नवी दिल्ली, 10 सप्टेंबर 2025 

निवृत्तीवेतन आणि निवृत्तीवेतनधारक कल्याण विभागाच्या (DoPPW) वतीने 1 ते 30 नोव्हेंबर 2025 या कालावधीत देशातील सर्व 1600 जिल्हे आणि उपविभागीय मुख्यालयांमध्ये देशव्यापी डिजिटल जीवन प्रमाणपत्र (DLC) मोहीम 4.0 राबविण्यात येणार आहे.

या मोहिमेच्या तयारीसंदर्भात पेन्शन विभागाचे सचिव व्ही. श्रीनिवास यांच्या अध्यक्षतेखाली 9 सप्टेंबर 2025 रोजी  एक उच्चस्तरीय आढावा बैठक घेण्यात आली. त्यामध्ये पेन्शन वितरित करणाऱ्या 19  बँका आणि इंडिया पोस्ट पेमेंट्स बँक (IPPB) चे वरिष्ठ व्यवस्थापक सहभागी झाले होते.

बैठकीत DLC मोहीम 3.0 च्या कामगिरीचा आढावा घेण्यात आला.नोव्हेंबर 2025 च्या मोहिमेअंतर्गत दरदिवशी DLC तयार करण्याची उद्दीष्टे, 1600 जिल्हा आणि उपविभागीय मुख्यालयात आयोजित केल्या जाणाऱ्या शिबिरांचे वेळापत्रक तसेच खूप जास्त वयाच्या ज्येष्ठ आणि दिव्यांग पेन्शनधारकांना घरपोच सेवा देण्याची सोय या गोष्टींना बैठकीत अंतिम रूप देण्यात आले. रिअल-टाइम मॉनिटरिंग आणि माहिती नोंदविण्यासाठी भागधारकांनी DLC  तसेच NIC पोर्टल वापरण्यास सहमती दर्शविली आहे.

सुवर्णा बेडेकर/मंजिरी गानू /प्रिती मालंडकर

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(Release ID: 2165392) Visitor Counter : 2