કેન્દ્રીય કૃષિ અને ખેડૂત કલ્યાણ અને ગ્રામીણ વિકાસ મંત્રી શ્રી શિવરાજ સિંહ ચૌહાણે આજે મધ્યપ્રદેશના સતનાની મુલાકાત લીધી હતી અને એક્સેલન્સ કોલેજમાં આયોજિત કાર્યક્રમમાં વિદ્યાર્થીઓને સંબોધિત કર્યા હતા. આ કાર્યક્રમ પછી મીડિયા સાથે વાત કરતા, કેન્દ્રીય કૃષિ મંત્રીએ સતનામાં ખાતર અને યુરિયાના પૂરતા પુરવઠા વિશે વાત કરી અને કહ્યું હતું કે ખેડૂતોના હિત સર્વોપરી છે, કેન્દ્ર સરકાર ખાતર અને યુરિયા ખેડૂતો સુધી પૂરતા પ્રમાણમાં પહોંચે તે સુનિશ્ચિત કરવા માટે તમામ પ્રયાસો કરી રહી છે.

શ્રી શિવરાજ સિંહે કહ્યું હતું કે “કેટલાક મિત્રોએ ખાતરની સમસ્યા અંગે મેમો આપ્યા છે. અમારા માટે ખેડૂતોના હિત સર્વોપરી છે. કેન્દ્ર સરકાર પ્રયાસો કરી રહી છે. ખાતર મંત્રાલય ઝડપથી કામ કરી રહ્યું છે. ખાતર મંત્રાલય રાજ્યની માંગના આધારે સતત ખાતર સપ્લાય કરી રહ્યું છે. જો આપણે સતના જિલ્લા પર નજર કરીએ તો ગયા વર્ષે આ સમય સુધીમાં 23,585 મેટ્રિક ટન યુરિયાનો વપરાશ થયો હતો, આ વખતે 27 હજાર 700 મેટ્રિક ટન યુરિયા સતના જિલ્લામાં આવી ચૂક્યું છે.

શ્રી ચૌહાણે કહ્યું હતું કે આ બાબત મારા ધ્યાનમાં આવતાની સાથે જ મેં વહીવટીતંત્ર અને રાજ્ય સરકાર સાથે ચર્ચા કરી હતી. પરંતુ આ વખતે વરસાદ સારો રહ્યો છે, વાવણી વિસ્તાર જેમાં ડાંગરનો સમાવેશ થાય છે, ત્યાં વધુ યુરિયાની જરૂર છે, જેના કારણે યુરિયાની માંગ વધુ છે.

કેન્દ્રીય કૃષિ મંત્રીએ કહ્યું હતું કે આજે પણ સતનામાં 1500 મેટ્રિક ટન ખાતર સપ્લાય કરવામાં આવ્યું છે. ભવિષ્યમાં પણ સતત પુરવઠા માટે પ્રયાસો ચાલુ રહેશે. જો જરૂર પડશે, તો અમે ખાતર મંત્રાલય સાથે પણ વાત કરીશું અને રાજ્ય સરકાર સાથે ચર્ચા કરીશું કે કેવી રીતે વ્યવસ્થા કરવી અને પરિસ્થિતિ સુધારવા અને જરૂરિયાતોને પહોંચી વળવા માટે પગલાં લેવાનું ચાલુ રહેશે.

SM/NP/GP/JD