وزیر اعظم جناب نریندر مودی کی زیر صدارت مرکزی کابینہ نے آج ثانوی ذرائع سے اہم معدنیات کی علیحدگی اور پیداوار کے لیے ملک میں ری سائیکلنگ کی صلاحیت کو فروغ دینے کے لیے 1,500 کروڑ روپے کی ترغیبی اسکیم کو منظوری دی۔

یہ اسکیم قومی اہم معدنیاتی مشن(این سی ایم ایم) کا حصہ ہے، جس کا مقصد اہم معدنیات میں گھریلو صلاحیت اور سپلائی چین کی مضبوطی میں اضافہ کرنا ہے۔ اہم معدنیات کی قدر کی زنجیر جس میں تلاش، نیلامی اور کانوں کو مصروف عمل بنانا، اور غیر ملکی اثاثوں کا حصول شامل ہے، ہندوستانی صنعت کو اہم معدنیات کی فراہمی سے قبل ایک حمل کی مدت ہوتی ہے۔ قریبی مدت میں سپلائی چین کی پائیداری کو یقینی بنانے کا ایک سمجھدار طریقہ ثانوی ذرائع کی ری سائیکلنگ ہے۔

اس اسکیم مدت 6 برسوں پر مشتمل ہوگی جو مالی برس 2025-26 سے مالی برس 2030-31 تک جاری رہے گی۔ اہل فیڈ اسٹاک ای ویسٹ، لیتھیم آئن بیٹری (ایل آئی بی) اسکریپ، اور ای ویسٹ اور ایل آئی بی اسکریپ کے علاوہ دیگر اسکریپ ہیں جیسے زندگی کی آخری گاڑیوں میں کیٹلیٹک کنورٹرز۔ متوقع فائدہ اٹھانے والے بڑے، قائم شدہ ری سائیکلرز کے ساتھ ساتھ چھوٹے، نئے ری سائیکلرز (اسٹارٹ اپس سمیت) ہوں گے، جن کے لیے اسکیم کے اخراجات کا ایک تہائی حصہ مختص کیا گیا ہے۔ اس اسکیم کا اطلاق نئے یونٹس میں سرمایہ کاری کے ساتھ ساتھ موجودہ یونٹس کی صلاحیت میں توسیع/جدید کاری اور تنوع پر ہوگا۔ یہ اسکیم ری سائیکلنگ ویلیو چین کے لیے ترغیب فراہم کرے گی، جو کہ حقیقی طور پر معدنیات کو نکالنے کے عمل میں شامل ہیں، نہ کہ وہ ویلیو چین جو کہ صرف بلیک ماس پروڈکشن کے عمل میں شامل ہے۔

اس اسکیم کے تحت ترغیبات میں پلانٹ اور مشینری ، مقررہ ٹائم فریم کے اندر پروڈکشن کے آغاز کے لیے  سازو سامان  اور افادیت  پر 20 فیصد اہم سرمایہ سبسڈی شامل ہوگی، اس سے آگے تخفیف شدہ سبسڈی قابل اطلاق ہوگی؛ اور اوپیکس سبسڈی ، جو کہ  بنیادی برس (مالی برس 2025-26) میں افزوں فروخت پر ایک مراعت ہوگی، یعنی دوسرے برس میں مستحق اوپیکس سبسڈی کا 40 فیصد اور بقیہ 60 فیصد حصہ مالی برس 2026-27 سے مالی برس 2030-31 تک مقررہ ٹائم فریم  افزوں فروخت کی دستیابی پر پانچویں برس میں دیا جائے گا۔ استفادہ کنندگان کی زیادہ تعداد کو یقینی بنانے کے لیے، فی ادارہ کل ترغیب (کیپیکس پلس اوپیکس سبسڈی) بڑے اداروں کے لیے 50 کروڑ روپے اور چھوٹے اداروں کے لیے 25 کروڑ روپے کی مجموعی حد سے مشروط ہوگی، جس کے اندر بالترتیب 10 کروڑ اور 5 کروڑ روپے کی اوپیکس سبسڈی کی حد ہوگی۔

کلیدی نتائج کے لحاظ سے، اسکیم کی ترغیبات سے کم از کم 270 کلو ٹن سالانہ ری سائیکلنگ کی صلاحیت پیدا ہونے کی توقع ہے جس کے نتیجے میں تقریباً 40 کلو ٹن سالانہ اہم معدنیات کی پیداوار ہوگی، جس سے تقریباً 8,000 کروڑ روپے کی سرمایہ کاری ہوگی اور 70,000 کے قریب براہ راست اور بالواسطہ روزگار پیدا ہوں گے۔ اسکیم بنانے سے قبل صنعت اور دیگر متعلقہ فریقوں کے ساتھ مشاورت کے کئی دور کلی طور پر وقف میٹنگوں، سیمینار  کے سیشنوں وغیرہ کے ذریعے منعقد کیے گئے ہیں۔

**********

 (ش ح –ا ب ن- م ع)

U.No:5629