سائنس اور ٹیکنالوجی کے مرکزی وزیر مملکت (آزادانہ چارج) نیز  ارضیاتی سائنز ، وزیراعظم  کے دفتر ، ایٹمی توانائی، خلاء ، عملہ ، عوامی شکایات اور پنشن کے وزیر مملکت  ڈاکٹر جیتندر سنگھ نے آج کہا کہ بھارت اپنے خلائی سفر میں ایک انقلابی تبدیلی کے مرحلے میں داخل ہو رہا ہے، جس کے بلند پرواز اہداف میں 2035 ء تک بھارتی خلائی اسٹیشن قائم کرنا اور 2040 ء تک چاند پر بھارتی خلاء  بازاروں کو  اتارنا شامل ہیں۔ وہ خلاء سے متعلق بین الاقوامی کانفرنس 2025 ء کے افتتاحی اجلاس میں ‘‘ عالمی ترقی کے لیے خلائی وسائل کا استعمال: جدت طرازی ، پالیسی  سازی اور ترقی ’’  کے موضوع پر ورچوئل  وسیلے سے خطاب کر رہے تھے۔

وزیر موصوف نے حالیہ کامیابیوں کی جانب اشارہ کرتے ہوئے  ، چندر یان-3 کی کامیابی کا ذکر کیا، جس نے بھارت کو عالمی سطح پر خلائی  صلاحیتوں کے حامل  مشہور ممالک میں شامل کر دیا کیونکہ بھارت چاند کے قطب جنوبی پر اترنے والا پہلا ملک بن گیا۔ انہوں نے گروپ کیپٹن شبھانشو شکلا کی کامیابیوں کو بھی اجاگر کیا ، جو بین الاقوامی خلائی اسٹیشن جانے والے پہلے بھارتی فضائیہ کے  افسر ہیں  ۔ انہوں نے  بھارت کے مستقبل  کے خلاء سے متعلق مشنوں، بشمول مریخ، زہرہ اور  دیگر سیارے   کی تحقیق کے ساتھ انسانی خلائی پرواز پروگرام ‘ گگن یان ’ کا خاکہ بھی پیش کیا۔

ڈاکٹر جتیندر سنگھ نے  ، وزیر اعظم نریندر مودی کی قیادت میں شروع کی گئی اصلاحات کے کردار  کو اجاگر کیا،  جس  نے اس شعبے کو نجی کمپنیوں ، اسٹارٹ اپس اور تعلیمی برادری کے لیے کھولا ہے ۔ اس وقت 300 سے زائد اسٹارٹ اپس لانچ وہیکلز، سیٹلائٹس اور گراؤنڈ سسٹمز کے شعبوں میں سرگرمِ عمل ہیں۔ انہوں نے کہا کہ یہ نہ صرف جدت  طرازی کو فروغ دے رہا ہے بلکہ نوجوان پیشہ ور افراد کے لیے روزگار، سرمایہ کاری اور مواقع بھی فراہم کر رہا ہے۔

انہوں نے کہا کہ خلائی تحقیق کی اصل اہمیت زراعت  اور صحت سے لے کر  تعلیم، شہری ترقیات اور حکمرانی  تک روزمرہ کی زندگی کے مختلف شعبوں میں  ، اس کے اطلاق پر مضمر ہے ۔ انہوں نے مزید کہا کہ ‘‘ خلاء  ، ہر شعبے کو بااختیار بنانے اور عام شہریوں کی خدمت کرنے  کی بھر پور صلاحیت رکھتا ہے۔ ’’

 

 

وزیر  موصوف نے  بین الاقوامی تعاون کے لیے بھارت کے عزم پر بھی زور دیا۔ انہوں نے حالیہ شراکت داری کی مثالیں دیں، جیسا کہ امریکہ کے ساتھ مشترکہ ناسا–آئی ایس آر او سینتھیٹک اپرچر راڈار ( نثار ) مشن اور جاپان کے ساتھ مستقبل کے چندرایان-5 مشن۔ انہوں نے کہا کہ ایسے تعاون سے ظاہر ہوتا ہے کہ خلاء کا شعبہ عالمی  سطح پر تعلقات کے فروغ کے لیے ایک طاقتور پلیٹ فارم کے طور پر کام کر سکتا ہے۔

انہوں نے کہا کہ ہنر مندی کا فروغ  ، بھارت کی خلائی حکمت عملی کا ایک اہم ستون ہے۔ آئی ایس آر او کے آؤٹ ریچ پروگرامز، اکیڈمک سینٹرز آف ایکسیلنس اور صنعت و تعلیمی برادری کے تعاون کے ذریعے ملک سیٹلائٹ ڈیزائن، پروپلژن، اے آئی سے چلنے والی ایپلی کیشنز اور خلاء سے متعلق ضابطے جیسے شعبوں میں ہنر مندی کو فروغ دے رہا ہے۔

کنفیڈریشن آف انڈین انڈسٹری ( سی آئی آئی ) کے ذریعے منعقدہ  ، اس کانفرنس  میں بھارت اور بیرونِ ملک سے 500 سے زائد نمائندگان نے شرکت کی ، جن میں سرکاری نمائندگان، تعلیم  کے شعبے سے وابستہ افراد ، صنعت کے رہنما اور اسٹارٹ اپس شامل ہیں۔ ڈاکٹر جتیندر سنگھ نے کنفیڈریشن آف انڈین انڈسٹری ( سی آئی آئی )کی ستائش کی کہ اس نے ایک ایسا پلیٹ فارم فراہم کیا  ہے ، جو  خلاء کے شعبے میں جدت طرازی ، پالیسی سازی اور ترقی پر  خیالات  کا تبادلہ کرنے کے لیے تمام متعلقہ  فریقوں کو یکجا کیا ۔

 

 

ڈاکٹر جتیندر سنگھ نے  ، وزیر اعظم نریندر مودی کے ویژن کو بھی یاد کیا کہ 21ویں صدی  ، بھارت کی صدی ہے اور خلاء ایک ایسا شعبہ بنتا جا رہا ہے  ، جہاں بھارت کی قیادت عالمی سطح پر تسلیم کی جائے گی۔ انہوں نے زور دیا کہ خلائی ٹیکنالوجیز کے ایپلی کیشنز  نہ صرف زراعت، صحت اور تعلیم کو پوری طرح بدل دیں گے بلکہ حکمرانی اور سرکاری خدمات کی فراہمی کو بھی مضبوط کریں گے۔ وزیر  موصوف نے  سی آئی آئی   کی طرف سے  خلاء سے متعلق قومی کمیٹی کے قیام کا خیرمقدم کیا ۔ ڈاکٹر سنگھ نے اِسے ایک اہم پلیٹ فارم قرار دیا  ، جو معروف اداروں اور جدید اسٹارٹ اپس کو یکجا کر کے ایک مضبوط ایکو نظام بنانے میں مدد  فراہم کرے گا۔

وزیر موصوف نے اپنے خطاب کے اختتام پر بھارت کے ویژن کو دہرایا کہ خلاء کے سیکٹر کو پائیداری، مساوات اور عالمی ترقی کے لیے استعمال کیا جائے ۔  انہوں نے کہا کہ ‘‘ بھارت کا خلائی سفر  ، ثابت قدمی اور جدت طرازی کا سفر ہے۔ آئیے  ، ہم سب مل کر خواب دیکھیں، جدت طرازی کریں اور تعمیری کام  کریں ۔  خلاء کو ایک دور دراز کے شعبے سے نکال کر  اتحاد اور ترقی کے مشترکہ افق میں بدل دیں۔ ’’

 

.................. . ............................................. . ......................

( ش ح ۔ م ع  ۔ ع ا )

U. No. 5767

 

(Release ID: 2164719) Visitor Counter : 2