وزیر اعظم کے وکست بھارت کے نعرے کی تعمیل میں، ہنر مندی ترقیات اور صنعت کاری کی وزارت (ایم ایس ڈی ای) اور وزارت تعلیم (ایم او ای) کے اسکول اور اعلیٰ تعلیم کے محکموں نے آج کوشل بھون، نئی دہلی میں ایک مشترکہ اعلیٰ سطحی گفتگو کا اہتمام کیا ۔ یہ گفتگو"سودیشی سے سمردھ اور وکست بھارت - تعلیم اور ہنر مندی کی حکمت عملی" کے مرکزی موضوع کے تحت منعقد کی گئی تھی، جس کا مقصد ایک آتم نربھر بھارت کے لیے مستقبل کا روڈ میپ تیار کرنا تھا۔

اس سیشن کی صدارت جناب دھرمیندر پردھان، مرکزی وزیر تعلیم، حکومت ہند نے جناب جینت چودھری، وزیر مملکت (آزادانہ چارج) برائے ہنر مندی اور صنعت کاری اور وزیر مملکت برائے تعلیم، حکومت ہند اور ڈاکٹر سکنتا مجومدار، وزیر مملکت برائے تعلیم، حکومت ہند کی موجودگی میں کی۔ اسکولی تعلیم اور خواندگی کے محکمے، محکمہ اعلیٰ تعلیم، اور ایم ایس ڈی ای کے سینئرافسران کے ساتھ ساتھ  خودمختار اداروں کے سربراہان نے بھی تبادلہ خیال کے اس سیشن میں حصہ لیا۔

مباحثوں کے دوران مشن سودیشی کے جڑواں ستونوں کے طور پر تعلیم اور ہنر مندی کے اہم کردار پر روشنی ڈالی گئی۔ اس بات پر زور دیا گیا کہ آتم نربھر بھارت کے بیج اسکول کی سطح پر ہی بوئے جائیں، جس میں طلباء خود انحصاری کے سفیر بن کر ابھریں۔ تعلیمی اور ہنر مندی کے اداروں کو دیسی مصنوعات، مقامی کاروبار اور ثقافتی ورثے کو فروغ دینے میں محرک کے طور پر کام کرنا چاہیے۔ مباحثوں میں مقامی قوتوں  میں بیداری، اختراع اور فخر کو فروغ دینے کے لیے نمائشوں، مباحثوں، تعلیمی منصوبوں، اور کمیونٹی مہمات کے استعمال کی اہمیت پر مزید زور دیا گیا۔ اس بات پر زور دیا گیا کہ قومی تعلیم پالیسی 2020 فریم ورک، جس کی جڑیں جامع اور مہارت پر مبنی سیکھنے، ثقافتی جڑیں، اختراع، مساوات اور طلباء کی فلاح و بہبود پر مشتمل ہے، اس تبدیلی کے ایجنڈے کی بنیاد فراہم کرتا ہے۔

اجتماع سے خطاب کرتے ہوئے، جناب دھرمیندر پردھان نے کہا کہ تعلیم اور ہنرمندی ترقیات اور صنعت کاری کی وزارتوں کے ساتھ مل کر، سودیشی کو سمردھ اور وکست بھارت کے راستے کے طور پر پیش کرنے کے لیے ایک اسٹریٹجک روڈ میپ تیار کیا جا رہا ہے۔ آتم نربھر بھارت کے وژن کی جڑیں اسکولوں اور کالجوں میں ہونی چاہئیں، جہاں طلباء اس مشن کے مشعل بردار بن کر ابھریں گے، اپنے خاندانوں اور برادریوں میں سودیشی، اختراع اور ثقافتی فخر کے جذبے کو فروغ دیں گے۔ انہوں نے مزید کہا کہ تعلیم اور ہنر مندی ایک دوسرے کی تکمیلی طاقتیں ہیں جنہیں ایک پراعتماد اور خود انحصار ہندوستان کی تعمیر کے لیے مل کر کام کرنا چاہیے۔

جناب جینت چودھری نے کہا کہ ہندوستان آج بحالی کے ایک لمحے پر کھڑا ہے، جہاں اسے عالمی قدر کی زنجیروں میں اپنے کردار کا از سر نو تصور کرنا چاہیے۔ کلاس رومز سے لے کر شاپ فلورز تک، تجسس، انٹرپرائز، اور اختراع کی ضرورت ہے، اس بات کو یقینی بناتے ہوئے کہ ہر نوجوان ہندوستانی AI، ٹیکنالوجی اور ڈیزائن میں مستقبل کے لیے تیار مہارتوں سے لیس ہو۔ انہوں نے اس بات پر زور دیا کہ ہندوستان کی کوشش صرف عالمی تبدیلیوں کا جواب دینے کے لئے نہیں ہونی چاہئے، بلکہ انہیں شکل دینے کے لئے - ملک کو دنیا کے ہنر مندانہ سرمایہ اور اختراعی مرکز کے طور پر برانڈ کرنا۔ انہوں نے اس لمحے کو خلل، جرات مندانہ خیالات، اور قوم کے مستقبل کی اجتماعی ملکیت کی کال کے طور پر بیان کیا۔

ڈاکٹر سکنتا مجومدار نے زور دیا کہ اعلیٰ تعلیم اور ہنر مندی کے ادارے اس وژن کو آگے بڑھانے کے لیے علمی مرکز کے طور پر کام کریں گے۔ تنقیدی سوچ، اختراع، اور تحقیق کو سیکھنے میں مربوط کرنے سے، طلباء کو یہ طاقت ملے گی کہ وہ ہندوستان کے اسکل کیپٹل آف دی ورلڈ بننے کے سفر کی قیادت کریں۔

سیشن نے ملک بھر میں اسکولوں، کالجوں، یونیورسٹیوں، آئی ٹی آئی اور دیگر اداروں کو متحرک کرنے کے لیے جن سمپارک، جن بھاگداری، اور جن ابھیان کے طریقہ کار پر بھی زور دیا۔ ایم او ای اور ایم ایس ڈی ای کے تحت تمام اداروں، بشمول این سی ای آر ٹی، ایس سی ای آر ٹی ، ڈی آئی ای ٹی، آئی آئی ٹی، آئی آئی ایم، آئی ٹی آئی، سیکٹر اسکل کونسلز، اور خود مختار تنظیموں پر زور دیا گیا کہ وہ اپنے نصاب، سرگرمیوں، اور رسائی کو مشن سودیشی کے مقاصد سے ہم آہنگ کریں۔ نوجوانوں کو ہندوستان کے دستکاریوں، روایات اور اختراعات سے جوڑنے کے لیے ڈیجیٹل مواد، پوڈکاسٹ، ثقافتی پروگراموں اور نمائشوں کو تیار کرنے پر خصوصی زور دیا گیا۔ مقامی اقتصادی بااختیار بنانے کے لیے کمیونٹی پر مبنی اقدامات کو آگے بڑھانے میں آئی ٹی آئی کے تربیت یافتہ افراد اور مہارت کی ترقی کی اسکیموں کے کردار پر بھی زور دیا گیا۔

غور و خوض کے اس سیشن کا اختتام اسکولی تعلیم ، اعلیٰ ٹعلیم، اور ہنرمندی ترقیات اور صنعت کاری کے سیکرٹریوں کی جانب سے قابل عمل تجاویز پیش کیے جانے کے ساتھ ہوا۔ میٹنگ کے دوران 2047 تک سمردھ اور وکست بھارت کے حصول کے لیے تعلیم اور ہنر مندی کو مرکزی حیثیت دینے کے لیے حکومت ہند کے عزم کی تصدیق کی گئی۔

**********

 (ش ح –ا ب ن)

U.No:5779

(Release ID: 2164782) Visitor Counter : 2