نوجوانوں کے امور اور کھیل کود کی وزارت، حکومت ہند نے آج اشوک ہوٹل واقع نئی دہلی میں اسپورٹس گڈس مینوفیکچرنگ کنکلیو  کا انعقاد کیا، جس کے تحت پالیسی سازوں، صنعتی نمائندوں، اور دیگر ماہرین کو ایک جگہ جمع کیا گیا۔ اس کا مقصد بھارت کے اسپورٹس گڈس ایکو نظام کو مضبوطی فراہم کرنا اور اندرونِ ملک اشیاء سازی کو فروغ دینا تھا۔

اس موقع پر، نوجوانوں کے امور اور کھیل کی وزارت (ایم وائی اے ایس)، فوڈ سیفٹی اینڈ اسٹینڈرڈز اتھارٹی آف انڈیا (ایف ایس ایس اے آئی)، اور متعلقہ ادارے کے درمیان سہ فریقی مفاہمت کی یادداشت کے تحت قائم دو نیوٹریشنل سپلیمنٹ ٹیسٹنگ لیبز کے لیے این اے بی ایل کی منظوری اور ایف ایس ایس اے آئی ریفرل لیب کی منظوری کے بارے میں باضابطہ اعلان کیا گیا:

1. سنٹر آف ایکسی لینس فار ریسرچ اینڈ اینالیسس آف نارکوٹک ڈرگس اینڈ سائیکو ٹراپک مادہ، نیشنل فرانزک سائنسز یونیورسٹی (این ایف ایس یو)، گاندھی نگر، گجرات، اور

2. تجزیاتی ٹیسٹنگ لیبارٹری، نیشنل انسٹی ٹیوٹ آف فارماسیوٹیکل ایجوکیشن اینڈ ریسرچ (این آئی پی ای آر)، حیدرآباد

نوجوانوں کے امور اور کھیل اور محنت و روزگار کے مرکزی وزیر ڈاکٹر منسکھ منڈاویہ نے دونوں اداروں کو مبارکباد پیش کی اور اس اہم اقدام کی اہمیت پر زور دیا۔

ایتھلیٹس کے ذریعہ غذائی سپلیمنٹس کا بڑے پیمانے پر استعمال کیا جاتا ہے، لیکن ہندوستان میں ٹیسٹنگ کی مخصوص سہولیات کی عدم موجودگی نے اکثر انہیں نادانستہ ڈوپنگ کے خطرے سے دوچار کیا ہے - نادانستہ طور پر غیر محفوظ یا ملاوٹی مصنوعات کا استعمال جو کھیلوں میں ممنوع ہیں اور جو مثبت ڈوپنگ ٹیسٹ کا باعث بن سکتے ہیں۔

ملک میں پہلی بار، عالمی اینٹی ڈوپنگ ایجنسی (ڈبلیو اے ڈی اے) کی جانب سے غذائی سپلیمنٹس میں ممنوعہ مادوں کی جانچ کے لیے خصوصی لیبارٹریز قائم کی گئی ہیں۔ یہ سہولیات سپلیمنٹس کی حفاظت اور معیار کو یقینی بنائیں گی، ڈوپنگ کی غیر ارادی خلاف ورزیوں کو روکیں گی، اور کھیلوں میں منصفانہ کھیل کو فروغ دیں گی۔

ان ریفرل لیبارٹریوں کا قیام ہندوستان کے اینٹی ڈوپنگ فریم ورک کو مضبوط بنانے، سائنسی صلاحیت کو بڑھانے اور کھلاڑیوں کو قابل اعتماد، تصدیق شدہ غذائی مصنوعات فراہم کرنے میں ایک اہم قدم ہے۔

**********

(ش ح –ا ب ن)

U.No:5490