ٹیکسٹائل کے مرکزی وزیر جناب گری راج سنگھ نے آج کپاس کسان ایپ لانچ کیا ، جو ٹیکسٹائل کی وزارت کے تحت کاٹن کارپوریشن آف انڈیا (سی سی آئی) کے ذریعہ تیار کردہ ایک نئی موبائل ایپلی کیشن ہے ، تاکہ کم از کم امدادی قیمت اسکیم کے تحت کسانوں سے کپاس کی بلا رکاوٹ خریداری کی جا سکے ۔  نئی موبائل ایپ کسانوں کو سیلف - رجسٹریشن ، سلاٹ بکنگ اور پیمنٹ ٹریکنگ کی طاقت دیتی ہے ۔  یہ ایپ کسانوں کو ادائیگی سے باخبر رہنے کی سہولت فراہم کرتی ہے، جس سے کپاس کی خریداری کے عمل میں زیادہ شفافیت ، سہولت اور رفتار آتی ہے ۔

اس موقع پر خطاب کرتے ہوئے مرکزی وزیر جناب گری راج سنگھ نے کہا کہ یہ فارمر - فرسٹ موبائل ایپ ہمارے کپاس کے کاشتکاروں کے ذریعے کپاس کی فروخت میں آسانی پیدا کرنے کی سمت میں ایک بڑا قدم ہے ۔  رجسٹریشن سے لے کر پیمنٹ ٹریکنگ تک اہم اقدامات کو ڈیجیٹائز کرکے ہم ایم ایس پی کی بروقت ، شفاف اور منصفانہ کارروائیوں کو یقینی بنا رہے ہیں ۔  یہ کسانوں کو کسی بھی پریشانی کے دوران فروخت کرنے سے  بچانے اور ڈیجیٹل انڈیا کے وژن کو تیز کرنے کے ہمارے عزم کو تقویت دیتا ہے ۔

ایپ کی اہم خصوصیات میں یہ بھی شامل ہے کہ کسان ایم ایس پی کے تحت کپاس فروخت کرنے کے لیے خود کو محفوظ طریقے سے رجسٹر کر سکتے ہیں۔  اس میں انتظار کے وقت اور ہجوم کو کم کرنے کے لیے مخصوص خریداری مراکز پر ڈیجیٹل شیڈیولنگ ، معیار کی تشخیص پر ریئل ٹائم اسٹیٹس اپ ڈیٹس ، قبول شدہ مقدار ، ادائیگی کی پروسیسنگ اور متعدد ہندوستانی زبانوں کی حمایت کے ساتھ صارف دوست انٹرفیس کی سہولت بھی ہے۔

مرکزی وزیر نے یہ بھی بتایا کہ یہ ایپ یقینی ایم ایس پی خریداری کے ذریعے کپاس کے کسانوں کو کسی بھی پریشانی میں  فروخت  کی زحمت سے بچانے میں مدد کرے گی ، دستی کاغذی کارروائی کو کم کرے گی اور خریداری مراکز پر وقت کی بچت کرے گی ، شفا فیت کو بڑھائے گی اور کسانوں کو آسان ٹائم سلاٹ منتخب کرنے کی اجازت دے کر منصوبہ بندی کو بہتر بنائے گی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –م م۔ ق ر)

U. No.5585

(Release ID: 2163130) Visitor Counter : 5