گورنمنٹ ای مارکیٹ پلیس (جی ای ایم)نے 2016 میں اپنے قیام کے بعد سے مجموعی طور پر مجموعی تجارتی قیمت (جی ایم وی)میں 15 لاکھ کروڑروپے  کا تاریخی سنگ میل عبور کیا ہے۔

یہ کامیابی پورے ہندوستان میں خریداروں اور فروخت کنندگان کے ایک شفاف، موثر اور جامع عوامی حصولی ماحولیاتی نظام کی تشکیل کے جی ای ایم کے وژن میں اعتماد اور بھروسے  کی نشاندہی کرتی ہے۔ پچھلے نو سالوں کے دوران، جی ای ایم نے ایک مضبوط ڈیجیٹل پلیٹ فارم کے طور پر تیار کیا ہے، جس نے حکومتی خریداروں اور بیچنے والوں کی متنوع کمیونٹی کو اکٹھا کیا ہے، بشمول مائیکرو اور سمال انٹرپرائزز(ایم ایس ایم ای)، اسٹارٹ اپس، خواتین کی زیر قیادت کاروبار، درج فہرست ذات و قبائل، انٹرپرائزز اور سیلف ہیلپ گروپس (ایس ایچ جی)۔

اس موقع پر، جی ای ایم کے سی ای او جناب  مہر کمار نے کہا: ‘‘15لاکھ کروڑ روپے کے جی ایم وی کے سنگ میل کو عبور کرنا ہمارے شراکت داروں  کے جی ای ایم پر کیے گئے اعتماد کا ثبوت ہے۔ یہ کامیابی لاکھوں فروخت کنندگان اور خریداروں کی ہے جنہوں نے ہندوستان میں عوامی خریداری کے طریقہ کار کو تبدیل کر دیا ہے۔ ہماری توجہ شمولیت کو گہرا کرنے، عمل کو آسان بنانے اور اختراع کو فروغ دینے پر مرکوز رہے گی تاکہ مواقع ملک کے کونے کونے تک پہنچیں۔ ایک ساتھ مل کر، ہم ایک شفاف، جوابدہ اور ڈیجیٹل طور پر بااختیار پروکیورمنٹ ایکو سسٹم بنا رہے ہیں جو وکست بھارت کے وژن کے مطابق ہے۔’’

جی ای ایم  پر ہر لین دین خریداری سے زیادہ کی عکاسی کرتا ہے۔ یہ کارکردگی، جوابدہی اور بااختیار بنانے کی علامت ہے۔ عمل کو آسان بنا کر، داخلے کی رکاوٹوں کو کم کر کے اور پالیسی اور ٹیکنالوجی کے ذریعے شفافیت کو سرایت کر کے، جی ای ایم نے کاروباری، جدت طرازی، اور مساوی ترقی کو فروغ دیتے ہوئے آخری میل تک پہنچنے کے مواقع فراہم کیے ہیں۔

جی ای ایم کے سفر کی اہم جھلکیاں شامل ہیں:

● مختلف شعبوں کے لاکھوں فروخت کنندگان کے لیے سرکاری خریداری تک رسائی کو بڑھانا۔

● ایم ایس ایم ای، خواتین کاروباریوں اورا سٹارٹ اپس کی شرکت کو مضبوط بنانا۔

● خریداری کے ہر مرحلے میں شفافیت اور جوابدہی کو یقینی بنانا۔

● ڈیجیٹل انڈیا کے وژن کے مطابق نظم و نسق میں ڈیجیٹل طریقہ کار کو  اپنانا۔

یہ سنگ میل صارفین، خریداروں، فروخت کنندگان، پالیسی سازوں، اور منتظمین کی کمیونٹی سے تعلق رکھتا ہے، جنہوں نے جی ای ایم کو تبدیلی کا حقیقی اہل بنایا ہے۔ یہ ڈیجیٹل طور پر بااختیار، شفاف، اور جامع معیشت کی تشکیل میں ایک اہم آلے کے طور پر جی ای ایم کے کردار کو تقویت دیتا ہے، جس سے وکست بھارت کے وسیع تر وژن میں تعاون ہوتا ہے۔

جیسا کہ جی ای ایم آگے دیکھ رہا ہے، اس کی توجہ شمولیت کو گہرا کرنے، اختراع کو مضبوط بنانے، اور ہندوستان میں عوامی خریداری کو مزید تبدیل کرنے کے لیے کارکردگی کو برقرار رکھنے پر ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –ام ،ع د )

U. No. 5275