பற்றியும், அரசியல் சாசனத்திற்கு இணங்க உறுதியுடன் தேர்தல் நடத்தப்படுவது பற்றியும் தெளிவாக எடுத்துரைத்து உண்மைகள் மூலம் தவறான தகவலை முறியடிப்பது முக்கியமானது என்று இந்த பயிலரங்கில் எடுத்துரைக்கப்பட்டது.

ஊடகம் மற்றும் சமூக ஊடக கண்ணோட்டத்திலிருந்து சிறப்புத் தீவிர வாக்காளர் பட்டியல் திருத்தம் குறித்த சிறப்பு அமர்வு இந்தப் பயிலரங்கில் இடம் பெற்றது. தவறான தகவலை முறியடிப்பதற்கு பல்வேறு சாதனங்கள், தொழில்நுட்பங்கள், உத்திகள் குறித்த நிபுணர்களின் அமர்வும் நடைபெற்றது. இத்தகைய பயிலரங்கு ஏற்கனவே புதுதில்லியில் 2025 ஏப்ரல் 9, ஜூன் 5 ஆகிய தேதிகளில் நடைபெற்றுள்ளது.

                                                                                   ***

AD/SMB/KPG/KR/SH