حکومت ہند کی جانب سے حال ہی میں اعلان کردہ گڈز اینڈ سروسز ٹیکس (جی ایس ٹی) میں اصلاحات ملک کے نوجوانوں کو بااختیار بنانے، صحت مند طرزِ زندگی کو فروغ دینے، اور مجموعی طور پر زندگی کو آسان بنانے کی جانب ایک ترقیاتی اقدام کی نمائندگی کرتی ہیں۔یہ اقدامات نوجوانوں اور کھیلوں کے شعبوں کے لیے اہمیت رکھتے ہیں، جو فٹ انڈیا موومنٹ جیسے قومی اقدامات اور نوجوانوں پر مرکوز نقل و حرکت اور بنیادی ڈھانچے کو مضبوط کرنے کے لیے جاری کوششوں کے ساتھ گہرے طور پر ہم آہنگ ہیں۔ یہ اصلاحات کھیلوں اور فٹنس سرگرمیوں میں بڑھ چڑھ کر حصہ لینے اور ملک بھر کے نوجوان شہریوں کے لیے مواقع تک وسیع تر رسائی کو فروغ دینے کے لیے تیار ہیں۔

سب کے لیے تندرستی: صحت مند طرز زندگی کو سستی بنانا

جموں اور فٹنس سینٹرز پر جی ایس ٹی کو 18فیصد سے کم کر کے 5فیصد کرنے سے شہریوں بالخصوص شہری پیشہ ور افراد اور نوجوانوں کے لیے فٹنس کی معیاری سہولیات مزید قابل رسائی ہو جائیں گی۔ توقع ہے کہ اس اقدام سے فٹنس سرگرمیوں اور احتیاطی صحت کی دیکھ بھال میں زیادہ سے زیادہ شرکت کی حوصلہ افزائی ہوگی، جو فٹ انڈیا موومنٹ کے مقاصد کی براہ راست حمایت کرتی ہے۔ اخراجات کو کم کرکےیہ اصلاحات زیادہ سے زیادہ لوگوں کو صحت مند طرز زندگی اپنانے اور پورے ملک میں فٹنس کا مضبوط کلچر بنانے کے قابل بنائے گی۔

سستی قیمتوں پر ماحول دوست ٹرانسپورٹ

سائیکلوں اور ان کے پرزوں پر جی ایس ٹی کو 12 فیصد سے کم کرکے 5فیصد کرنے سے ماحول دوست نقل و حمل شہریوں کے لیے زیادہ قابل رسائی اور سستی ہو جائے گی ۔  توقع ہے کہ اس اقدام سے طلباء ، نوجوان پیشہ ور افراد اور فٹنس کے شوقین افراد میں سائیکل کے زیادہ استعمال کی حوصلہ افزائی ہوگی ، جبکہ پائیدار اور ماحول دوست نقل و حرکت کے حل کی بھی حمایت ہوگی ۔

زیادہ کھیلیں ، کم ادا کریں

کھلونوں سے لے کر کھیلوں کے سامان تک جی ایس ٹی کو 12فیصد سے کم کرکے 5فیصد کرنے سے کھیلوں سے متعلق مصنوعات کو خواہشمند اور فعال کھلاڑیوں اور تمام نوجوانوں کی آسان رسائی میں لایا جائے گا ۔  توقع ہے کہ اس اقدام سے انڈور اور آؤٹ ڈور گیمز میں زیادہ سے زیادہ شرکت کی حوصلہ افزائی ہوگی اور بچوں اور نوجوانوں میں تفریحی سرگرمیوں کو فروغ ملے گا ۔  کھیلوں کے سامان اور کھلونوں کو زیادہ پاکٹ فرینڈلی بنا کریہ اصلاحات ہندوستان کے کھیلوں کے ماحولیاتی نظام کو مضبوط بنانے میں معاون ہیں اور ساتھ ہی ملک کی یووا شکتی کی مجموعی ترقی میں بھی مدد کرتی ہیں ۔

نوجوانوں کی نقل و حرکت کو فروغ دینا: سستی دو پہیہ گاڑیاں

مسافر موٹر سائیکلوں سمیت 350 سی سی تک کی دو پہیہ گاڑیوں پر جی ایس ٹی کو 28فیصدسے کم کرکے 18فیصدکرنے کے فیصلے سے طلباء ، نوجوان پیشہ ور افراد اور گیگ اکانومی ورکرز کو بھی کافی راحت ملے گی ۔  دو پہیہ گاڑیاں دیہی اور نیم شہری ہندوستان میں نقل و حمل کا بنیادی ذریعہ بنی ہوئی ہیں اور توقع ہے کہ کم ٹیکس کے بوجھ سے خریداری کے اخراجات کم ہوں گے ، گاڑیوں کی ملکیت زیادہ سستی ہوگی اور نوجوان پیشہ ور افراد پر مالی بوجھ کم ہوگا ۔

سستی گاڑیاں: چھوٹی کاریں سستی ہو جائیں گی

اسی طرح  چھوٹی کاروں پر جی ایس ٹی کو 28فیصدسے کم کرکے 18فیصد کرنے سے کفایتی  زمرےکی گاڑیاں سستی ہو جائیں گی۔ جس سے پہلی بار  گاڑی خریدنے والےاور نوجوان خاندانوں کو ذاتی نقل و حمل کے ذرائع  میں سرمایہ کاری کی ترغیب ملے گی ۔  امید ہے کہ اس اصلاح سے آسان اور کم لاگت والے نقل و حمل کےکفایتی وسائل تک پہنچ کر اس کی توسیع کرکے زندگی  کو آسان بنانے میں اضافہ ہوگا ۔

یہ اقدامات ایک صحت مند، متحرک اور بااختیار نوجوان ہندوستان کی تعمیر کے حکومت کے وژن کے عین مطابق ہیں،جو جامع ترقی کو فروغ دیتے ہوئے سماج کے تمام طبقات کے لیے مواقع کو  فروغ دے رہے ہیں۔

*****

ش ح۔ م ح ۔ اش ق

U. No-5769