યુવા બાબતો અને રમત મંત્રાલય
કેન્દ્રીય રમતગમત મંત્રી ડૉ. મનસુખ માંડવિયાએ ભારતના અત્યાર સુધીના સૌથી મોટા રાષ્ટ્રીય રમતગમત દિવસ (NSD) ઉજવણીનું નેતૃત્વ કર્યુ
30 કરોડ લોકોએ ઓલિમ્પિક અને પેરાલિમ્પિક મૂલ્યોને સ્વીકારવા અને ફિટનેસ પ્રવૃત્તિઓમાં જોડાવાનો સંકલ્પ લીધો
"રમતગૃહથી મોટો કોઈ વર્ગખંડ નથી, રમતગમતથી મોટો કોઈ શિક્ષક નથી" - ડૉ. માંડવિયા
કેન્દ્રીય મંત્રીએ નવી દિલ્હીના જવાહરલાલ નહેરુ સ્ટેડિયમ ખાતે પ્રથમ વિશ્વ કક્ષાના મોન્ડો એથ્લેટિક્સ ટ્રેકનું ઉદ્ઘાટન કર્યું હતું
ભારતના દરેક જિલ્લામાં ઉજવણીઓ યોજાઈ, નાગરિકો અને જનપ્રતિનિધિઓ રમતગમતના 'જન આંદોલન'માં એકત્ર થયા
Posted On:
29 AUG 2025 6:28PM by PIB Ahmedabad
ભારતે આજે તેના ઇતિહાસમાં સૌથી મોટા અને ચોક્કસપણે વિશ્વના સૌથી મોટા રમતગમત આંદોલનનું આયોજન કર્યું હતું હતું. આ દરમિયાન, તમામ રાજ્યો અને કેન્દ્રશાસિત પ્રદેશોના લગભગ 30 કરોડ નાગરિકો રાષ્ટ્રીય રમત દિવસ 2025ની ઉજવણી કરવા માટે એકઠાં થયા હતા. હોકીના જાદુગર મેજર ધ્યાનચંદની 120મી જન્મજયંતી નિમિત્તે, કેન્દ્રીય યુવા બાબતો અને રમતગમત અને શ્રમ અને રોજગાર મંત્રી ડૉ. મનસુખ માંડવિયાએ રાજધાનીના મેજર ધ્યાનચંદ રાષ્ટ્રીય સ્ટેડિયમ ખાતે પુષ્પાંજલિ અર્પણ કરીને રાષ્ટ્રીય ઉજવણીનું નેતૃત્વ કર્યું હતું. ત્યારબાદ, તેઓ જવાહરલાલ નેહરુ (JLN) સ્ટેડિયમ ખાતે સવારે રમતગમત પ્રવૃત્તિઓ માટે રમતગમત મંત્રાલય, રમતગમત સત્તામંડળ (SAI), ભારતીય ઓલિમ્પિક સંગઠન (IOA), ભારતીય પેરાલિમ્પિક સમિતિ (PCI), રાષ્ટ્રીય રમતગમત ફેડરેશન (NSF), રમતવીરો અને કોચ સહિત 2,000થી વધુ સહભાગીઓ સાથે જોડાયા હતા.
રાષ્ટ્રવ્યાપી ઉજવણી એક પ્રતિજ્ઞા સાથે શરૂ થઈ, જ્યાં લાખો નાગરિકોએ ફિટનેસ અને સ્વાસ્થ્ય પ્રત્યે પ્રતિબદ્ધતાનો પુનરોચ્ચાર કર્યો. આ પ્રસંગ શ્રેષ્ઠતા, મિત્રતા અને આદરના ઓલિમ્પિક મૂલ્યો અને હિંમત, નિશ્ચય, પ્રેરણા અને સમાનતાના પેરાલિમ્પિક મૂલ્યો સાથે ગુંજતો હતો, જે દિવસને રમતગમતની એકીકૃત ભાવના આપે છે.
શાળાઓ, યુનિવર્સિટીઓ, પંચાયતો અને શહેરી સ્થાનિક સંસ્થાઓમાં સામૂહિક હોકી પ્રદર્શનોથી લઈને સામૂહિક ફિટનેસ ડ્રાઇવ સુધી, આ દિવસ ખરેખર "ખેલ જન આંદોલન" બન્યો. ભારતના દરેક જિલ્લામાં ત્રણ અલગ અલગ રીતે ઉજવણીનું આયોજન કરવામાં આવ્યું. આ SAI, ખેલો ઇન્ડિયા અને રાજ્યો અને કેન્દ્રશાસિત પ્રદેશો હેઠળની રમત એકેડેમી દ્વારા; શાળાઓ, કોલેજો, નિવાસી કલ્યાણ સંગઠનો (RWA), કોર્પોરેટ્સ, જાહેર ક્ષેત્રના ઉપક્રમો (PSU) અને સરકારી કચેરીઓની સંગઠનાત્મક સંડોવણી દ્વારા; અને સાંસદો, ધારાસભ્યો, વરિષ્ઠ નેતાઓ અને પ્રખ્યાત રમતવીરોની સંડોવણી દ્વારા જિલ્લા-નેતૃત્વ પ્રવૃત્તિઓ દ્વારા આ દિવસને લોકોના રમતોત્સવમાં ફેરવવાના સામૂહિક પ્રયાસમાં કોઈ પણ સંગઠન પાછળ રહ્યું નહીં, જે ખરેખર 'હર ગલી, હર મેદાન; ખેલેં સારા હિન્દુસ્તાન' ના સૂત્ર પર ખરા ઉતરે છે.
ભારતીય ઓલિમ્પિક સંઘ, ભારતીય પેરાલિમ્પિક સમિતિ અને રાષ્ટ્રીય રમતગમત સંઘોએ આમાં મુખ્ય ભૂમિકા ભજવી હતી. તેઓએ લોકોને રમતગમતમાં લાવવા માટે જ નહીં પરંતુ રમતગમતને લોકો સુધી લઈ જવા માટે પાયાના સ્તરના કાર્યક્રમો શરૂ કર્યા. આ લોકો-કેન્દ્રિત અભિગમે સંદેશ આપ્યો કે રમતગમત માત્ર એક સ્પર્ધા નથી પણ જીવનનો એક માર્ગ છે.
દેશભરના મુખ્યમંત્રીઓ આ કાર્યક્રમોમાં જોડાયા હતા, જેમાં લખનૌ (ઉત્તર પ્રદેશ)માં શ્રી યોગી આદિત્યનાથ, બેંગલુરુ (કર્ણાટક)માં શ્રી સિદ્ધારમૈયા, ભુવનેશ્વર (ઓડિશા)માં શ્રી મોહન ચરણ માઝી, ઇટાનગર (અરુણાચલ પ્રદેશ) માં શ્રી પેમા ખાંડુ અને દેહરાદૂન (ઉત્તરાખંડ)માં શ્રી પુષ્કર સિંહ ધામીનો સમાવેશ થાય છે. નાયબ મુખ્યમંત્રીઓએ આ કાર્યક્રમોનું નેતૃત્વ આંધ્ર પ્રદેશ (વિશાખાપટ્ટનમ), છત્તીસગઢ (રાયપુર) અને મહારાષ્ટ્ર (પુણે)માં કર્યું હતું હતું. અન્ય રાજ્યો અને કેન્દ્રશાસિત પ્રદેશોમાં, રમતગમત મંત્રીઓ અને વરિષ્ઠ રાજકીય પ્રતિનિધિઓએ આ અભિયાનને વેગ આપ્યો. દિબ્રુગઢમાં શ્રી સર્બાનંદ સોનોવાલ, હમીરપુરમાં શ્રી અનુરાગ સિંહ ઠાકુર, અલવરમાં શ્રી ભૂપેન્દ્ર યાદવ અને મેરઠમાં શ્રી અરુણ ગોવિલ સહિત અગ્રણી સાંસદો નાગરિકોને પ્રેરણા આપવા માટે તેમના મતવિસ્તારમાં જોડાયા હતા.
રાષ્ટ્રીય રાજધાનીમાં એક ઐતિહાસિક ક્ષણ સર્જાઈ જ્યારે ડૉ. માંડવિયાએ JLN સ્ટેડિયમ ખાતે ભારતના પ્રથમ મોન્ડો એથ્લેટિક્સ ટ્રેકનું ઉદ્ઘાટન કર્યું હતું. SAI ની એન્જિનિયરિંગ વિંગ દ્વારા રેકોર્ડ ચાર મહિનામાં બનાવવામાં આવેલ આ સુવિધાનું અનાવરણ PCI પ્રમુખ દેવેન્દ્ર ઝાઝરિયા, ઓલિમ્પિયન અંજુ બોબી જ્યોર્જ, રમતગમત સચિવ શ્રી હરિ રંજન રાવ, વર્લ્ડ પેરા એથ્લેટિક્સ ચીફ પોલ ફિટ્ઝગેરાલ્ડ, પેરા-એથ્લેટ્સ સુમિત એન્ટિલ, સિમરન શર્મા, પ્રીતિ પાલ, પ્રવીણ કુમાર અને અન્ય ઘણા લોકોની હાજરીમાં કરવામાં આવ્યું. ઓલિમ્પિક ચેમ્પિયન નીરજ ચોપરાએ આ પ્રસંગને "ભારતીય રમતો માટે એક સીમાચિહ્ન" ગણાવ્યો, જ્યારે પેરાલિમ્પિક સુવર્ણ ચંદ્રક વિજેતા સુમિત એન્ટિલે ટ્રેકની પ્રશંસા "રમતગમતમાં શ્રેષ્ઠતાના નવા દ્રષ્ટિકોણ તરીકે કરી જે ખેલાડીઓની પેઢીઓને પ્રેરણા આપશે."
કેન્દ્રીય મંત્રી, પીસીઆઈના ચેરમેન દેવેન્દ્ર ઝાઝરિયા, પેરાલિમ્પિક સુવર્ણ ચંદ્રક વિજેતા સુમિત અંતિલ, કાંસ્ય ચંદ્રક વિજેતા સિમરન શર્મા, ડબલ ચંદ્રક વિજેતા પ્રીતિ પાલ, સુવર્ણ ચંદ્રક વિજેતા પ્રવીણ કુમાર અને ઓલિમ્પિયન અંજુ બોબી જ્યોર્જ સાથે, નવા બનાવેલા ટ્રેક પર 400 મીટરની ઉત્સાહી પ્રદર્શન દોડમાં પણ ભાગ લીધો હતો. સવારના કાર્યક્રમનું સમાપન મંત્રી XI અને મીડિયા XI વચ્ચે ક્રિકેટ મેચ સાથે થયું, જેમાં 'એક ઘંટા ખેલ કે મેદાન મેં' ના વિચારને સાકાર કરવામાં આવ્યો અને દિવસની ઉજવણી અને સમાવેશી ભાવના પર ભાર મૂકવામાં આવ્યો હતો.
પોતાના સંબોધનમાં ડૉ. માંડવિયાએ પ્રધાનમંત્રી શ્રી નરેન્દ્ર મોદીના વિઝનને યાદ કરતા કહ્યું હતું, "રમતગમત આપણા જીવનનો અભિન્ન ભાગ રહી છે અને હંમેશા રહેશે. આપણો ઇતિહાસ રમતગમતની સમૃદ્ધ વિવિધતાથી ભરેલો છે. હું પ્રધાનમંત્રી નરેન્દ્ર મોદીનો આભાર માનું છું કે તેમણે ટાર્ગેટેડ ઓલિમ્પિક પોડિયમ સ્કીમ (TOPS), ખેલો ઇન્ડિયા અને ફિટ ઇન્ડિયા જેવી પહેલો દ્વારા આ ભાવના પાછી લાવી. ખેલો ઇન્ડિયા પોલિસી અને નેશનલ સ્પોર્ટ્સ એડમિનિસ્ટ્રેશન એક્ટ સાથે, ભારત ઓલિમ્પિકમાં ટોચના પાંચ દેશોમાં સ્થાન મેળવવાની મહત્વાકાંક્ષા સાથે 2047ના વિકસિત ભારત તરફ આગળ વધી રહ્યું છે. રમતના મેદાનથી મોટો કોઈ વર્ગખંડ નથી અને રમતગમતથી મોટો કોઈ શિક્ષક નથી."
રાષ્ટ્રવ્યાપી ઉત્સાહમાં સમાવિષ્ટ પહેલોનો પણ સમાવેશ થતો હતો. આંદામાન અને નિકોબાર ટાપુઓમાં, 15 દિવસીય ઉજવણી મેજર ધ્યાનચંદને પાણીની અંદર શ્રદ્ધાંજલિ સાથે સમાપ્ત થઈ, જે ભાગીદારીની વિવિધતાનું પ્રતીક છે. રાષ્ટ્રીય રમતગમત દિવસ 2025 ની ઉજવણી માટે, ભારતના સૌથી મોટા ગ્રામીણ રમતગમત ઉત્સવ, ઇશા ગ્રામોત્સવમ, જે ઇશા આઉટરીચ દ્વારા ફિટ ઇન્ડિયાના સહયોગથી આયોજિત કરવામાં આવ્યો હતો, તે પણ સાત રાજ્યોમાં ઉજવવામાં આવ્યો. તેની 17મી આવૃત્તિમાં, તે 35,000 ગામડાઓમાં રમતગમત અને તંદુરસ્તીનો આનંદ લાવ્યું છે, જ્યાં 5,000 ટીમો અને 50,000 ખેલાડીઓ, જેમાં 5,000 મહિલાઓનો સમાવેશ થાય છે, વોલીબોલ અને થ્રોબોલ સ્પર્ધાઓમાં ભાગ લીધો હતો.
સોશિયલ મીડિયાએ પણ ખેલાડીઓ અને સેલિબ્રિટીઓના સંદેશાઓ સાથે ઉજવણીમાં વધુ ઉત્સાહ ઉમેર્યો. સચિન તેંડુલકર, પીવી સિંધુ, પીઆર શ્રીજેશ, નીરજ ચોપરા, યોગેશ્વર દત્ત, મીરાબાઈ ચાનુ, સુમિત અંતિલ અને અંજુ બોબી જ્યોર્જ સહિત ઘણી અન્ય હસ્તીઓ રાષ્ટ્રીય રમતગમત દિવસને ટોચના ટ્રેન્ડમાં ફેરવવા માટે જોડાઈ હતી, જેમાં આયુષ્માન ખુરાના, આર. માધવન, શિલ્પા શેટ્ટી કુન્દ્રા, શર્વરી, સૈયામી ખેર અને મધુરિમા તુલીનો સમાવેશ થાય છે.
ત્રણ દિવસીય જન આંદોલનના ભાગ રૂપે ઉજવણી આગામી બે દિવસ સુધી ચાલુ રહેશે. આવતીકાલે, 30 ઓગસ્ટના રોજ, ખેલો ઇન્ડિયા નીતિ 2025 અને રાષ્ટ્રીય રમતગમત વહીવટ અધિનિયમ, ૨૦૨૫ પર રમતગમત ચર્ચાઓ અને પરિષદો યોજાશે. આ દિવસે દેશભરમાં ખો-ખો, કબડ્ડી, વોલીબોલ, કોથળા દોડ અને ખેંચતાણ જેવી સ્વદેશી રમતોમાં સ્પર્ધાઓ પણ યોજાશે. 31 ઓગસ્ટના રોજ, ઉજવણીનું સમાપન ફિટ ઇન્ડિયા સન્ડે ઓન સાયકલ સાથે થશે - 'સ્વદેશી ભારત' થીમ પર સાયકલ ચલાવવાને જીવનશૈલી તરીકે પ્રોત્સાહન આપવા માટે એક રાષ્ટ્રવ્યાપી અભિયાન. દરમિયાન, રમતગમત સામગ્રી ઉત્પાદન પર રાષ્ટ્રીય પરિષદનું ઉદ્ઘાટન આવતીકાલે દિલ્હીમાં આત્મનિર્ભર ભારત થીમ હેઠળ કરવામાં આવશે, જેમાં સ્થાનિક રમતગમત ઉત્પાદન અને નિકાસને પ્રોત્સાહન આપવા માટે રાજ્યોમાં સમાન પરિષદો યોજાશે.
તમિલનાડુ અને ઓડિશાના ગામડાઓથી લઈને દિલ્હી અને મુંબઈ જેવા મહાનગરો સુધી, હિમાલયના નગરોથી લઈને આંદામાન સમુદ્ર સુધી, આજે ભારતે એક અવાજમાં કહ્યું - "એક ઘંટા, ખેલ કે મેદાન મેં". લગભગ એક ચતુર્થાંશ વસ્તી એક સાથે આવવાથી, રાષ્ટ્રીય રમત દિવસ 2025એ સામૂહિક ભાગીદારી માટે એક નવો માપદંડ સ્થાપિત કર્યો છે અને ઓલિમ્પિક શ્રેષ્ઠતા તરફ ભારતની રમતગમત યાત્રામાં એક નિર્ણાયક સીમાચિહ્નરૂપ સાબિત થશે.
(Release ID: 2162101)
Visitor Counter : 22